हिवाळ्यात लुटा गरमागरम नाश्त्याची खास मजा; घरी बनवा कुरकुरीत आणि चविष्ट ‘बटाटा पुरी’

साहित्य

• उकडलेले बटाटे – मध्यम आकाराचे
• गव्हाचे पीठ
• हिरवी मिरची – बारीक चिरलेली
• आले – किसलेले
• जिरे
• हळद
• लाल तिखट
• धणे-जिरे पूड
• मीठ – चवीनुसार
• कोथिंबीर – बारीक चिरलेली
• तेल – तळण्यासाठी

कृती

• यासाठी सर्वप्रथम उकडलेले बटाटे सोलून नीट मॅश करून घ्या. गुठळ्या राहणार नाहीत याची काळजी घ्या.
• मॅश केलेल्या बटाट्यांत हिरवी मिरची, आले, जिरे, हळद, लाल तिखट, धणे-जिरे पूड आणि मीठ घालून मिश्रण नीट एकजीव करा.
• आता या मिश्रणात गव्हाचे पीठ थोडेथोडे घालून घट्टसर पीठ मळून घ्या. पाणी घालायची गरज सहसा लागत नाही.
• मळलेले पीठ झाकून काही मिनिटे ठेवले तर पुरी अधिक मऊ आणि छान फुलतात.
• पिठाच्या लहान गोळ्या करून त्याच्या पुऱ्या लाटून घ्या.
• कढईत तेल चांगले गरम करून पुऱ्या मध्यम आचेवर सोनेरी रंग येईपर्यंत तळून घ्या.
• कागदावर काढून जास्तीचे तेल निथळू द्या.
• हिवाळा स्पेशल आलू पुरी गरमागरम असतानाच वाढाव्यात. यासोबत टोमॅटोची चटणी, दही, लोणचं किंवा साधं ताक दिलं तर चव आणखी खुलते.
• सकाळच्या नाश्त्यासाठी किंवा प्रवासात नेण्यासाठीही हा पदार्थ उत्तम लागतो.

संबंधित बातम्या