चेहऱ्यावरील वांग, काळे डाग, पिंपल्स घालवण्यासाठी १५ रुपयांचे ‘हे’ फळ ठरेल प्रभावी, त्वचा दिसेल सुंदर

सुंदर आणि चमकदार त्वचा मिळवण्यासाठी तुम्ही पपईचा वापर करू शकता. पपईमध्ये असलेले विटामिन सी त्वचेची खराब झालेली गुणवत्ता सुधारण्यासाठी मदत करते. चला तर जाणून घेऊया पपई फेसमास्क बनवण्याची कृती.

चुकीच्या जीवनशैलीचा परिणाम आरोग्यासह त्वचेवर लगेच दिसून येतो. चेहऱ्यावर पिंपल्स येणे, फोड येणे, वांग, काळे डाग इत्यादी अनेक समस्या उद्भवू लागतात. या समस्या उद्भवल्यानंतर त्वचा हळूहळू खराब होऊ लागते. सर्वच महिलांना नेहमी सुंदर आणि चमकदार त्वचा हवी असते. पण सुंदर आणि चमकदार त्वचेसाठी काळजी घेणे सुद्धा तितकेच आवश्यक आहे. व्यस्थ जीवनशैलीमुळे अनेकदा महिला स्वतःच्या आरोग्याकडे दुर्लक्ष करतात. पण असे केल्यामुळे हळूहळू त्वचा खराब होऊन जाते. त्यामुळे नियमित त्वचेच्या आरोग्याकडे लक्ष देणे आवश्यक आहे. सतत काम, वातावरण,प्रदूषण, तणाव, थकवा इत्यादींमुळे त्वचा निस्तेज आणि रुक्ष होते.

सुंदर त्वचा मिळवण्यासाठी केमिकल उपाय करण्याऐवजी घरगुती आणि नैसर्गिक उपाय करावे. ज्यामुळे त्वचेची गुणवत्ता खराब होत नाही. खराब झालेली त्वचेची गुणवत्ता सुधारण्यासाठी पपई फळाचा वापर करावा. पपईमध्ये असलेले विटामिन सी त्वचेवरील डाग, वांग, पिंपल्स घालवण्यासाठी मदत करते. पपईमध्ये अनेक इतरही गुणधर्म आढळून येतात, ज्याचा शरीराला सुद्धा फायदा होतो. त्यामुळे आज आम्ही तुम्हाला त्वचेसंबंधित समस्यांपासून आराम मिळवण्यासाठी पपईचा वापर कसा करावा, याबद्दल सांगणार आहोत. चला तर जाणून घेऊया.(फोटो सौजन्य-istock)

हे देखील वाचा: बेसनामध्ये काय मिसळून लावल्याने चेहरा स्वच्छ होतो?

पपई मास्क तयार करण्याची कृती:

पपईमध्ये मुबलक प्रमाणात विटामिन सी आढळून येते. ज्याचा त्वचेला फायदा होतो. खराब झालेली त्वचेची गुणवत्ता सुधारण्यासाठी पपई फेस मास्क नक्की वापरून पहा. पपई फेसमास्क बनवण्यासाठी सर्वप्रथम पपईची साल काढून पपईचे बारीक तुकडे करून घ्या. त्यानंतर मिक्सरच्या भांड्यात टाकून बारीक पेस्ट तयार करा. तयार केलेली पेस्ट 15 मिनिटं फ्रिजमध्ये थंड होण्यासाठी ठेवा. नंतर त्यात मध घालून मिक्स करा. संपूर्ण त्वचेला पेस्ट लावून झाल्यानंतर 15 ते 20 मिनिटं तशीच ठेवा. नंतर पाण्याने स्वच्छ धुवा. यामुळे तुमची त्वचा सुंदर आणि मुलायम होईल.

पपई आणि तूप:

सुंदर त्वचेसाठी आठवड्यातून एकदा तुम्ही पपई आणि तूप त्वचेला लावू शकता. यासाठी पपईची पेस्ट तयार करून त्यात तूप मिक्स करून त्वचेला लावा. 15 ते 20 मिनिटं ठेवून झाल्यानंतर पाण्याने चेहरा स्वच्छ धुवा. हा उपाय आठवड्यातून एकदा किंवा दोनदा केल्यामुळे पिंपल्स आणि डाग निघून जाण्यास मदत होईल. तूप त्वचा हायड्रेट आणि फ्रेश ठेवण्याचे काम करते.

हे देखील वाचा: केमिकल पदार्थांचा वापर न करता ‘या’ पाण्याचा वापर करून १० मिनिटांमध्ये बनवा मेकअप सेटिंग स्प्रे

पपईच्या सालीचा वापर:

पपई आणल्यानंतर त्याच्या आतील मऊ भागाचे सेवन केले जाते आणि पपईची साल टाकून दिली जाते. पण पपईसह पपईची साल सुद्धा आरोग्यासाठी अतिशय पौष्टिक आहे. पपईच्या सालीत अँझाइम्स आढळून येते, ज्यामुळे त्वचेवरील डेड स्किन निघून जाते आणि त्वचा उजळदार दिसू लागते. त्वचेवरील डाग कमी करण्यासाठी तुम्ही प[पपईच्या सालीचा सुद्धा वापर करू शकता. पपईच्या सालीचा फेसमास्क बनवून त्वचेवर लावल्यानंतर हलक्या हाताने मसाज करून घ्या.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.