संध्याकाळच्या हलक्या-फुलक्या भुकेसाठी घरी बनवा कुरकुरीत पोह्यांचे भजी, खूप सोपी आहे रेसिपी

Poha Pakoda Recipe: संध्याकाळच्या नाश्त्यासाठी एक हटके आणि चविष्ट रेसिपी शोधत असाल तर आजची ही रेसिपी तुमच्या फायद्याच्या ठरणार आहे. हे कुरकुरीत पोहे भजी तुमच्या संध्याकाळची मजा द्विगुणित करतील.

---

संध्याकाळ झाली की, हलकी हलकी भूक लागणं सामान्य आहे. गरमा गरम चहासोबत जर काही कुरकुरीत खायला मिळालं तर संध्याकाळची मजाच द्विगुणित होऊन जाते. अनेकजण संध्याकाळच्या नाश्त्यासाठी काही ना काही नवीन चविष्ट रेसिपी शोधत असतात. तुम्हीही खाद्यप्रेमी असाल आणि तुम्हालाही नवनवीन रेसिपीज ट्राय करायला आवडत असेल तर आजची ही रेसिपी तुम्ही एकदा तरी नक्कीच ट्राय करायला हवी.

तुम्हालाही मसालेदार स्नॅक्स आवडतात का? जर होय, तर पोहे भजी तुमच्यासाठी योग्य आहेत! हे भजी बनवायला तुम्हाला जास्त वेळ लागणार नाही आणि याची चव अशी असेल की तुम्ही बोट चाटत राहाल. हे पोह्यांचे भजी अगदी निवडक साहित्यापासून तयार केले जातात. तेच तेच नेहमीचे भजी सोडा आणि यावेळी पोह्यांचे हे भाजी बनवून पहा. चला, जाणून घ्या ते तयार करण्याची सोपी रेसिपी.

कारलं खायला आवडत नाही? मग एकदा याची कुरकुरीत भजी बनवून पहा; मधुमेह रुग्णांसाठी फायदेशीर

साहित्य

• 1 कप पोहे
• 1/2 कप बेसन
• 1/4 कप दही
• 1 कांदा, बारीक चिरलेला
• 1 हिरवी मिरची, बारीक चिरून
• 1/2 इंच आले, किसलेले
• 1/2 टीस्पून हळद
• 1/2 टीस्पून लाल तिखट
• 1/4 टीस्पून गरम मसाला
• 1/4 टीस्पून कॅरम बिया
• 1/2 टीस्पून धने पावडर
• चवीनुसार मीठ
• तळण्यासाठी तेल
• कोथिंबीर, बारीक चिरून (गार्निशसाठी)

Veg Keema Recipe: आता घरच्या घरी ट्राय करा मसालेदार व्हेज खिमा, चवीसह पोषणही मिळेल

कृती

• पोह्यांचे भजी तयार करण्यासाठी सर्वप्रथम पोहे धुवा आणि 10-15 मिनिटे पाण्यात भिजवा
• नंतर यातील अतिरिक्त पाणी काढून टाका
• यानंतर एका मोठ्या भांड्यात बेसन, दही, कांदा, हिरवी मिरची, आले, हळद, तिखट, गरम मसाला, ओरेगॅनो, धने पावडर, कोथिंबीर आणि मीठ घालून चांगले मिक्स करा
• आता पिठात भिजवलेले पोहे घालून मिक्स करा
• हे पीठ थोडे जाडसरंच ठेवा, जर पीठ खूप घट्ट असेल तर तुम्ही थोडे पाणी घालू शकता
• नंतर गॅसवर कढईत तेल गरम करा
• तेल गरम झाले की यात तयार पिठाचे भजी करून सोडा
• हे भजी मध्यम आचवर छान सोनेरी रंग येईपर्यंत आणि कुरकुरीत होईपर्यंत तळून घ्या
• शेवटी, अतिरिक्त तेल काढण्यासाठी तयार पकोडे बटर पेपरवर काढा
• तयार पोहा भजी गरमागरम चहासोबत खाण्यासाठी सर्व्ह करा