सकाळी उठल्यावर अंग आणि पाठदुखी होते का? मग नियमित करा स्ट्रेचिंग

स्ट्रेचिंग केल्याने पाठ दुखी, सांधे दुखी, कंबर दुखीचा वेदनांपासून आराम मिळतो. सतत एका जागेवर तासनतास बसून राहिल्यामुळे शरीर ताठ होऊन जाते. यामुळे शरीरातील रक्तप्रवाह सुरळीत होत नाही. शरीरातील रक्तभिसरण सुधारण्यासाठी सकाळी उठल्यानंतर व्यायाम करण्यासोबतच स्ट्रेचिंग सुद्धा करावे. यामुळे शरीर लवचिक होऊन रक्तभिसरण सुरळीत होण्यास मदत होते. रोजच्या रोजच्या स्ट्रेचिंग केल्यामुळे शरीराला नेमके काय फायदे होतात, जाणून घेऊया सविस्तर.

स्ट्रेचिंग केल्याने आरोग्याला होणारे फायदे

Follow Us:

Follow Us:

निरोगी जीवनशैली जगण्यासाठी जिममध्ये जाऊन तासनतास व्यायाम करणे, आहारात तज्ज्ञांकडून डाईट घेणे इत्यादी अनेक गोष्टी केल्या जातात. पण नुसताच व्यायाम आणि आहारात घेऊन शरीर निरोगी राहत नाही. यासाठी स्ट्रेचिंग करणे आवश्यक आहे. स्ट्रेचिंग केल्याने आरोग्याला सुद्धा अनेक गुणकारी फायदे होतात. स्नायू आणि हाडांच्या निरोगी आरोग्यासाठी नियमित स्ट्रेचिंग करावे. कामाच्या धावपळीमध्ये स्वतःकडे लक्ष देण्यासाठी वेळ भेटत नाही. एकाच जागेवर बसून तासनतास काम केल्याने शरीर पूर्णपणे ताठ होऊन जाते. अशावेळी शरीर लवचिक राहण्यासाठी नियमित स्ट्रेचिंग करावे. जेणेकरून शरीरातील रक्त प्रवाह सुरळीत राहून आरोग्याला सुद्धा फायदे होतील. त्यामुळेच आज आम्ही तुम्हाला सकाळी उठल्यावर नियमित स्ट्रेचिंग केल्याने आरोग्याला काय फायदे होतात, याबद्दल सांगणार आहोत. चला तर जाणून घेऊया.(फोटो सौजन्य-istock)

स्ट्रेचिंग केल्याने आरोग्याला होणारे फायदे

स्ट्रेचिंग केल्याने आरोग्याला होणारे फायदे:

स्नायू आणि सांधेदुखीपासून आराम:

स्ट्रेचिंग केल्यामुळे सांधेदुखी आणि स्नायू दुखीच्या समस्यांपासून आराम मिळतो. स्ट्रेचिंग केल्यामुळे स्नायूंमधील वेदना कमी होण्यास मदत होते. तसेच सांधेदुखीचा त्रास कमी होतो.

मानसिक तणाव कमी होतो:

कामाचा ताण, कौटुंबिक ताण इत्यादींमुळे मानसिक आरोग्य पूर्णपणे बिघडून गेले आहे. अशांत मनाला शांत करण्यासाठी सकाळी उठल्यावर नियमित स्ट्रेचिंग करावे. यामुळे शरीरातील रक्तभिसरण सुधारते आणि रक्तप्रवाह सुरळीत होतो. शरीरातील इतर भागांमध्ये रक्तपुरवठा व्यवस्थित झाल्याने आरोग्य सुधारण्यास मदत होते.

स्ट्रेचिंग केल्याने आरोग्याला होणारे फायदे

चांगली झोप लागते:

अपुऱ्या झोपेमुळे पचनक्रिया बिघडते. पचनक्रिया बिघडल्यानंतर आरोग्य पूर्णपणे बिघडून जाते. त्यामुळे नियमित स्ट्रेचिंग करावे. स्ट्रेचिंग केल्यामुळे झोप चांगली लागून झोप सुधारते. शरीराला आराम मिळतो.

पाठदुखीपासून सुटका:

तासनतास एकाच जागेवर बसून काम केल्यामुळे पाठदुखीचा त्रास जाणवू लागतो. पाठ दुखण्यास सुरुवात झाल्यानंतर शरीराची हालचाल करणे सुद्धा कठीण होऊन जाते. त्यामुळे सकाळी उठल्यानंतर नियमित स्ट्रेचिंग करावे. स्ट्रेचिंग केल्यामुळे शरीरात लवचिकता कायम टिकून राहते.नियमित स्ट्रेचिंग केल्यामुळे पाठीचा वाकलेला कणा ताठ होऊन खांदे दुखीच्या समस्येपासून आराम मिळतो.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

Web Title: Daily stretching can help you to decrease body and back pain

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com