Bun Dosa : साऊथ इंडियन फूड खायला आवडत असेल तर हा ‘बन डोसा’ तुम्ही एकदा नक्की ट्राय करायला हवा

Breakfast Recipe : इडलीसारखा दिसणारा हा मसालेदार आणि स्वादिष्ट चवीचा बन डोसा सकाळच्या नाश्त्यासाठी एक उत्तम पर्याय आहे. तोच तोच डोसा नव्हे तर यंदा घरी ट्राय करा दक्षिण भारताचा फेमस 'बन डोसा'.

• साऊथ इंडियन फूड नाश्त्यासाठी फेमस आहे
• डोसा अनेकांच्या आवडीचा आहे
• बन डोसा या पदार्थाला इंडियन पॅनकेक देखील म्हटले जाऊ शकते

दक्षिण भारतीय पाककृतींचे जग जितके रंगीबेरंगी तितकेच स्वादिष्टही आहे. इडली, डोसा, उत्तप्पा, वडा–या सर्व ओळखीच्या पदार्थांच्या पलीकडे काही असे पदार्थ आहेत जे चविष्टही आहेत आणि वेगळेही. अशाच पदार्थांपैकी एक म्हणजे बन डोसा. नाव ऐकताना क्षणभर गोंधळ व्हायला होतो, “बन्स” म्हणजे तुळू/कर्नाटकात प्रसिद्ध असलेला गोड पुरीसारखा पदार्थ आणि “डोसा” म्हणजे कुरकुरीत दक्षिण भारतीय पॅनकेक. पण बन्स डोसा ही एक वेगळीच क्रिएशन आहे. स्पंजी, जाडसर आणि किंचित गोडसर चवीचा हा डोसा सर्वांना अगदी पहिल्याच घासात भुरळ घालतो.

Recipe : हिवाळ्यात घरी बनवा शेवग्याच्या शेंगाचं पौष्टिक सूप; थंडीत शरीराला मिळवून देईल अनेक फायदे

कर्नाटकातील उडुपी आणि मंगलोर या भागात हा पदार्थ खूप लोकप्रिय आहे. बनानाचा हलका गोडवा, दह्याची मऊसर टेक्स्चर आणि रव्याचा हलका कुरकुरीतपणाहे तिन्ही मिळून हा डोसा नाश्‍त्याला किंवा संध्याकाळच्या स्नॅक्सला अगदी परफेक्ट बनवतात. नेहमीच्या डोश्यापेक्षा हा डोसा बनवायला जास्त सोपा, सुलभ आणि पटकन तयार होणारा आहे, शिवाय त्यासाठी आंबवणीचीही गरज नसते. म्हणूनच घरात कमी वेळात, कमी साहित्य वापरून काहीतरी वेगळं आणि टेस्टी बनवायचं असल्यास बन डोसा हा एकदम योग्य पर्याय! चला जाणून घेऊया यासाठी लागणारे साहित्य आणि कृती.

साहित्य 

• रवा
• दही
• पाणी
• बारीक चिरलेला कांदा
• हिरवी मिरची
• कढीपत्ता
• मोहरी
• जिरे
• हिंग
• कोथिंबीर
• मीठ
• तांदळाचे पीठ
• बेकिंग सोडा

Winter Recipe: वाढत्या थंडीत गरमागरम पदार्थ खाण्याची इच्छा झाल्यास झटपट बनवा कुरकुरीत ताजे मटार नगेट्स, लहान मुलं खातील आवडीने

कृती 

• यासाठी सर्वप्रथम रवा, दही आणि पाणी एकत्र करून मिक्सरमध्ये बारीक वाटून घ्या. हे पीठ इडलीच्या पिठासारखे (पण थोडे पातळ) असावे.
•  एका छोट्या कढईत तेल गरम करून त्यात मोहरी, जिरे, हिंग, चिरलेली मिरची आणि कढीपत्ता टाका. नंतर कांदा घालून परता आणि कोथिंबीर घाला.
•  ही फोडणी वाटलेल्या पिठात घाला. चवीनुसार मीठ आणि तांदळाचे पीठ (आवश्यक असल्यास) मिसळा.
• पीठ हलके होईपर्यंत चांगले फेटा. बेकिंग सोडा घालून मिक्स करा.
• गॅसवर फोडणीच खोलगट भांड ठेवा अथवा तवा ठेवून त्यात पीठ टाकून जाडसर डोसा बनवून घ्या.
• मध्यम आचेवर डोश्याला छान शिजवून एका प्लेटमध्ये काढून घ्या.
• गरमागरम बन डोसा नारळाच्या चटणी किंवा इतर कोणत्याही चटणीसोबत सर्व्ह करा.
• हा झटपट होणारा आणि पौष्टिक नाश्ता आहे.