Diwali 2024: नेहमीची भाजणीची चकली सोडा, यंदा दिवाळीला बनवा झटपट पोह्यांची चकली

दिवाळी आता अवघ्या काही दिवसांवर आली आहे. त्यामुळे सर्वांच्या घरी आता फराळाची लगबग सुरु झाली आहे. तुम्हालाही भाजणीशिवाय झटपट चकल्या तयार करायच्या असतील तर तुमच्यासाठी पोह्यांच्या चकल्या एक उत्तम पर्याय ठरेल.

दिवाळीचा सण अवघ्या काही दिवसांवर आला आहे. यंदा 31 ऑक्टोबरपासून दिवाळीच्या सणाला सुरुवात होणार आहे. हिंदू धर्मात या सणाला फार महत्त्व आहे. या सणाच्या निमित्ताने सर्वत्र दिव्यांची रोशनाई पाहायला मिळते. असे वाटते, जणू ही संपूर्ण सृष्टीचं तेजमय झाली आहे. आता दिवाळीची तयारी अखेर सुरु झाली आहे. नवीन कपडे, फटाके, कंदील, पणत्या आणि यासह महिलांच्या फराळाच्या तयारीला देखील सुरुवात झाली आहे. आता दिवाळी म्हटली की, फराळ आहे आलाच! अनेकजण तर हा फराळ खण्यासाठी दिवाळीची आतुरतेने वाट बघत असतात.

फराळात अनेक वेगवगेळ्या पदार्थांचा समावेश असतो. यातील मुख्य आणि प्रमुख पदार्थ म्हणजे चकली. मसालेदार आणि कुरकुरीत चकली दिवाळीच्या फराळातील सर्वांच्या आवडीची. सर्वांच्या घरी दिवाळीत ही चकली आवर्जून बनवली जाते किंवा मग बाहेरून खरेदी केली जाते. मात्र चकली बनवण्यासाठी फार वेळ लागतो. यासाठी आधी भाजणी तयार करावी लागते. मात्र तुम्हाला माहिती आहे का? तुम्ही भाजणीशिवाय झटपट देखील चकली तयार करू शकता. आज आम्ही तुम्हाला पोह्यांची कुरकुरीत चकली कशी तयार करायची याची एक सोपी रेसिपी सांगत आहोत. ही रेसिपी फार कमी वेळेत बनून तयार होते आणि चवीलाही फार छान लागते. जाणून घ्या यासाठी लागणारे साहित्य आणि कृती.

हेदेखील वाचा – Diwali 2024: फराळाची रंगत वाढवेल लसूण शेव, वाचा परफेक्ट रेसिपी

साहित्य

• एक वाटी तांदळाचे पीठ
• एक वाटी पोहे
• एक वाटी भाजलेली चण्याची डाळ
• पांढरे‌ तिळ
• मीठ
• हळद
• मसाला
• ओवा
• तेल
• पाणी

हेदेखील वाचा – लहान मुलांना खुश करा! कॅडबरी डेरी मिल्कपासून झटपट बनवा टेस्टी आईस्क्रीम

https://fb.watch/vscqHR9J7S/

कृती

• पोह्यांची कुरकुरीत चकली तयार करण्यासाठी सर्वप्रथम पोहे मिक्सरला बारीक वाटून घ्या
• मग हि पोह्यांची पेस्ट चाळणीतून नीट चाळून घ्या
• यानंतर अर्धी वाटी भाजलेली चण्याची डाळ मिक्सरला बारीक वाटून मग चाळून घ्या
• त्यानंतर तांदळाचे पीठ चाळून घ्या
• हे सर्व साहित्य व्यवस्थित एकत्र करा
• दुसरीकडे गॅसवर एक भांडे ठेवून यात एक वाटी पाणी गरम करून घ्या
• पाण्याला उकळी आली की, मीठ, हळद, मसाला, ओवा, पांढरे‌ ति, एक छोटा चमचा तेल त्यात घाला
• यानंतर उकळलेल्या पाण्यात पूर्व मिक्स केलेली पिठं टाका
• यानंतर या पिठांना पाण्यात व्यवस्थित घाटळून मिक्स करून घ्या
• नंतर हे पीठ हातांनी मळा
• तयार पीठ चकलीच्या साच्यात टाका आणि याच्या चकल्या पाडून घ्या
• मग गॅसवर एक कढई ठेवा आणि यात तेल टाका
• तेल गरम झाले की यात तयार चकल्या सोडा आणि सोनेरी कुरकुरीत होईपर्यंत छान तळून घ्या
• तयार चकल्या थंड करून एका डब्यात साठवा आणि हवे तेव्हा यांची मजा लूटा