तीच तीच भाजी-चपाती खाऊन कंटाळला आहात? मग आजच घरी बनवा चमचमीत टोमॅटो पुलाव

तुम्हालाही तीच तीच भाजी चपाती खाऊन कंटाळा आला आहे मग आजच्या या टोमॅटो पुलावची रेसिपी एकदा नक्की ट्राय करून पहा. या चमचमीत रेसिपीचा व्हिडिओ युट्युबवर शेअर करण्यात आला आहे.

आपला वाटतो तितका स्वयंपाक सोपा नाही. रोज रोज आता काय भाजी बनवावी हा गृहिणींना पडणारा नेहमीचा प्रश्न. अनेकदा तीच तीच भाजी चपाती खाऊन घरातील सर्वांना कंटाळा येतो अशात काहीतरी वेगळे आणि चमचमीत खावे असे वाटत असते. मात्र कामावरून थकून आलेल्या किंवा संपूर्ण दिवसभर घरात काम केलेल्या गृहिणींची रात्रीच्या जेवणावेळी सगळी एनर्जी संपूर्ण जाते.

अशावेळी गृहिणी एका टेस्टी पण सोप्या आणि झटपट तयार होणाऱ्या रेसिपीच्या शोधात असतात. म्हणूनच आज आम्ही तुमच्यासाठी रात्रीच्या जेवणासाठी एक हटके आणि चवदार अशी रेसिपी घेऊन आलो आहोत. आजच्या या रेसिपीचे नाव आहे टोमॅटो पुलाव. ही रेसिपी @MadhurasRecipeMarathi नावाच्या युट्युब अकाउंटवर शेअर करण्यात आली आहे. चला तर मग जाणून घेऊयात यासाठी लागणारे साहित्य आणि कृती.

हेदेखील वाचा – Recipe: चटपटीत आलू भुजिया घरी कशी बनवायची? जाणून घ्या सोपी पद्धत

साहित्य

• 3 मध्यम आकाराचे टोमॅटो
• 1 आलं
• 1 मोठा चमचा तेल
• 15-20 काजू
• 1 चमचा जिरं
• 1 दालचिनीचा तुकडा
• 3 हिरवी वेलची
• 1 चक्रीफूल
• 5 लवंगा
• 4-5 काळी मिरी
• कढीपत्ता
• 2 तमालपत्र
• 1 बारीक चिरलेला कांदा
• 2 हिरव्या मिरच्या
• 1 चमचा धनेपूड
• 1/4 चमचा हळद
• 1 चमचा गरम मसाला
• 2 चमचे लाल तिखट
• 1चमचा गूळ पावडर (ऐच्छिक)
• 1कप अख्खा बासमती तांदूळ
• चवीनुसार मीठ
• बुंदी रायता
• 1/4 कप बुंदी
• 1/2 कप दही
• 1/2 चमचा लाल तिखट
• 1/4 चमचा जिरेपूड
• 1/4 चमचा काळं मीठ

हेदेखील वाचा – ढाबा स्टाइल मिक्स व्हेज आता घरीच तयार करा, नोट करा साहित्य आणि कृती

कृती

• टोमॅटो पुलाव बनवण्यासाठी सर्वप्रथम बारीक केलेले तीन टोमॅटो आणि चमचाभर आले घेऊन मिक्सरमध्ये त्याची पेस्ट तयार करा
• आता एक कढई घेऊन त्यात काजू टाका आणि चांगले भाजून घ्या
• आता याच कढईत तेल टाका, तेल गरम झाले की यात जिरे, कढीपत्ता, दालचिनी, लवंग, काळी मिरी, तमालपत्र टाका आणि परतून घ्या
• मग यात बारीक चिरलेला कांदा टाका, कांदा छान परतला की त्यात टोमॅटो प्युरी घाला. तेल सुटेपर्यंत परतून घ्या
• आता धनेपूड, हळद, गरम मसाला, ब्यॅडगी मिरची लाल तिखट टाकून सर्वकाही नीट परतून घ्या
• टोमॅटोचा आंबटपणा कमी करण्यासाठी यात चमचाभर गूळ किंवा साखर घाला
• आता यात अर्धा तास पाण्यात भिजवलेला बासमती तांदूळ टाका आणि साहित्यात मिक्स करा
• आता यात चवीनुसार मीठ, साजूक तूप आणि पाणी टाकून झाकण ठेवा आणि मंद आचेवर भात शिजू द्या
• चांगली वाफ आल्यांनतर 15-20 मिनिटांनी तुमचा टोमॅतो पुलाव तयार होईल
• शेवटी यावर चिरलेली कोथिंबीर घाला आणि गॅस बंद करून तयार पुलाव खाण्यासाठी सर्व्ह करा