सकाळच्या नाश्त्याला बनवा पौष्टिक आणि चविष्ट दही टोस्ट, झटपट रेसिपी नोट करा

जर तुम्हाला नाश्त्याला काही चटपटीत आणि आरोग्यादायी खायचे असेल तर आजची ही दही टोस्टची रेसिपी एकदा नक्की करुन पहा. ही झटपट रेसिपी सकाळच्या नाश्त्यासाठी एक उत्तम पर्याय आहे.

सकाळचा नाश्ता हा आपल्या आरोग्यासाठी खूप फायद्याचा ठरत असतो. यामुळे दिवसभर शरीरात एनर्जी राहते, ज्यामुळे सकाळचा नाश्ता कधीही टाळू नये. आता आजच्या काळात अनेक गृहिणी आणि आपले करीयर दोन्ही एकत्र सांभाळूत असतात. अशात सकाळच्या कामाच्या गडबडीत अनेकांना आता नाश्त्यासाठी काय बनवावे, असा प्रश्न पडत असतो.

सकाळच्या नाश्त्यासाठी बरेच जण एका झटपट आणि स्वादिष्ट पदार्थाच्या शोधात असतात, म्हणूनच आज आम्ही तुमच्यासाठी एक सोपी, लवकर तयार होणारी पण चवीला अप्रतिम लागणाऱ्या एका पदार्थाची रेसिपी घेऊन आलो आहोत. हा एक नाश्त्याचाच प्रकार आहे, जो चवीबरोबरच आपल्या आरोग्याचीही काळजी घेतो. आजच्या या रेसिपीचे नाव आहे दही टोस्ट. अर्थात नावावरुनच तुम्हाला समजले असावे की, हा पदार्थ दही आणि ब्रेडपासून बनवला जातो. चला तर मग जाणून घेऊयात यासाठी लागणारे आवश्यक साहित्या आणि कृती.

हेदेखील वाचा – Recipe: दुधी खायला घरचे नाक मुरडतात? मग एकदा दुधी कोफ्ता करी बनवून पहा

साहित्य

• 1 वाटी दही
• ब्राउन ब्रेडचे चार स्लाइस
• काळी मिरी पावडर
  अर्धा टीस्पून लाल तिखट
• चिमूटभर हळद
• चवीनुसार मीठ
• अर्धा चमचा मोहरी
• कढीपत्ता
• तूप

हेदेखील वाचा – साबुदाण्याचे फ्राइज कधी खाल्ले आहेत का? उपवासावेळी एकदा नक्की बनवून पहा

कृती

• दही टोस्ट बनवण्यासाठी सर्वप्रथम एका भांड्यात दही टाकून चांगली फेटून घ्या
• आता यात काळी मिरी पावडर, मीठ, हळद, लाल तिखट घालून व्यवस्थित मिक्स करा
• आता गॅसवर एक कढई ठेवा आणि यात एक चमचा तूप टाका
• मग यात मोहरी आणि कढीपत्ता घालून एक चांगली फोजणी द्या
• यानंतर यात तयार दहीचे मिश्रण टाका आणि हलवा
• मग गॅस बंद करा आणि हे मिश्रण बाजूला करा
• आता गॅसवर एक पॅन ठेवा आणि यावर हलके तेल टाका
• शेवटी ब्रेडचे तुकडे दह्याच्या मिश्रणात बुडवा आणि तव्यावर टाका
• हे ब्रेडचे तुकडे दोन्ही बाजूंनी हलके सोनेरी होईपर्यंत शिजवा आणि मग प्लेटमध्ये काढून घ्या
• तुमचा दही टोस्ट खाण्यासाठी तयार आहे
• पुदिण्याची चटणी किंवा साॅससोबत हे दही टोस्ट खाण्यासाठी सर्व्ह करा