संध्याकाळ होईल आणखीन मजेदार; घरी बनवा चवदार अन् थंडगार दहीवडा, खूप सोपी आहे रेसिपी

शरीराला थंडावा देणारा, झणझणीत आणि गोडसर दहीवडा एकदा घरी नक्की बनवून पहा आणि आपल्या कुटुंबासोबत याचा आनंद घ्या! आज आम्ही तुमच्यासाठी घरच्या घरी तयार होणाऱ्या दहीवड्याची रेसिपी घेऊन आलो आहोत.

दहीवडा हा एक अत्यंत चविष्ट आणि थंडावा देणारा पारंपरिक भारतीय पदार्थ आहे. उन्हाळ्यात किंवा सणावाराच्या खास जेवणात दहीवडा हमखास असतोच. मऊसर वडे, गोडसर दही, आणि झणझणीत चटणी यांचा समावेश असलेली ही रेसिपी अगदी तोंडाला पाणी आणणारी असते. हे फेमस स्ट्रीट फूड तुम्हाला भारताच्या कानाकोपऱ्यात दिसून येईल मात्र आज आम्ही तुमच्यासोबत याची एक सोपी आणि चविष्ट अशी रेसिपी शेअर करत आहोत.

सकाळच्या नाश्त्यासाठी झटपट बनवा चविष्ट आणि मऊ पॅनकेक, नोट करून घ्या रेसिपी

सध्याचे वातावरण पाहता बाहेरचं अन्न खाण सुरक्षित नाही अशात तुम्ही चविष्ट पदार्थ घरीच तयार करू शकता. दहीवडाचा थंडावा तुमच्या मनाला शांत करेल आणि यात वापरण्यात आलेल्या चटण्या तोंडाच्या चवीची पुरेपूर काळजी घेतील. ही रेसिपी अगदी घरीही सहज बनवता येते. चला तर मग, लगेच जाणून घेऊया यासाठी लागणारे साहित्य आणि कृती.

साहित्य:

• उडीद डाळ – 1 कप (रात्री भिजवलेली)
• हिरव्या मिरच्या – 1-2
• आले – 1/2 इंच तुकडा
• मीठ – चवीनुसार
• तेल – तळण्यासाठी
• दही – 2 कप (गोडसर, घट्ट फेटलेले)
• साखर – 1-2 टेबलस्पून
• मीठ – थोडंसं
• चिंच-गूळ चटणी – 2 टेबलस्पून (ऐच्छिक)
• हिरवी चटणी – 1 टेबलस्पून
• लाल तिखट – 1/2 टीस्पून
• भाजलेलं जिरं पूड – 1 टीस्पून
• काळं मीठ – थोडंसं
• कोथिंबीर – सजावटीसाठी

Shravan 2025 : उपवासाला भूक लागते? मग बाहेरून कशाला आता घरीच बनवा कुरकुरीत बटाट्याचे चिप्स

कृती:

• दहीवडा बनवण्यासाठी सर्वप्रथम भिजवलेली उडीद डाळ, हिरवी मिरची आणि आले एकत्र थोडं पाणी घालून
• मिक्सरमध्ये बारीक वाटा. पिठात थोडं मीठ घालून चांगलं फेटून घ्या.
• गरम तेलात चमच्याने मिश्रण सोडून वडे कुरकुरीत व सोनेरी होईपर्यंत तळून घ्या.
• तळलेले वडे गरम पाण्यात 15-20 मिनिटे भिजवून ठेवा. नंतर थोडं पाणी पिळून काढा.
• दह्यात साखर व मीठ घालून छान फेटा.
• एका ताटात भिजवलेले वडे ठेवा. त्यावर गोडसर दही ओता. नंतर चिंच-गूळ आणि हिरवी चटणी पसरवा.
• वड्यांवर लाल तिखट, जिरं पूड, काळं मीठ भुरा. शेवटी कोथिंबीर पसरवा.
• दहीवडा थंडगार खाण्याचा वेगळाच आनंद आहे.
• तुम्ही हवे असल्यास वरून थोडंसं शेव किंवा बारीक कांदा देखील टाकू शकता.