हिवाळ्यात लुटा गरमागरम नाश्त्याची खास मजा; घरी बनवा कुरकुरीत आणि चविष्ट ‘बटाटा पुरी’

Aloo Puri Recipe : नॉर्मल पुरी तर आपण आजवर अनेकदा खाल्ली असेल पण तुम्ही कधी बटाटा पूरी खाल्ली आहे का? मॅश बटाटे आणि मसाल्यांच्या मिश्रणाने बनलेली ही पूरी थंडीच्या दिवसांत चवीला फार छान लागते.

• बटाटा पूरी हा भारताच्या अनेक भागांत खाल्ला जाणारा एक लोकप्रिय नाश्ता आहे.
• गव्हाच्या पिठात बटाटे आणि मसाले घालून ही पूरी तयार केली जाते.
• काहीतरी नवी ट्राय करायचं असल्यास ही रेसिपी एक उत्तम पर्याय ठरते.

हिवाळ्याचे दिवस म्हणजे सकाळी गरमागरम नाश्त्याची खास मजा. थंड हवामानात शरीराला जास्त ऊर्जा लागते आणि त्यासाठी पोटभर, चविष्ट आणि घरगुती पदार्थांची आठवण होते. अशा वेळी बटाट्याची पुरी हा एक परफेक्ट पर्याय ठरतो. बटाट्यांमधील उष्ण गुणधर्म, मसाल्यांचा सुगंध आणि कुरकुरीत पुरी यांचा संगम हिवाळ्यात शरीराला उब देतो आणि मनालाही समाधान देतो.

तुम्ही कधी कुकरमध्ये ‘मटर पनीर’ बनवलं आहे का? घाईगडबडीच्या वेळी परफेक्ट पर्याय; चवीलाही लागतं मजेदार

ग्रामीण भागात किंवा सणावाराच्या दिवशी सकाळी बटाट्याची पुरी, गरम चहा किंवा ताक यांच्यासोबत खाल्ली जाते. या पुरी खास करून हिवाळ्यात जास्त चविष्ट लागतात कारण बटाटे या ऋतूत ताजे, घट्ट आणि गोडसर असतात. लहान मुलांपासून मोठ्यांपर्यंत सगळ्यांना आवडणारी ही रेसिपी कमी साहित्यांत तयार होते आणि डब्यासाठीसुद्धा उत्तम लागते. चला याची रेसिपी जाणून घेऊया.

साहित्य

• उकडलेले बटाटे – मध्यम आकाराचे
• गव्हाचे पीठ
• हिरवी मिरची – बारीक चिरलेली
• आले – किसलेले
• जिरे
• हळद
• लाल तिखट
• धणे-जिरे पूड
• मीठ – चवीनुसार
• कोथिंबीर – बारीक चिरलेली
• तेल – तळण्यासाठी

सकाळ होईल स्पेशल! 10 मिनिटांमध्ये झटपट बनवा हेल्दी टेस्टी ज्वारीच्या पिठाचा डोसा, लहान मुलांच्या डब्यासाठी उत्तम पदार्थ

कृती

• यासाठी सर्वप्रथम उकडलेले बटाटे सोलून नीट मॅश करून घ्या. गुठळ्या राहणार नाहीत याची काळजी घ्या.
• मॅश केलेल्या बटाट्यांत हिरवी मिरची, आले, जिरे, हळद, लाल तिखट, धणे-जिरे पूड आणि मीठ घालून मिश्रण नीट एकजीव करा.
• आता या मिश्रणात गव्हाचे पीठ थोडेथोडे घालून घट्टसर पीठ मळून घ्या. पाणी घालायची गरज सहसा लागत नाही.
• मळलेले पीठ झाकून काही मिनिटे ठेवले तर पुरी अधिक मऊ आणि छान फुलतात.
• पिठाच्या लहान गोळ्या करून त्याच्या पुऱ्या लाटून घ्या.
• कढईत तेल चांगले गरम करून पुऱ्या मध्यम आचेवर सोनेरी रंग येईपर्यंत तळून घ्या.
• कागदावर काढून जास्तीचे तेल निथळू द्या.
• हिवाळा स्पेशल आलू पुरी गरमागरम असतानाच वाढाव्यात. यासोबत टोमॅटोची चटणी, दही, लोणचं किंवा साधं ताक दिलं तर चव आणखी खुलते.
• सकाळच्या नाश्त्यासाठी किंवा प्रवासात नेण्यासाठीही हा पदार्थ उत्तम लागतो.