Travel News : कचोरी कॅपिटलच्या नावाने फेमस आहे भारतातील शहर, तुम्हाला माहिती आहे का?

कचोरी म्हटलं की तोंडाला पाणी सुटल्याशिवाय राहत नाही. पण राजस्थानातील एक शहर चक्क ‘कचोरीची राजधानी’ म्हणून ओळखले जाते. इथल्या कचोरीची चव आणि वर्षानुवर्षांची परंपरा खवय्यांना खास आकर्षित करते.

• राजस्थानातील हे शहर कचोरीसाठी देशभरात प्रसिद्ध आहे.
• इथल्या जुन्या बाजारात पिढ्यानपिढ्या कचोरी विकणारी दुकाने आहेत.
• कचोरीसोबत चहा आणि जलेबीचे कॉम्बिनेशन स्थानिकांमध्ये लोकप्रिय आहे.

भारतात स्ट्रीट फूडविषयी बोलणं केलं तर त्यात कचोरीचं नाव हे येतंच. खुशखुशीत आणि क्रिस्पी कचोरीसोबत मसालेदार बटाट्याची भाजी किंवा चटपटीत चटणी यांचे काँम्बीनेशन फार चांगले लागते. आपल्या देशातील प्रत्येक कानाकोपऱ्यात डाल कचोरीपासून ते मावा कचोरीपर्यंत याचे अनेक प्रकार पाहायला मिळतात. पण तुम्हाला माहिती आहे का? देशात एक असे शहर देखील आहे जे कचोरीची राजधानी म्हणून ओळखले जाते. चला हे ठिकाणाचे नाव काय आणि इथली खासियत याविषयी सविस्तर जाणून घेऊया.

रेल्वेचे नाईट रूल्स माहिती आहेत का? रात्री 10 पासून संध्याकाळी 6 वाजेपर्यंत ट्रेनमध्ये या गोष्टी करण्यास आहे मनाई

पूर्व राजस्थानमध्ये वसलंय ठिकाण

आम्ही ज्या ठिकाणाविषयी बोलत आहोत ते ठिकाण पूर्व राजस्थानमधील एक अत्यंत सुंदर शहर आहे ज्याचे नाव आहे ‘भरतपुर’. या शहरात सकाळची सुरुवात कचोरीने होते. भरतपूरच्या जुन्या बाजारात अनेक दशकांपासून सुरु असलेली काही खास कचोरीची दुकाने आहेत. इथे सकाळच्या प्रहरी तुम्हाला लज्जतदार कचोरीचा आस्वाद घेता येईल. इथे कचोरी म्हणजे फक्त एक स्नॅक्सचा पदार्थ नाही तर एक अशी स्वादिष्ट परंपरा आहे ज्यासाठी लोक आपली सकाळची झोप देखील कुर्बान करु शकतात.

चहा, जलेबी आणि कचोरी

भरतपूरमध्ये कचोरीचा आनंद घ्यायचा असेल तर त्यासाठी कोणत्या समारंभाची वाट पाहिली जात नाही. रोज सकाळी रस्त्याशेजारी कचोरीचे फूड स्टाॅल्स ओपन होतात जिथे ताजी, खस्ता कचोरी विकली जाते. नोकरदार वर्गापासून ते शाळेतील विद्यार्थ्यांपर्यंत कचोरीचा आनंंद लुटण्यासाठी सर्वच लोक एका ठिकाणी जमतात आणि मोठ्या आनंदाने कचोरी खात आपल्या सकाळची सुरुवात करतात. स्थानिकांमध्ये खास करुन चहा, कचोरी आणि त्यासोबत गोड कचोरी हे काँम्बीनेशन फार लोकप्रिय आहे. तुम्ही कधी ट्राय केलं नसल्यास हे काँम्बानेशन एकदा नक्की खाऊन पाहा.

Monsoon Travel Insurance : फिरण्याआधी काढा ट्रॅव्हल इंश्याॅरंस, कोणकोणते फायदे होतात ते जाणून घ्या

जुनी रेसिपी आजही कायम

शहरातील कचोरी कल्चर आता तयार झाले नसून वर्षांनुवर्षांपासून ही परंपरा सुरु आहे. आजही भरतपुरमध्ये काही अशी दुकाने आहे जिथे पिढ्यानपिढ्या कचोरी विकली जात आहे आणि मुख्य म्हणजे या कचोरींच्या चवीत आजही काही बदल झालेला नाही. भरतपूरमध्ये कचोरीसाठी असलेले हे प्रेम पाहूनच त्याला कचोरी कॅपिटल हे नाव देण्यात आलं आहे.