Recipe : सकाळचा नाश्ता होईल मजेदार; घरी बनवा टेस्टी ‘चीज चिली टोस्ट’, लहान मुले होतील खुश

Cheese Chili Toast Recipe : चीज चिली टोस्ट हा एक झटपट होणारा, कुरकुरीत आणि चविष्ट पदार्थ असून जो सकाळच्या किंवा संध्याकाळच्या नाश्त्यासाठी एक उत्तम पर्याय ठरतो. घाईगडबडीच्या वेळी चविष्ट नाश्ता हवा तर याची निवड करा.

• सकाळचा नाश्ता आपल्या आरोग्यसाठी खूप फायद्याचा ठरत असतो.
• नाश्ता दिवसभर आपल्याला ऍक्टिव्ह ठेवण्यास मदत करतो.
• तुम्हीही तोच तोच बोरिंग नाश्ता करून कंटाळला असाल तर आजच घरी बनवा चीज चिली टोस्ट.

नाश्ता म्हटलं की तो झटपट, चवदार आणि पोटभर असावा, असं आपल्याला सगळ्यांनाच वाटतं. अशा वेळी चीज चिली टोस्ट हा एक परफेक्ट पर्याय ठरतो. ब्रेड, चीज आणि थोडीशी चिली यांचा संगम म्हणजे चवीचा भन्नाट अनुभव! ही रेसिपी खास करून सकाळच्या नाश्त्यासाठी, संध्याकाळच्या चहाबरोबर किंवा अचानक आलेल्या पाहुण्यांसाठी झटपट तयार करता येते.

प्रिझर्व्हेटिव्ह आणि साखरेचा वापर न करता १० मिनिटांमध्ये बनवा चविष्ट संत्र्याचा जाम! ब्रेडसोबत लागेल मस्त

चीजचा मऊपणा आणि हिरव्या मिरचीचा तिखटपणा एकत्र येऊन हा टोस्ट अगदी रेस्टॉरंट स्टाइल लागतो. विशेष म्हणजे ही रेसिपी बनवण्यासाठी फारसे साहित्य लागत नाही आणि नवशिक्यांनाही अगदी सहज करता येते. लहान मुलांपासून मोठ्यांपर्यंत सगळ्यांनाच आवडणारा असा हा चीज चिली टोस्ट तुम्ही एकदा बनवलात, तर पुन्हा पुन्हा करावासा वाटेल. चला तर मग, ही सोपी आणि चविष्ट रेसिपी जाणून घेऊया.

साहित्य

• ब्रेड स्लाइस – 4
• किसलेले चीज – 1 कप
• हिरवी मिरची बारीक चिरलेली – 1 ते 2
• कांदा बारीक चिरलेला – 1 छोटा
• शिमला मिरची बारीक चिरलेली – 1 छोटी
• बटर – आवश्यकतेनुसार
• मीठ – चवीनुसार
• काळी मिरी पावडर – ½ टीस्पून
• चिली फ्लेक्स – ½ टीस्पून
• ओरिगॅनो – ½ टीस्पून (ऑप्शनल)

टेस्टीच नाही तर हेल्दीही… घरी बनवा कुरकुरीत ‘सुरणाचे मसाला चिप्स’, एकदाच बनवा आणि महिनाभर साठवा

कृती

• सर्वप्रथम एका भांड्यात किसलेले चीज, कांदा, शिमला मिरची आणि हिरवी मिरची घाला.
• त्यात मीठ, काळी मिरी पावडर, चिली फ्लेक्स आणि ओरिगॅनो टाकून मिश्रण नीट एकत्र करा.
• ब्रेड स्लाइसवर हलकं बटर लावा.
• तयार केलेलं चीजचं मिश्रण ब्रेडवर समप्रमाणात पसरवा.
• तवा गरम करून त्यावर ब्रेड ठेवून झाकण ठेवून मध्यम आचेवर टोस्ट करा.
• खालचा भाग कुरकुरीत झाला आणि वरचं चीज नीट वितळलं की टोस्ट तयार.
• गरमागरम चीज चिली टोस्ट सर्व्ह करा.
• चीज चिली टोस्ट केचप, मायोनीज किंवा मिंट चटणीसोबत खूपच छान लागतो.
• चहाबरोबर किंवा कॉफीसोबत हा नाश्ता तुमचा मूड फ्रेश करून टाकेल.