Christmas 2025 : सणाचा गोडवा वाढवा, ओरिओ बिस्किटांपासून घरी बनवा ‘ख्रिसमस केक’

Orio Cake Recipe : ओरिओ बिस्कीट कुणाला आवडत नाही, याची चॉकलेटी चव याला खास बनवते. पण तुम्ही कधी ओरिओ बिस्किटांपासून चविष्ट असा केक बनवला आहे का? नसेल तर यंदाच्या ख्रिसमसला नक्की बनवा.

• दरवर्षीप्रमाणे २५ डिसेंबर रोजी ख्रिसमसचा सण साजरा केला जाणार आहे
• या सणानिमित्त आवर्जून सर्वांच्या घरी केक तयार केला जातो
• तुम्ही यंदा साधा, सोपा पण चवदार ओरिओ केक तयार करू शकता

ख्रिसमस म्हणजे आनंद, उत्साह, कुटुंबीयांसोबत घालवलेले सुंदर क्षण आणि खास गोड पदार्थांची मेजवानी. या सणाला घरात केक बनवण्याची परंपरा अनेक घरांमध्ये असते. पारंपरिक प्लम केक किंवा फ्रूट केकसोबतच आजकाल मुलांपासून मोठ्यांपर्यंत सगळ्यांनाच आवडणारा ओरेओ केक खूप लोकप्रिय झाला आहे. ओरेओ बिस्किटांची चॉकलेटी चव आणि मऊ, स्पंजसारखा केक यांचा संगम ख्रिसमस सेलिब्रेशनला अधिक खास बनवतो.

हिवाळ्यात शरीर बनवा बळकट; घरी बनवा मूगडाळीची टेस्टी चिक्की, अनेक महिने साठवून ठेवता येईल

या केकची खास गोष्ट म्हणजे तो बनवायला खूप सोपा आहे आणि ओव्हन नसतानाही कुकर किंवा कढईत सहज करता येतो. त्यामुळे नवशिक्यांनाही हा केक परफेक्ट जमतो. ख्रिसमसच्या सुट्टीत मुलांसोबत हा केक बनवताना मजाही येते आणि घरभर छान चॉकलेटचा सुगंध पसरतो. सुंदर सजावट, चॉकलेट गॅनाश किंवा क्रीमने केलेली फिनिशिंग यामुळे हा केक पाहायला जितका सुंदर दिसतो तितकाच खायला ही अप्रतिम लागतो. यंदाच्या ख्रिसमसला बाजारातून केक आणण्याऐवजी घरच्याघरी बनवलेला हा ओरेओ केक नक्की करून पाहा आणि आपल्या सणात गोडवा वाढवा.

साहित्य

• ओरेओ बिस्किटे – 20 ते 25
• दूध – 1 कप
• साखर – 2 ते 3 टेबलस्पून (आवडीनुसार)
• बेकिंग पावडर – 1 टीस्पून
• बेकिंग सोडा – चिमूटभर
• व्हॅनिला एसेंस – ½ टीस्पून
• बटर किंवा तेल – 2 टेबलस्पून

सकाळच्या नाश्त्यात शिल्लक राहिलेल्या ब्रेडपासून बनवा कुरकुरीत मेदुवडे, डाळ तांदूळ भिजत घालण्याचे टेन्शन होईल दूर

कृती

• यासाठी सर्वप्रथम ओरेओ बिस्किटांची क्रीम वेगळी करून बिस्किटे मिक्सरमध्ये बारीक पूड करून घ्या.
• त्यात दूध आणि साखर घालून गुळगुळीत मिश्रण तयार करा.
• आता बेकिंग पावडर, बेकिंग सोडा आणि व्हॅनिला एसेंस घालून हलक्या हाताने मिक्स करा.
• शेवटी बटर किंवा तेल घालून मिश्रण थोडे फेटा, जेणेकरून केक मऊ होईल.
• केक टिनला तेल लावून मिश्रण ओता आणि हलकेच टॅप करा.
• प्रीहिट केलेल्या कुकर किंवा ओव्हनमध्ये मध्यम आचेवर 30–35 मिनिटे बेक करा.
• टूथपिक घालून तपासा, स्वच्छ बाहेर आली तर केक तयार आहे. थंड झाल्यावर सजावट करा.
• ख्रिसमस थीमसाठी वरून चॉकलेट सॉस, व्हीप्ड क्रीम, ओरेओ क्रश किंवा रंगीबेरंगी स्प्रिंकल्स घालू शकता.
• थोडेसे चेरी किंवा चॉकलेट चिप्स वापरल्यास केक आणखी आकर्षक दिसेल.