वाढत्या उष्णतेमुळे पोटात सतत आग होते? आहारात ‘या’ पदार्थांचे चुकूनही करू नका सेवन, वाढतील पोटासंबंधित समस्या

उन्हाळ्याच्या दिवसांमध्ये आहारात तेलकट किंवा तिखट पदार्थांचे कमीत कमी सेवन करावे. अतितेलकट पदार्थांचे सेवन केल्यामुळे पचनसंबंधित समस्या उद्भवू लागतात. उन्हाळ्यात 'या' पदार्थांचे चुकूनही करू नका नियमित सेवन.

राज्यासह देशभरात सगळीकडे कडक उन्हाळा वाढला आहे. उन्हाळ्याच्या दिवसांमध्ये वाढत्या उष्णतेमुळे अंगातून सतत घामाच्या धारा निघतात. यामुळे शरीरातील पाण्याची पातळी कमी होऊन जाते. त्यामुळे उन्हाळा वाढल्यानंतर जास्त पाण्याचे सेवन करावे. पाणी भरपूर प्याल्यामुळे शरीरात ओलावा कायम टिकून राहतो. उन्हाळा वाढल्यानंतर आहारात शरीराला पचन होणाऱ्या पदार्थांचे सेवन करावे. कारण अतितिखट किंवा तेलकट पदार्थांचे सेवन केल्यामुळे शरीरात उष्णता वाढते. याशिवाय पचनसंबंधित समस्या वाढून आरोग्याला हानी पोहचते. चुकीचा आहार, जंक फूडचे सेवन, पाण्याची कमतरता, व्यायामाचा अभाव, कामाचा वाढलेला स्ट्रेस इत्यादी अनेक गोष्टींचा परिणाम शरीरावर लगेच दिसून येतो. ज्यामुळे काहीवेळा शरीरात अनेक बदल होऊ लागतात.(फोटो सौजन्य – iStock)

‘या’ व्यक्तींनी चुकूनही करू नका कलिंगडचे सेवन! पोटातील आतड्यांमध्ये तयार होईल विष, वाढेल इन्फेक्शनचा धोका

उन्हाळ्याच्या दिवसांमध्ये अनेकांना थंड पदार्थ खाण्यास खूप आवडतात. मात्र वारंवार थंड पदार्थांचे सेवन केल्यामुळे शरीराला हानी पोहचण्याची शक्यता असते. अनेक लोक उन्हाळ्याच्या दिवसांमध्ये किंवा इतर वेळी फ्रिजमध्ये ठेवलेले थंड पदार्थ पुन्हा एकदा गरम करून खातात. यामुळे पचनक्रिया बिघडते आणि शरीराला हानी पोहचते. त्यामुळे आज आम्ही तुम्हाला उन्हाळ्याच्या दिवसांमध्ये कोणत्या पदार्थांचे आहारात सेवन करू नये, याबद्दल सविस्तर माहिती सांगणार आहोत. चला तर जाणून घेऊया.

जास्त मसालेदार आणि तिखट पदार्थ:

उन्हाळा वाढल्यानंतर आहारात पचनास हलक्या असलेल्या पदार्थांचे सेवन करावे. या पदार्थांचे सेवन केल्यामुळे शरीराला अनेक फायदे होतात. मात्र तरीसुद्धा अनेक लोक आहारात तेलकट आणि जास्त मसालेदार पदार्थ खातात. तळलेल्या तिखट आणि तेलकट पदार्थांमुळे शरीरात उष्णता वाढून पोटात आग होणे, छातीमध्ये जळजळ होणे किंवा वेदना इत्यादी समस्या उद्भवू लागतात.

थंड पदार्थ:

उन्हाळ्यात थंड पदार्थ खाण्यास जास्त प्राधान्य दिले जाते. कारण या दिवसांमध्ये शरीरात वाढलेली उष्णता कमी करण्यासाठी आणि ओलावा कायम टिकून राहण्यासाठी थंड पदार्थ खाल्ले जातात. थंड पदार्थांचे अतिसेवन केल्यामुळे पचनावर परिणाम होण्याची शक्यता असते. उष्णता वाढलेल्या शरीरात जास्त थंड पदार्थ गेल्यानंतर शरीराचे तापमान असंतुलित होऊन जाते, गॅस्ट्रिक प्रॉब्लेम्स, सर्दी-खोकला होण्याची जास्त शक्यता असते.

उन्हाळ्यात संत्री करेल तुमची लठ्ठपणाची समस्या दूर, पोटावरची चरबी काही दिवसांतच जाईल वितळून; अशाप्रकारे करा सेवन

बाहेरील फळांचे चाट:

उन्हाळ्याच्या दिवसांमध्ये बाजारात मिळणाऱ्या चाट किंवा फळांच्या पदार्थांचे सेवन करू नये. या पदार्थांच्या सेवनामुळे शरीराला हानी पोहचण्याची शक्यता असते. बाहेर मिळणाऱ्या चटयुक्त पदार्थांमध्ये धूळ, उष्णता आणि स्वच्छतेचा अभाव, बॅक्टरीया इत्यादी वाढण्याची शक्यता असते.त्यामुळे उन्हाळ्यात बाजारात मिळनाराय चाटचे सेवन करू नये.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.