Ganesh Chaturthi 2026 : भारतातील 5 सुप्रसिद्ध गणपती पंडाल, एकदा तरी नक्की भेट द्या

गणेशोत्सवाला आता काहीच दिवस बाकी असून देशभरातील प्रसिद्ध गणेश पंडाल भाविकांच्या स्वागतासाठी सज्ज होत आहेत. भव्य मूर्ती, आकर्षक सजावट आणि अनोख्या थीमसाठी प्रसिद्ध असलेल्या या पंडालांना गणेशभक्तांनी एकदा तरी भेट द्यायलाच हवी.

• मुंबईचा लालबागचा राजा आणि पुण्याचा दगडूशेठ हलवाई गणपती
• दिल्लीचा महाराजा आणि चेन्नईचा अनोखा गणेश पंडाल
• हैदराबादचा भव्य खैरताबाद गणेश उत्सव प्रसिद्ध

गणेशोत्सव आता काही दिवसांवर येऊन ठेपला असून भाविकांना गणेशाच्या आगमनाची आतुरता लागून राहिली आहे. गणेशोत्सवाचे हे दिवस श्रद्ध आणि उत्साहाने भरलेले असतात. देशभरात अनेक पंडाल सजतात जिथे बाप्पाचे दर्शन घेण्यासाठी भाविकांची मोठी गर्दी पाहायला मिळते. यावर्षी १४ सप्टेंबरपासून गणेशोत्सवाला सुरुवात होणार आहे. याच पार्श्वभूमीवर देशभरात काही भव्य गणेश पंडाल सजवले जातात ज्यांना एकदा तरी तुम्ही भेट द्यायला हवी. गणेश भक्त असाल तर ही बातमी तुमच्यासाठीच आहे. चला देशातील काही फेमस गणेश पंडाल कोणते आणि कुठे आहेत ते जाणून घेऊया.

Travel News : भारतातील अनोखा समुद्रकिनारा जिथे लाटा अचानक होतात गायब, अनेक तासांनी परतते पाणी

लालबागचा राजा, मुंबई

गणेशोत्सव आणि लालबागचा राजा यांच नातं काहीसं आगळचं. देशभरात गणपती पंडालात लालबागच्या राजाचे नाव हे नेहमीच प्रथमस्थानी येते. दरवर्षी लाखो भाविकांची गर्दी गणेशाचे दर्शन घेण्यासाठी इथे जमते. याची सुरुवात १९३४ मध्ये लालबागचा राजा गणेशोत्सव मंडलाद्वारे करण्यात आली. हा गणपती “नवसाला पावणारा गणपती” म्हणून जगभर प्रसिद्ध आहे. आपली भव्य सजावट, जुना इतिहास आणि भक्तांच्या अतूट श्रद्धेसाठी हे ठिकाण फार लोकप्रिय आहे.

श्रीमंत दगडूशेठ हलवाई गणपति, पुणे

पुण्यात गेला आणि दगडूशेठ हलवाई गणपतीचे दर्शन घेतले नाहीत तर तुमची पुणे ट्रीप निरर्थक आहे. दरवर्शी गणेशोत्सवानिमित्त या ठिकाणीही भक्तांची मोठी गर्दी पाहायला मिळते. महाराष्ट्रातील सुप्रसिद्ध आणि श्रीमंत मंदिरांपैकी हे एक मंदिर आहे. इथे भक्ती, संस्कृती आणि उत्कृष्ट सजावटीचा आनंद लुटता येतो.

दिल्लीचा महाराजा, दिल्ली

दिल्लीतही गणेशाचा थाट काही कमी नव्हे, गणेशोत्सवात दिल्ली देखील भक्तीमय रसाने न्हाहून निघते. इथे लक्ष्मी नगर येथील महाराजा गणेश पंडाल खूप जास्त लोकप्रिय आहे. अनेक वर्षांपासून इथे गणपतीच्या दर्शनासाठी भाविकांची गर्दी जमते.

इंदु मुनानी का गणेश चतुर्थी पंडाल, चेन्नई

गणेशोत्सवात चेन्नई येथे इंदु मुनानी का गणेश चतुर्थी पंडाल आयोजित केला जातो. आपल्या पर्यावरणपूरक आणि रचनात्मक थीमसाठी हा पंडाल फार लोकप्रिय आहे. मागील वर्षी इथे ५००० पुस्तकांपासून गणेशाची मूर्ती साकारण्यात आली होती. मुख्य म्हणजे, सण संपल्यानंतर त्यांनी ही पुस्तके स्थानिक आणि गरजू लोकांमध्ये वाटून एक सामाजिक संदेशही दिला.

आनंदी आणि तणावमुक्त जीवनाचं सीक्रेट; जपानी जीवनशैलीच्या ६ सवयी ठरतीय फायदेशीर

खैरताबाद गणेश उत्सव, हैदराबाद

स्वातंत्र्य सेनानी एस. शंकरय्या यांनी १९५४ मध्ये खैरताबाद येथे श्री गणेश उत्सव समितीची स्थापना केली. १ फूटाच्या मूर्तीसह याची सुरुवात करण्यात आली होती. आता मात्र इथे गणेशाीची विशाल आणि भव्य मूर्ती पाहायला मिळते. दरवर्षी हजारो भाविक येथील उंच आणि भव्य गणेशाची मूर्ती पाहायला जमतात. ही मूर्ती पर्यावरणपूरक साहित्यापासून तयार केली जाते.