कंबर, पाय, सांध्यांमध्ये होतात तीव्र वेदना? कॅल्शियमच्या कमतरतेने वाढतोय हाडे ठिसून होण्याचा धोका; ‘हे’ पदार्थ आवर्जून खा

Calcium Deficiency : आजकाल वृद्ध असो तरुण सर्वांच्याच शरीरात कॅल्शियमचे प्रमाण कमी होऊ लागले आहे. यामुळे हाडे ठिसून होतात ज्यामुळे शरीराच्या विविध भागांत वेदना होऊ लागतात.

• कॅल्शियमच्या कमतरतेची समस्या सध्या फार वाढत आहे
• कॅल्शियमच्या कमतरतेमुळे हाडे ठिसूळ होऊ लागतात
• शरीरात कॅल्शियम वाढवण्यासाठी काही पदार्थांचे सेवन फायद्याचे ठरते

कॅल्शियमची कमतरता भासल्यास शरीरात अनेक लक्षणं दिसून येतात जसं की कंबर, पाय, कुल्ह्यांमध्ये वेदना होतात, मांसपेशी कमकुवत होतात, दात कमकुवत होता, कॅव्हिटीजी आणि हिरड्यांच्या समस्याही उद्भवतात. नखं पातळ होतात. कॅल्शियमच्या कमतरतेमुळे शरीर थकल्यासारखं वाटतं. कॅल्शियम हा हाडं आणि दातांच्या मजबूतीसाठी आवश्यक असलेला घटक आहे ज्यामुळे ऑस्टिओपोरोसिस सारख्या आजारांचा धोका टाळता येतो.

कॅल्शियम मांसपेशींचे संकुचन होण्यात महत्वाची भूमिका बजावतो. कॅल्शियममुळे रक्ताच्या गुठळ्याही तयार होत नाहीत. कॅल्शियमच्या कमतरतेमुळे हाडं कमकुवत होतात याव्यतिरिक्त नखांमध्येही लक्षणं दिसून येतात. शरीरातील काही लक्षणे कॅल्शियमच्या कमतरतेचे संकेत देत असतात. चला ही कोणती लक्षणे आहेत आणि शरीरातील ही कॅल्शियमची कमतरता भरून काढण्यासाठी कोणत्या पदार्थांचे सेवन करायला हवे ते जाणून घेऊया.

कॅल्शियमच्या कमतरतेची लक्षणे कोणती ?

वॉशिग्टन नॅशनल हेल्थ सर्विसच्या रिपोर्टनुसार कॅल्शियमच्या कमतरतेमुळे अनेक लक्षणं दिसून येतात जसं की कंबरेत वेदना, मांसपेशी कुमकुवत होणं, दातांमध्ये वेदना, चिंताग्रस्तता हिरड्यांच्या समस्या, नखं पातळ होणं कॅल्शियमच्या कमतरतेमुळे शरीराला थकवा येतो. जेव्हा शरीरात कॅल्शियमची कमतरता भासते तेव्हा नखं पातळ होतात आणि तुटू लागतात. हाडांतून कॅल्शियम कमी होणे याला ऑस्टिओपेनिया असं म्हणतात. जेव्हा ते सौम्य असते तेव्हा या स्थितीला ऑस्टिओपोरोसिस असे म्हणतात. नखं आणि हार्ड वेगवेगळ्या गोष्टींपासून बनले असले तरी बऱ्याचप्रमाणात एकसारखेच असतात. यासाठीच नखं खराब होणं हे हाडांच्या कमकुवतपणाचे लक्षण आहे. कॅल्शियमच्या कमतरतेनं नखांची वाढ कमी होते फक्त कॅल्शियमच नाही तर शरीरात इतर पोषक तत्वांची कमतरता असल्यासही नखांची वाढ कमी वेगानं होते.

कॅल्शियमची कमतरता भरून काढण्यासाठी काय खावं?

• कॅल्शियमयुक्त दूध, दही, पनीर, हिरव्या भाज्या, सोयाबीन, बदाम, संत्री या खाद्यपदार्थांचा आहारात समावेश करा.
• फोर्टिफाईड सोया आणि राईस ड्रिक्स, फोर्टिफाईड ज्यूस आणि माशांमध्ये कॅल्शियम भरपूर प्रमाणात असते.
• द्रव पावडर, गोळ्या कॅप्सूलच्या माध्यमातून तुम्हाला पुरेसे कॅल्शियम मिळू शकते.
• आपल्या शरीरात कॅल्शियम कमी आहे ते अनेकांना माहिती नसते.
• तुमच्या शरीराला पुरेसे कॅल्शियम मिळत आहे का हे पाण्यासाठी तुम्ही हाडांची घनता चाचणी करू शकता.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.