Weekend Special Recipe: ‘पनीर ठेचा’ची दिवानी आहे मलायका अरोरा, तुम्ही कधी ही रेसिपी ट्राय केली आहे का?

Paneer Thecha Recipe: नुकतीच मलायका अरोराने आपल्या आवडीच्या पदार्थांविषयी माहिती दिली. महाराष्ट्रीयन खाद्यसंस्कृतीतून प्रेरित या पदार्थाचे नाव आहे पनीर ठेचा. ही रेसिपी सध्या सोशल मीडियावर फार ट्रेंड होत आहे.

थेचा हा महाराष्ट्रीयन खाद्यसंस्कृतीतील एक लोकप्रिय पदार्थ आहे. ही एक प्रकारची चटणी आहे, जी हिरव्या मिरच्या आणि लसणापासून तयार केली जाते. तुम्ही महाराष्ट्रीयन असाल तर तुम्ही हा पदार्थ कधी ना कधी नक्कीच ट्राय केला असेल. पण तुम्ही पनीर थेचा रेसिपी कधी खाल्ली आहे का? बॉलिवूड अभिनेत्री मलायका अरोरा हिने या रेसिपीचा शोध लावला आहे. पनीर आरोग्यासाठी फार फायदेशीर असतो. तेच तेच पनीरचे पदार्थ खाऊन कंटाळा आले असेल तर ही नवीन रेसिपी तुमच्या विकेंडसाठी एकदम परफेक्ट आहे.

पनीर थेचा, हा पदार्थ पारंपारिक महाराष्ट्रीयन खाद्यपदार्थाने प्रेरित आहे. मलायका अरोराला ही रेसिपी खूप आवडते. त्याची मसालेदार चव तुम्हाला नक्कीच आवडेल. ठेचा तुम्ही स्टार्टर, भाकरी, भातासोबतही घेऊ शकता. हे अप्रतिम स्टार्टर बनवण्यासाठी दार वेळेची आणि साहित्याची गरज भासत नाही. ज्यामुळे अगदी कमी वेळेत झटपट तुम्ही ही रेसिपी ट्राय करू शकता. तुम्हालाही पनीर थेचा खायला आवडत असेल तर ही रेसिपी एकदा नक्की करून पहा. चला तर मग जाणून घेऊयात यासाठी लागणारे साहित्य आणि कृती.

Winter Special: पारंपारिक पद्धतीने घरी बनवा कुरकुरीत अन् चविष्ट कोथिंबीर वडी

साहित्य

• 2 चमचे शेंगदाणा तेल
• 8-10 ताज्या हिरव्या मिरच्या
• 6-8 पाकळ्या लसूण
• 3 चमचे शेंगदाणे
• 1/2 टीस्पून धणे
• 1/2 टीस्पून जिरे
• मूठभर कोथिंबीर
• मीठ चवीनुसार

See more

हिवाळ्याच्या थंड वातावरणात नाश्त्याला बनवा गरमा गरम कोबीचा पराठा, पौष्टिक अन् स्वादिष्ट रेसिपी!

कृती

• पनीर ठेचा तयार करण्यासाठी सर्वप्रथम पनीरचे लहान तुकडे करा आणि एका भांड्यात ठेवा
• यानंतर कढईत हिरवी मिरची आणि लसूण टाका आणि एक मिनिट मंद आचेवर परतून घ्या
• नंतर हिरवी धणे, मीठ घालून मिक्स करून गॅस बंद करा
• आता हे साहित्य मिक्सरमध्ये किंवा खलबत्त्यात बारीक वाटून घ्या
• यानंतर हा तयार ठेचा पनीरच्या सर्व तुकड्यांवर नीट लावून घ्या
• आता गॅस चालू करा आणि त्यावर पॅन ठेवा आणि त्याला तेलाने चांगले ग्रीस करा
• आता त्यावर पनीरचे तुकडे घालून दोन्ही बाजूंनी चांगले तळून घ्या
• पनीरचे तुकडे मंद आचेवर दोन्ही बाजूंनी सोनेरी होईपर्यंत छान शॅलो फ्राय करून घ्या
• आता तयार पनीरचे तुकडे एका प्लेटमध्ये काढा आणि खाण्यासाठी सर्व्ह करा
• अशाप्रकारे अवघ्या काही मिनिटांतच तुमचा पनीर ठेचा तयार होईल
• खाताना तुम्ही यावर लिंबू देखील पिळू शकता