Recipe : हिवाळ्यात घरी बनवा शेवग्याच्या शेंगाचं पौष्टिक सूप; थंडीत शरीराला मिळवून देईल अनेक फायदे

Drumstick Soup Recipe : गरम गरम ड्रमस्टिक सूप संध्याकाळच्या नाश्त्यासाठी किंवा हलक्या डिनरसाठीही उत्तम पर्याय आहे. पौष्टिक, हलके आणि चवदार असं हे सूप हिवाळ्यात शरीराला अनेकफायदे मिळवून देतो.

(फोटो सौजन्य – Pinterest)

Follow Us:

Follow Us:

• शेवग्याच्या शेंगांमध्ये व्हिटॅमिन C, कॅल्शियम, आयरन असे अनेक पोषक घटक आढळून येतात
• थंडीत शेवग्याच्या शेंगांचा चविस्ट सूप तयार केला जाऊ शकतो
• हा सूप फार झटपट तयार होतो आणि हलक्या भुकेला शमवण्यास मदत करतो

Recipe : हिवाळ्याच्या थंडीपासून स्वतःचे संरक्षण करा, संपूर्ण कुटुंबासाठी बनवा आलं-हळदीचं हे दूध!

थकलेल्या दिवसानंतर एक गरमागरम वाटी सूप हातात घेतली की थकवा विरघळल्यासारखे वाटते. हलके, पोटात मोकळेपणा ठेवणारे आणि तरीही स्वादिष्ट अशा या ड्रमस्टिक सूपला घरी बनवणे अत्यंत सोपे आहे. शिवाय, हॉटेलमधील किंवा पॅक सूपपेक्षा घरी बनवलेले सूप शुद्ध, ताजे आणि पौष्टिक असते. आज आपण हे आरोग्यदायी आणि चवदार ड्रमस्टिक सूप अगदी सोप्या पद्धतीने कसे बनवायचे जाणून घेणार आहोत. रेसिपीसाठी लागणारे साहित्य आणि कृती नोट करा.

 साहित्य

• ड्रमस्टिक / शेंगा – 3 ते 4 (तुकडे करून)
• कांदा – 1 (बारीक चिरलेला
• लसूण – 4 ते 5 पाकळ्या (ठेचलेले)
• टोमॅटो – 1 (चिरलेला)
• तूप किंवा तेल – 1 टेबलस्पून
• काळी मिरी पूड – ½ टीस्पून
• मीठ – चवीनुसार
• पाणी – 4 कप
• कोथिंबीर – सजावटीसाठी

कृती 

• यासाठी प्रथम शेंगा स्वच्छ धुवून तुकडे करा. एका भांड्यात पाणी गरम करून शेंगा घाला. त्या छान मऊ होईपर्यंत उकळा. शेंगा शिजल्यानंतर त्यांना बाहेर काढून गरम असताना चमच्याने किंवा हातांनी आतील गर नीट काढून घ्या. बाहेरील साल टाकून द्या.
• आता एका पॅनमध्ये तूप किंवा तेल गरम करा. त्यात लसूण आणि कांदा घालून सौम्य परता. कांदा थोडा
• पारदर्शक झाला की त्यात टोमॅटो घाला आणि तो मऊ होईपर्यंत शिजू द्या.
• मग त्यात काढलेला ड्रमस्टिकचा गर घाला आणि हे मिश्रण छान हलवा. आता यामध्ये शेंगा उकळून घेतलेले पाणी घाला. मीठ आणि काळी मिरी पूड एकत्र मिसळा.
• हे सर्व मिश्रण 8–10 मिनिटे मंद आचेवर उकळू द्या. चव एकदम छान एकजीव होते.
• सूप थोडे थंड झाल्यावर ते ब्लेंडरमध्ये हलकेसे ब्लेंड करा. फार जाड न ब्लेंड करता गुळगुळीतपणा येईल इतपतच ब्लेंड करा.
• ब्लेंड केलेले मिश्रण पुन्हा गॅसवर 2 मिनिटे गरम करा. आवश्यक वाटल्यास थोडे पाणी घालून कन्सिस्टन्सी ॲडजस्ट करा.
• शेवटी वरील सूप गरमागरम वाटीत वाढा आणि कोथिंबीरीने सजवा.

Web Title: Make nutritious drumstick soup at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com