
Following knee joint surgery and subsequent treatment( फोटो सौजन्य - सोशल मिडिया )
सविस्तर वैद्यकीय तपासणी आणि इमेजिंग चाचण्यांमधून उजव्या गुडघ्यात ऑस्टिओआर्थरायटिस (सांध्यांची झीज होऊन होणारा संधिवात) तसेच टिबियाच्या वरच्या भागात स्ट्रेस फ्रॅक्चर असल्याचे निदान झाले. सांध्यांची झीज, फ्रॅक्चर आणि आधीपासून असलेली हाडांची विकृती यामुळे ही शस्त्रक्रिया वैद्यकीयदृष्ट्या ही सर्जरी गुंतागुंतीची ठरली. फ्रॅक्चर आणि हाडांच्या बदललेल्या रचनेमुळे शल्यचिकित्सकांसमोर दुहेरी आव्हान होते.
एकीकडे गुडघ्याच्या संधिवातावर उपचार करणे, तर दुसरीकडे टिबियामध्ये बसवण्यात येणाऱ्या इम्प्लांटची योग्य स्थिती आणि स्थिरता सुनिश्चित करणे आवश्यक होते. यापूर्वी झालेल्या अर्धवट शस्त्रक्रियेचाही उपचाराचे नियोजन करताना विचार करावा लागला.शस्त्रक्रिया पथकाने स्ट्रायकर मेको रोबोटिक सिस्टीमच्या सहाय्याने टोटल नी रिप्लेसमेंट (गुडघ्याचा संपूर्ण सांधेबदल) करण्याचा निर्णय घेतला. फ्रॅक्चरवर उपचार करण्यासाठी टिबियाच्या बाजूला लांब स्टेम बसवण्याची प्रक्रियाही या शस्त्रक्रियेत करण्यात आली.
खांदा सतत दुखतोय? साधी वेदना समजून दुर्लक्ष करू नका; तज्ज्ञांचा महत्वाचा सल्ला
डॉ. गझनफर पटेल, कन्सल्टंट ऑर्थोपेडिक्स, मिनिमली इन्व्हेसिव्ह / रोबोटिक जॉइंट रिप्लेसमेंट आणि स्पोर्ट्स मेडिसिन तज्ज्ञ यांनी सांगितले की, टिबियाच्या वरच्या भागातील हाडांच्या विकृतीमुळे लांब इम्प्लांट स्टेम बसवणे हे मोठे आव्हान होते. या समस्येवर मात करण्यासाठी ऑफसेट स्टेमचा वापर करण्यात आला.
या विशेष प्रकारच्या इम्प्लांटमुळे हाडाच्या आतील पोकळ भागात स्टेम योग्य पद्धतीने बसवता येतो आणि त्याच वेळी गुडघ्याच्या सांधेबदलासाठी वापरण्यात येणारा मुख्य घटक योग्य स्थितीत ठेवता येतो. या तंत्रामुळे फ्रॅक्चरमुळे निर्माण झालेली विकृती दूर करण्यासोबतच गुडघ्याच्या सांधेबदलाचे योग्य अलाइनमेंट राखणे शक्य झाले.
Health Tips: दोन आठवड्यांपासून खोकला थांबत नाहीये? दुर्लक्ष करू नका, असू शकतो गंभीर आजाराचा धोका
अशा प्रकारे एकाच इम्प्लांटच्या साहाय्याने एकाच शस्त्रक्रियेत ऑस्टिओआर्थरायटिस आणि टिबियाच्या वरच्या भागातील फ्रॅक्चर या दोन्ही समस्यांवर उपचार करण्यात आले. त्यामुळे या दोन समस्यांसाठी स्वतंत्र शस्त्रक्रिया करण्याची आवश्यकता टळली.शस्त्रक्रियेनंतर त्याच दिवशी रुग्णाला चालण्यासाठी उभे करण्यात आले. शस्त्रक्रियेनंतरच्या १२व्या दिवशी ती कोणत्याही आधाराशिवाय चालू लागली.शस्त्रक्रियेनंतर तीन महिन्यांनी करण्यात आलेल्या फॉलोअप तपासणीत तिच्या गुडघ्याची हालचाल पूर्णपणे बरे झाल्याचे दिसून आले.
ती कोणत्याही वेदनेशिवाय चालण्यास सक्षम झाली होती.तसेच उजव्या पायातील विकृतीही दूर करण्यात आली होती. या प्रकरणातून सांध्यांचा संधिवात, फ्रॅक्चर आणि हाडांची विकृती या समस्या एकत्रितपणे उद्भवल्यास प्रत्येक रुग्णाच्या गरजेनुसार स्वतंत्र शस्त्रक्रिया नियोजन करण्याचे महत्त्व अधोरेखित होते. अशा परिस्थितीत उपचार करताना केवळ खराब झालेल्या सांध्यावर लक्ष केंद्रित न करता, आजूबाजूच्या हाडांची संरचनात्मक स्थिरता राखणेही तितकेच महत्त्वाचे असते.
Ans: ऑस्टिओआर्थरायटिस हा सांध्यांमधील कूर्चाची झीज झाल्यामुळे उद्भवणारा संधिवाताचा एक प्रकार आहे. यामुळे सांध्यांमध्ये वेदना, कडकपणा आणि हालचाल करताना अडचणी निर्माण होऊ शकतात.
Ans: रोबोटिक गुडघा सांधेबदल शस्त्रक्रियेमध्ये डॉक्टरांना सांध्याचे नियोजन आणि इम्प्लांटची योग्य स्थिती निश्चित करण्यासाठी रोबोटिक तंत्रज्ञानाची मदत मिळते. शस्त्रक्रिया डॉक्टरच करतात.
Ans: टिबिया म्हणजे पायाच्या खालच्या भागातील नडगीचे मोठे हाड. या हाडाच्या वरच्या भागाला, म्हणजे गुडघ्याजवळील भागाला फ्रॅक्चर झाल्यास उभे राहणे, चालणे आणि गुडघा हलवणे यामध्ये अडचणी येऊ शकतात.