Monsoon Travel Insurance : फिरण्याआधी काढा ट्रॅव्हल इंश्याॅरंस, कोणकोणते फायदे होतात ते जाणून घ्या

पावसाळ्यात ट्रिपचा आनंद घेताना अचानक उद्भवणाऱ्या फ्लाइट डिले, ट्रिप कॅन्सलेशन किंवा मेडिकल इमर्जन्सीसारख्या समस्यांमुळे आर्थिक नुकसान होऊ शकते. अशावेळी ट्रॅव्हल इन्शुरन्स प्रवाशांसाठी आर्थिक सुरक्षा कवच ठरू शकतो.

(फोटो सौजन्य: Pinterest)

Follow Us:

Follow Us:

• पावसामुळे फ्लाइट उशिरा झाल्यास किंवा ट्रिप रद्द झाल्यास पॉलिसीच्या अटींनुसार भरपाई मिळू शकते.
• प्रवासादरम्यान रुग्णालयातील खर्च आणि आपत्कालीन वैद्यकीय मदतीसाठी कव्हरेज मिळू शकते.
• सामान हरवणे, चोरीला जाणे किंवा खराब होणे यासाठीही पॉलिसीनुसार नुकसानभरपाई मिळू शकते.

रेल्वेचे नाईट रूल्स माहिती आहेत का? रात्री 10 पासून संध्याकाळी 6 वाजेपर्यंत ट्रेनमध्ये या गोष्टी करण्यास आहे मनाई

काय आहे याचे महत्त्व?

अधिकतर भारतीय लोक ट्रॅव्हल इंश्याॅरंसकडे दुर्लक्ष करत आले आहेत. बऱ्याचदा बजेटच्या कमतरेमुळे याकडे फालतू खर्च म्हणून पाहिले जाते. परंतु बदलते वातावरण आणि वाढते पावसाचे प्रमाण पाहता याकडे पाहण्याचा दृष्टीकोन काहीसा बदलला आहे. तज्ञांचे म्हणणे आहे की, पावसाळ्यात अचानक मुसळधार पाऊस, पूर आणि भूस्खलनसारख्या घटनांमुळे ट्रिपची प्लॅनिंग पूर्णपणे बिघडू शकते. अशात ट्रॅव्हल इंश्याॅरंस अशी गोष्टी आहे जी तुमचा आर्थिक खर्चापासून बचाव करु शकते.

कॅन्सलेशनवर मिळेल सवलत

पावासळ्यात फ्लाईट्स डिले होणे किंवा रद्द होणे फार सामान्य होते. ट्रॅव्हल इंश्याॅरंस ‘फ्लाइट डिले कव्हरेज’च्या मदतीने जर तुमची फ्लाईट निर्धारित वेळेपेक्षा फार जास्त लेट झाली असेल तर त्या विलंबासाठी तुम्हाला भरपाई मिळू शकते. तथापि, हे लक्षात घेण महत्त्वाचं आहे की, विलंब असाधारण परिस्थितीमुळे, म्हणजेच एअरलाइनच्या नियंत्रणाबाहेरच्या गोष्टींमुळे झाला असेल, तर झालेल्या नुकसानीची भरपाई करण्यासाठी एअरलाइन नेहमीच जबाबदार नसते.

युरोपचे रहस्यमय ठिकाण जिथे महिलांच्या प्रवेशावर आहे बंदी, मादा प्राण्यांवरही लागू होतो नियम

कोणकोणत्या गोष्टींवर लागू होतो ट्रॅव्हल इंश्याॅरंस?

• जर खराब वातावरणामुळे ट्रिप रद्द करावी लागली तरी कॅन्सलेशन कव्हरेजच्या मदतीने हाॅटेल आणि प्रवासात खर्च झालेले पैसे परत मिळू शकतात. तथापि काही पर्सनल कारणाने जर ट्रिप कॅन्सल केलीत तर कंपनी यासाठी तुम्हाला भरपाई देणार नाही.
• याशिवाय वैद्यकीय आपत्कालीन परिस्थिती, रुग्णालयातील खर्च आणि आपत्कालीन स्थलांतर या गोष्टींसाठीही प्रवाशांना पाॅलिसीनुसार भरपाई दिली जाऊ शकते.
• अनेकदा पावसाळ्यात सामान भिजणे किंवा हरवण्याचा धोकाही वाढतो. पाॅलिसीमध्ये यासाठीही कव्हरेज देण्यात आलेले असते ज्यामुळे तुम्हाला नुकसानभरपाई मिळू शकेल.
• प्रवास विमा, सामानाची चोरी आणि ट्रिपमध्ये होणारा विलंब अशा परिस्थितीतही आर्थिक मदत पुरवली जाते.

Web Title: Monsoon travel tips why travel insurance is important for flight delay cancellation medical emergency and luggage loss

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com