Dalai Lama Birthday: 6 जुलै रोजी दलाई लामा होणार 90 वर्षांचे, दीर्घायुष्यासाठी रूटीन तुम्ही आजच सुरू करा

नियमित चालणे 

‘The 14th Dalai Lama Of Tibet’ या वेबसाइटवर उपलब्ध असलेल्या माहितीनुसार, दलाई लामा स्वतःला एक साधा बौद्ध भिक्षू मानतात. जेव्हा ते धर्मशाळेतील त्यांच्या घरी राहतात तेव्हा त्यांचा प्रत्येक दिवस एका निश्चित वेळापत्रकानुसार चालतो. 

ते दररोज पहाटे ३ वाजता उठतात आणि आंघोळ केल्यानंतर ते पहाटे ५ वाजेपर्यंत ध्यान, प्रार्थना आणि साष्टांग दंडवत घालतात. त्यानंतर ते फिरायला जातात. जर बाहेर पाऊस पडला तर ते घरी ट्रेडमिलवर चालतात. म्हणजेच, सक्रिय जीवनशैलीसाठी, दलाई लामा शारीरिक हालचालींकडे विशेष लक्ष देतात.

सकाळी नाश्त्यात अंड्यासह तुम्ही पित असाल चहा तर व्हा सावध, Constipation च्या समस्येने जाईल जीव

नाश्ता असा असतो

चालल्यानंतर, दलाई लामा सकाळी ५:३० वाजता नाश्ता करतात, ज्यामध्ये ते दलिया, त्संपा (बार्ली पीठ), ब्रेड आणि चहा याचा समावेश करतात. नाश्त्यादरम्यान, ते जगाच्या बातम्या जाणून घेण्यासाठी बातम्या ऐकतात. त्यानंतर, सकाळी ६ ते ९ वाजेपर्यंत, ते पुन्हा ध्यान आणि प्रार्थना करतात आणि सकाळी ९ वाजेनंतर ते बौद्ध पुस्तके वाचतात.

दुपारचे जेवण आणि रात्रीच्या जेवणाची वेळ

दलाई लामा दररोज सकाळी ११:३० वाजता दुपारचे जेवण करतात. ही वेळ देखील निश्चित आहे आणि त्यांचे जेवण पूर्णपणे शाकाहारी आहे. ते दुपारी १२:३० ते ३:३० पर्यंत ऑफिसमध्ये काम करतात. या काळात ते लोकांना भेटतात, मुलाखती देतात आणि महत्त्वाच्या कामांवर लक्ष केंद्रित करतात. त्यानंतर संध्याकाळी ५ वाजता ते चहा पितात आणि त्यानंतर ते ध्यान आणि प्रार्थना करतात. रात्रीच्या जेवणाबद्दल सांगायचे झाले तर ते रात्रीचे जेवण ते जेवत नाहीत. हा त्यांच्या धर्माच्या नियमांचा एक भाग आहे. याशिवाय, ते दररोज संध्याकाळी ७ वाजता झोपायला जातात.

या साध्या आणि निरोगी जीवनशैलीच्या मदतीने, दलाई लामा ९० वर्षांच्या वयातही इतके सक्रिय आणि तंदुरुस्त दिसतात. तुम्हालाही दीर्घायुष्य हवं असल्यास दलाई लामांच्या या साध्या जीवनशैलीतून तुम्ही प्रेरणा घेऊ शकता. 

500 वरून डायरेक्ट शुगर येईल 100 च्या आसपास, बाबा रामदेवांचे घरगुती उपाय ठरतील रामबाण, ‘हे’ एकच फळ करेल कमाल

संबंधित बातम्या