टेस्टीच नाही तर हेल्दीही… घरी बनवा कुरकुरीत ‘सुरणाचे मसाला चिप्स’, एकदाच बनवा आणि महिनाभर साठवा

Surnache Chips Recipe : बटाट्याचे, केळ्याचे चिप्स तर आजवर तुम्ही अनेकदा खाल्ले असतील पण तुम्ही कधी सुरणाचे कुरकुरीत चिप्स खाल्ले आहेत का? हे चिप्स चवीलाच काय आरोग्यालाही फायद्याचे ठरतात.

• फार पूर्वीपासून सुरणाचे सेवन केले जात आहे.
• हा एक असा पदार्थ आहे जो चवीला स्वादिष्ट आणि पचायला हलका ठरतो.
• आपण आजवर सुरणाची भाजी खाल्ली असेल पण तुम्ही कधी याचे मसालेदार आणि कुरकुरीत चिप्स खाल्ले आहेत का?

सुरण हा कंद भारतीय स्वयंपाकघरात पूर्वापार वापरला जाणारा एक खास पदार्थ आहे. अनेकांना सुरण म्हटले की त्याची खाज, कडूपणा किंवा योग्य पद्धतीने न केल्यास होणारा त्रास आठवतो. पण योग्य रीतीने साफसफाई आणि शिजवणूक केली, तर सुरण अतिशय चविष्ट, पौष्टिक आणि पचायला हलका ठरतो. सुरणामध्ये फायबर, आयर्न, पोटॅशियम आणि अँटीऑक्सिडंट्स मुबलक प्रमाणात असतात, त्यामुळे तो पचन सुधारतो आणि शरीराला ऊर्जा देतो.

Recipe : हेल्दी खायचंय तर घरी बनवा ‘अंकुरलेल्या मुगाची चाट’, चवही लागेल भारी

चहासोबत खाण्यासाठी, उपवास नसलेल्या दिवशी फराळ म्हणून किंवा जेवणात साइड डिश म्हणून सुरणाचे चिप्स उत्तम लागतात. योग्य मसाल्यांचे प्रमाण आणि योग्य तापमानात त्यांना तळले की, हे चिप्स बाहेरून खमंग आणि आतून मऊसर होतात. आज आपण घरच्या घरी अगदी सोप्या पद्धतीने खमंग आणि कुरकुरीत चवीचे सुरणाचे मसाला चिप्स कसे बनवायचे याची रेसिपी जाणून घेणार आहोत.

साहित्य:

• सुरण – 250 ग्रॅम
• चिंचेचे पाणी – 2 टेबलस्पून
• मीठ – चवीनुसार
• हळद – ½ टीस्पून
• लाल तिखट – 1 टीस्पून
• धणे-जिरे पूड – 1 टीस्पून
• तांदळाचे पीठ किंवा रवा – 2 टेबलस्पून
• तेल – तळण्यासाठी

कोणत्याही कस्टर्ड पावडर किंवा साखरेचे वापर न करता घरीच बनवा गुलाबी स्ट्रॉबेरी फ्रूट सॅलेड, डाएट करणाऱ्यांना नक्कीच आवडेल

 कृती:

• यासाठी सर्वप्रथम सुरण सोलताना हाताला तेल लावा. सुरण सोलून पातळ गोल काप करा.
• हे काप चिंचेच्या पाण्यात 10–15 मिनिटे भिजत ठेवा, त्यामुळे खाज येत नाही.
• नंतर काप स्वच्छ पाण्याने धुऊन कोरडे करून घ्या.
• एका भांड्यात सुरणाचे काप घ्या, त्यात मीठ, हळद, लाल तिखट, धणे-जिरे पूड घालून नीट मिसळा.
• वरून तांदळाचे पीठ किंवा रवा घालून हलक्या हाताने मिक्स करा.
• कढईत तेल गरम करा. तेल मध्यम गरम झाल्यावर चिप्स एकेक करून सोडा.
• चिप्स दोन्ही बाजूंनी सोनेरी आणि कुरकुरीत होईपर्यंत तळा.
• चिप्सना काढून टिश्यू पेपरवर ठेवा, जेणेकरून जास्त तेल निघून जाईल.
• गरमागरम सुरणाचे मसाला चिप्स चहा किंवा टोमॅटो सॉससोबत सर्व्ह करा.
• हे चिप्स लहान मुलांपासून मोठ्यांपर्यंत सगळ्यांनाच आवडतात.
• तुम्हाला हवं असल्यास तुम्ही यात पेरी पेरी मसाला देखील घालू शकता.