Holi 2026: रासायनिक रंगांपासून सावध! त्वचेवर रॅशेस, मुरुम आणि केसगळतीचा धोका

होळीत रंगांची उधळण तर असतेच पण त्याचबरोबर रंगांमुळे अनेक गोष्टींचा त्रासही होतो. होळीत रंग खेळल्यावर केस खराब होणे वा अंगावर पुरळ येणे हे सर्रास होते. त्यामुळे कशी काळजी घ्यावी जाणून घ्या

• होळीत केसांची, त्वचेची काळजी कशी घ्यावी

• केमिकलयुक्त रंगांपासून कसे सावध रहाल

• तज्ज्ञांनी दिली योग्य माहिती 

होळी हा रंगांचा आणि आनंदाचा सण असला तरी बाजारात उपलब्ध असलेले अनेक रासायनिक (सिंथेटिक) रंग हे तुमची त्वचा आणि केसांसाठी धोकादायक ठरू शकतात. विशेषतः संवेदनशील त्वचा, लहान मुले आणि त्वचारोग असलेल्यांनी व्यक्तींनी होळी खेळताना विशेष काळजी घेणे गरजेचे आहे.

स्वस्त आणि भडक रंग तयार करताना लेड ऑक्साईड, कॉपर सल्फेट, अॅल्युमिनियम ब्रोमाईड (Aluminium Bromide), मर्क्युरी सल्फाईड सारख्या रसायनांचा वापर केला जातो ज्यामुळे त्वचारोगाचा धोका वाढतो. डॉ. शरीफा चौसे, त्वचारोग तज्ज्ञ, मुंबई यांनी याबाबत अधिक माहिती दिली आहे. 

Holi 2026: होळीचा सण विविध राज्यात साजरा करण्यामागील काय आहे परंपरा, जाणून घ्या

होळीनंतर उद्भवणाऱ्या त्वचेच्या समस्या 

• त्वचेवर रॅशेस, खाज, लालसरपणा
• मुरुम
• त्वचा कोरडी पडणे व सोलली जाते
• डोळे जळजळणे, पाणी येणे
• केस गळणे, कोंडा 
• टाळूवर खाज व संसर्ग

रंग त्वचेवर जास्त वेळ राहिल्यास समस्या अधिक गंभीर होऊ शकतात.

संवेदनशील त्वचा असलेल्या व्यक्ती आणि मुलांना जास्त धोका का?

• लहान मुलांची त्वचा पातळ व नाजूक असल्याने त्यांच्या त्वचेचे लवकर नुकसान होते
• संवेदनशील त्वचा, एक्झिमा किंवा अॅलर्जी असलेल्यांना व्यक्तींना तीव्र प्रतिक्रिया होते
• डोळे चोळण्याची सवय असल्याने संसर्गाचा धोका वाढतो
• मुलांमध्ये रासायनिक रंग चुकून तोंडात जाण्याची शक्यता अधिक असते.

शक्यतो नैसर्गिक, फुलांपासून बनवलेले किंवा हर्बल रंग वापरावेत. त्वचेवर त्रास दिसल्यास त्वरित त्वचारोग तज्ज्ञांचा सल्ला घ्यावा.

होळी खेळण्यापूर्वी त्वचा आणि केसांचे संरक्षण कसे कराल?

• रंगांपासून त्वचा व केसांचे रक्षण करण्यासाठी काही सोप्या उपायांनी मोठा फरक पडू शकतो
• होळी खेळण्यापूर्वी त्वचा आणि केसांना तेल लावणे का महत्त्वाचे?
• होळी खेळण्यापूर्वी नारळाचे, बदामाचे किंवा ऑलिव्ह ऑइल त्वचा आणि केसांना लावावे
• तेलामुळे त्वचेवर एक संरक्षणात्मक थर तयार होतो
• रंग त्वचेत खोलवर मुरत नाहीत आणि नंतर सहज निघतात
• केसांना तेल लावल्यास टाळू कोरडी पडत नाही व केसगळतीही कमी होते
• होळी खेळण्यापूर्वी सनस्क्रीन लावायला विसरु नका
• एसपीएफ 30 किंवा त्याहून अधिक सनस्क्रीन वापरा. होळी खेळायला जाण्यापूर्वी २० ते ३० मिनिटे आधी सनस्क्रिन लावा
• वॉटर-रेझिस्टंट सनस्क्रीन वापरल्यास पाण्यामुळे सनस्क्रीन निघून जाणार नाही
• रंगांमुळे त्वचा संवेदनशील होते, त्यामुळे सूर्यप्रकाशाचा त्रास वाढू शकतो.

Holi 2026: यंदाची होळी बनवा आणखी खास! Google Gemini च्या मदतीने तयार करा रंगीत AI फोटो, हे आहेत व्हायरल प्रॉम्प्ट्स

ओठ, नखे आणि डोळ्यांचे संरक्षण

• ओठांवर जाड थर असलेला लिप बाम किंवा व्हॅसलिन लावा
• नखांवर गडद रंगाची नेलपॉलिश लावल्यास रंग नखात शिरत नाही
• डोळ्यांच्या सुरक्षेसाठी सनग्लासेस वापरा
• कॉन्टॅक्ट लेन्सऐवजी चष्मा वापरणे योग्य राहील
• शक्यतो ड्राय होळी खेळा. चेहऱ्यावर जोराने रंग चोळू नका
• होळीनंतर सौम्य फेसवॉश आणि माइल्ड शॅम्पू वापरा
• त्वचेवर असामान्य लक्षणं २४ तासांपेक्षा जास्त काळ टिकल्यास डॉक्टरांचा सल्ला घ्या
• रासायनिक रंगांचा थेट संपर्क कमी करण्यासाठी लांब बाह्यांचे कपडे, फुल पँट आणि शूज घाला
• होळी खेळण्यापूर्वी, खेळताना आणि खेळल्यानंतर भरपूर पाणी प्या जेणेकरून तुमची त्वचा आतून हायड्रेट राहील