बुधवार, 7 ऑक्टोबर 2026
केसगळतीवर गुणकारी उपाय! बायोटिनयुक्त प्रोटीन रिच लाडूचे नियमित सेवन केल्यास केसांची होईल झपाट्याने वाढ
Hair Care: केसांच्या वाढीसाठी महिला सतत काहींकाही करत असतात. कधी शाॅम्पूमध्ये बदल केला जातो तर कधी महागड्या हेअर ट्रीटमेंट करुन केस अतिशय मुलायम आणि साॅफ्ट केले जातात. पण जीवनशैली, ताणतणाव आणि खाण्यापिण्याच्या चुकीच्या सवयींमुळे केसांच्या समस्या कमी होण्याऐवजी आणखीनच वाढू लागतात. हागडे शाम्पू, सिरम किंवा रासायनिक हेअर ऑइल वापरुन केसांची खराब झालेली गुणवत्ता सुधारली जाते. केस सुंदर दिसण्यासाठी वरून केसांची खूप जास्त काळजी घेतली जाते, पण केसांना आतून पोषण देणे सुद्धा तितकेच आवश्यक आहे. शरीराला आवश्यक पोषण न मिळाल्यास केसांची वाढ होण्याऐवजी खूप जास्त गळतात. केसांच्या मुळांना बळकट करण्यासाठी आहारात बदल करणे आवश्यक आहे.(फोटो सौजन्य – istock)
केसांची वेगाने वाढ होण्यासाठी बायोटिन, प्रथिने, लोह आणि हेल्दी फॅट्स इत्यादी पदार्थांचे सेवन करावे. आहारातून योग्य पोषण मिळाल्यास केस मजबूत आणि चमकदार घनदाट दिसतात. केसांच्या वाढीसाठी बऱ्याच माहिला बाजारात मिळणाऱ्या महागड्या सप्लीमेंट्सवर आनावश्यक खर्च करतात, पण त्याऐवजी घरच्या घरी कमी साहित्यात पौष्टिक लाडू बनवू शकता. हे लाडू चवीसोबतच केस, शरीर आणि त्वचेसाठी सुद्धा गुणकारी ठरतात. महिनाभर नियमित बायोटिन- प्रोटीन रिच लाडूचे सेवन केल्यास केसांची वाढ होण्यासोबतच केस मजबूत होतात.
