Diabetic Retinopathy: दिसतंय म्हणून डोळे निरोगी आहेत असं समजू नका! रेटिनाच्या आजाराचा धोका ओळखा

Diabetic Retinopathy: डोळे बाहेरून व्यवस्थित दिसत असले तरी डोळ्याच्या आतील रेटिनावर मधुमेहाचा परिणाम होऊ शकतो आणि सुरुवातीला त्याची लक्षणे जाणवत नसल्याचे लेखात सांगितले आहे. मधुमेह असलेल्या व्यक्तींमध्ये रेटिनावर परिणाम होण्याला डायबेटिक रेटिनोपॅथी म्हटले जाते. लेखानुसार, शुगर अनेक वर्षांपासून असणे आणि ती नियंत्रणात नसणे यामुळे

• मधुमेहामुळे रेटिनावर परिणाम होऊ शकतो
• मधुमेह असलेल्या व्यक्तींनी दरवर्षी रेटिनाची तपासणी करणे महत्त्वाचे
• व्हिजन साथी’ कार्यक्रमातून WhatsApp वर मधुमेह

आपल्याला दिसतंय म्हणजे आपले डोळे एकदम ठीक आहेत असं आपण समजतो. पण हे पूर्ण खरं नाही. डोळ्याच्या आत मागच्या बाजूला एक पडदा असतो, त्याला रेटिना म्हणतात. तोच आपल्याला खरं तर दिसायला मदत करतो. बाहेरून डोळे चांगले दिसले तरी आतला हा पडदा खराब असू शकतो आणि आपल्याला कळत पण नाही. Diabetic Retinopathy:

आज भारतात मधुमेह म्हणजे शुगरचे पेशंट खूप वाढले. जवळपास १० कोटी लोकांना मधुमेह आहे. यातल्या १२ ते १६ टक्के लोकांच्या डोळ्याच्या रेटिनावर त्याचा परिणाम झाला आहे. याला डॉक्टर डायबेटिक रेटिनोपॅथी म्हणतात. सोप्या भाषेत सांगायचं झालं तर, नऊ पैंकी एका माणसाला शुगर आहे. आणि सहा पैकी एका शुगर असलेल्या माणसाच्या डोळ्याला त्रास सुरू झाला आहे. २५ पैकी एका माणसाची दृष्टी जायच्या मार्गावर आहे. अजून धक्कादायक गोष्ट म्हणजे ८ टक्के लोकांना शुगर आहे हे माहितीच नाही.

कोणतंही लक्षण दिसत नाही हाच मोठा धोका

या आजाराचं सगळ्यात वाईट काय असेल तर तो हळूहळू वाढतो आणि सुरुवातीला काहीच कळत नाही. दुखत नाही, दिसणं कमी होत नाही. माणसाला वाटतं सगळं ठीक आहे.८५ टक्के शुगर असलेल्या लोकांना हे माहितीच नसतं की शुगरमुळे डोळे जाऊ शकतात. त्यांनी कधीच रेटिनाची तपासणी केलेली नसते. जेव्हा डॉक्टरकडे जातात तेव्हा ४५ टक्के लोकांची दृष्टी खूप कमी झालेली असते. तेव्हा वेळ निघून गेलेली असते.ज्यांना जास्त वर्षांपासून शुगर आहे त्यांना तर जास्त धोका आहे. शुगर कंट्रोलमध्ये नसेल तर हा धोका अजून वाढतो.

देशाचं पण नुकसान होतंय

डोळे गेले की माणूस काम करू शकत नाही, शिकू शकत नाही. त्याचा परिणाम फक्त त्याच्यावर नाही तर त्याच्या घरावर आणि देशावर पण होतो. एका अंदाजानुसार डोळ्याच्या या आजारामुळे भारताचं दरवर्षी जवळपास ५० हजार कोटी रुपयांचं नुकसान होतं. कारण लोक काम करू शकत नाहीत.

HPV Vaccination: उद्याच्या कर्करोगापासून आजच मिळवा संरक्षण! सायन रुग्णालयात HPV लसीकरण मोहिमेला यश, १,००० डोसची मोहीम पूर्ण

मग काय करायचं?

एकच उपाय आहे दरवर्षी डोळ्यांची तपासणी. दिसतंय चांगलं म्हणून दुर्लक्ष करू नका. खास करून ज्यांना शुगर आहे त्यांनी तर दरवर्षी रेटिना चेक करायलाच पाहिजे.सरकारने पण याकडे लक्ष द्यायला पाहिजे. गावोगावी रेटिना तपासणीची मशीन असायला हवी. चांगले डॉक्टर हवेत. उपचार स्वस्त झाले पाहिजेत आणि विम्यात याचा समावेश झाला पाहिजे. शुगरच्या प्रत्येक कार्यक्रमात डोळे तपासणी पण केली पाहिजे.

Beauty Tips: साबण आणि बॉडी वॉशमध्ये नेमका काय आहे फरक? त्वचेच्या प्रकारानुसार जाणून घ्या योग्य पर्याय

यासाठी आता एक चांगला कार्यक्रम सुरू झाला आहे – डॉ. करोबी लाहिरी, उपाध्यक्ष – विट्रिओ रेटिनल सोसायटी इंडिया आणि कन्सल्टंट, बॉम्बे हॉस्पिटल अँड मेडिकल रिसर्च सेंटर ‘व्हिजन साथी’. हा देशभरातला कार्यक्रम आहे. यात QR कोड स्कॅन करून व्हॉट्सअपवर तुम्हाला १४ छोटे मेसेज येतात. त्या मेसेजमध्ये शुगरमुळे डोळ्याला काय होतं, तपासणी का महत्वाची आहे, उपचार कुठे घ्यायचा हे सगळं सोप्या भाषेत सांगितलं जातं. लोकांना माहिती मिळाली की ते वेळेवर डॉक्टरकडे जातात.