Food Recipe: घरी येणाऱ्या पाहुण्यांच्या स्वागतासाठी झटपट बनवा चविष्ट पनीर कटलेट, नोट करून घ्या झटपट होणारी रेसिपी

Food Recipe: सकाळच्या नाश्त्यात नेहमीच तेच ठराविक पदार्थ खाऊन कंटाळा आल्यास सोप्या पद्धतीमध्ये तुम्ही पनीर कटलेस बनवू शकता. हा पदार्थ घरातील प्रत्येकाला खूप जास्त आवडेल.

Food Recipe: दिवाळीच्या सुट्टीमध्ये पाहुणे आणि मित्रमंडळी सगळ्यांच्या घरी येतात. पाहुणे आल्यानंतर त्यांना दिवाळीत फराळीत विविध पदार्थ खाण्यास दिले जातात. पण गोड पदार्थ खाण्याचा कंटाळा आल्यानंतर नेमकं काय बनवावं सुचत नाही. अशावेळी तुम्ही झटपट पनीर कटलेट बनवू शकता. पनीरपासून बनवलेले पदार्थ सगळ्यांचं खायला खूप जास्त आवडतात. याशिवाय चवीला चांगले लागणारे पनीर शरीरासाठी सुद्धा गुणकारी आहे. त्यामुळे सकाळच्या नाश्त्यात किंवा घरी आलेल्या पाहुण्यांच्या स्वागतासाठी तुम्ही पनीर कटलेट बनवून शकता. हा पदार्थ चवीला अतिशय सुंदर लागतो. पनीर कटलेट तुम्ही हिरव्या चटणीसोबत किंवा सॉससोबत खाऊ शकता. फराळातील तेच ठराविक पदार्थ खाऊन कंटाळा आल्यास पनीरपासून नवनवीन पदार्थ बनवावेत. चला तर जाणून घेऊया पनीर कटलेट बनवण्याची सोपी रेसिपी.(फोटो सौजन्य – pinterest)

Diwali Special Recipe: दिवाळीच्या फराळात हवी खास मिठाई! हलवाई स्टाईलने झटपट बनवा बॉम्बे आईस माहिम हलवा, नोट करा पदार्थ

साहित्य:

• पनीर
• कोबी
• लाल तिखट
• हळद
• मीठ
• आलं लसूण हिरवी मिरची पेस्ट
• बटाटा
• ब्रेड
• तेल

Diwali 2026: गोड पदार्थ खाण्याची इच्छा होईल पूर्ण! साखरेचा अजिबात वापर न करता १० मिनिटांमध्ये बनवा शुगर फ्री मखाणा खीर

कृती:

• पनीर कटलेट्स बनवण्यासाठी सर्वप्रथम, बटाटे कुकरमध्ये टाकून शिजवून घ्या. बटाट्याची साल काढून थंड बटाटे मॅश करा.
• मॅश केलेल्या बटाट्यांमध्ये बारीक चिरून घेतलेला कांदा, आलं लसूण पेस्ट, कोबी, पनीर, घालून व्यवस्थित मिक्स करा.
• त्यानंतर त्यात चवीनुसार मीठ, हळद, लाल तिखट, जिऱ्याची पावडर घालून सर्व साहित्य व्यवस्थित मिक्स करा.
• मिक्सरच्या भांड्यात ब्रेड टाकून बारीक वाटून घ्या. तयार केलेल्या मिश्रणाचे कटलेट बनवून ब्रेडच्या मिश्रणात घोळवून कढईमधील गरम तेलात दोन्ही बाजूने लालसर होईपर्यंत फ्राय करा.
• तयार आहे सोप्या पद्धतीमध्ये बनवलेले पनीर कटलेट. हा पदार्थ दह्यासोबत किंवा हिरव्या चटणीसोबत अतिशय सुंदर लागतो.