आचार्य चाणक्यंचा एक एक शब्द म्हणजे वास्तव पाहायला मिळतं. चाणक्यनिती शास्त्रामध्ये आचार्य चाणक्य यांनी जीवनाविषयी अनेक चांगल्या गोष्टी सांगितल्या आहेत. चाणक्य नीतीनुसार माणसाचे आयुष्य अनमोल असते. जो वेळ जातो तो पुन्हा परत येऊ शकत नाही. अशा वेळी वेळेचा सदुपयोग करून जीवन यशस्वी करण्यासाठी सर्वतोपरी प्रयत्न केले पाहिजेत.
आचार्य चाणक्य यांच्या मते, कोणत्याही मनुष्याच्या यशात चांगली संगत खूप मोठी भूमिका बजावते. त्यांना प्रत्येक पायरीवर यश मिळते. तर दुसरीकडे जे लोकं मित्र निवडताना काळजी घेत नाहीत, त्यांना प्रत्येक क्षणी आव्हाने आणि संकटांना सामोरे जावे लागते. चाणक्य नीतीनुसार जाणून घेऊयात की मैत्रीमध्ये कोणत्या गोष्टींची काळजी घेतली पाहिजे.
चाणक्यजी यांच्या मते खऱ्या मित्राची ओळख खूप महत्त्वाची असते. खरा मित्र तोच असू शकतो जो नेहमी योग्य मार्ग दाखवतो. तसेच तुम्हाला चुकीच्या मार्गावर जाण्यापासून परावृत्त करतो. याशिवाय सुख-दुःखात नेहमी साथ देत असतो. चाणक्य नीतीनुसार , चुकीचा मित्र संकटात टाकून आयुष्य उध्वस्त करू शकतो. त्यामुळे खरा मित्र ओळखल्यानंतर त्याच्याशी मैत्री करायला हवी.
नीतिशास्त्रात चाणक्यजी म्हणतात की चुकीच्या संस्कारांनी किंवा चुकीच्या सवयींनी वेढलेल्या अशा लोकांना चुकूनही कधीच मित्र बनवू नये. तसेच जे नेहमी स्वार्थ जपतात, तेही चांगल्या मित्रांच्या श्रेणीत येत नाहीत. असे मित्र वेळ आल्यावर फसवणूक करू शकतात. त्यामुळे त्यांच्याशी सावधगिरी बाळगली पाहिजे.
आचार्य चाणक्यजी यांच्या मते, माणसावर वाईट वेळ आल्यावर खरा मित्र ओळखला जातो. वाईट काळात मैत्रीची ओळख होते. जे खरे मित्र नाहीत ते वाईट काळात साथ देत नाहीत. असे मित्र स्वार्थी, लोभी असतात.
