चहाला बिस्किटांची जोड! आता घरीच बनवा खुसखुशीत काजू बिस्किट, नोट करा सोपी रेसिपी

गरमा गरम चहासोबत खुसखुशीत बिस्किट म्हणजे स्वर्गसुखच! तुम्हाला माहिती आहे का? तुम्ही घरीच अगदी सोप्या पद्धतीने काजूची बिस्किटे तयार करू शकता. विशेष म्हणजे यासाठी फार साहित्य आणि वेळ लागत नाही.

सकाळ असो वा संध्याकाळ चहासोबाबत बिस्कीट खायला सर्वांनाच आवडते. तसेच ऑफिसमध्ये स्नॅकिंगसाठीही बरेच लोक या बिस्किटांचा आधार घेत असतात. तसे पाहायला गेले तर बाजारात अनेक प्रकारचे बिस्किटे विकत मिळतात मात्र यात काही रासायनिक घटक मिसळलेले असतात जे आपल्या आरोग्यासाठी घातक ठरू शकतात. अशा वेळी आम्ही तुम्हाला सांगतो की, तुम्ही यावेळी घरीच चविष्ट असे बिस्कीट तयार करू शकता. घरी बिस्कीट तयार करणं काही कठीण काम नाही, सोप्या पद्धतीने तुम्ही घरी बिस्किटे तयार करू शकता.

आज मात्र आम्ही तुमच्यासोबत काजूच्या बिस्किटांची रेसिपी शेअर करत आहोत. ही रेसिपी सोपी आणि निवडक साहित्यापासून तयार केली जाते. तसेच यात फार वेळही लागत नाही. तुम्ही एकदाच ही बिस्किटे बनवून अधिक काळासाठी साठवून ठेवू शकता. काजूच्या बिस्किटांची हा रेसिपी सोशल मीडियावर शेअर करण्यात आली आहे, जि आपण आज या लेखातून स्टेप बाय स्टेप जाणून घेणार आहोत. चला तर मग यासाठी लागणारे साहित्य आणि कृती पाहुयात.

घरगुती रेसिपी: देवेंद्र फडणवीस यांना आवडणारी पुरणपोळी तुम्हीही अशा पद्धतीने तयार करू शकता

साहित्य

• 1/4 कप तूप
• 1/2 कप पिठीसाखर
• एक कप मैदा
• दोन चमचे कस्टर्ड पावडर
• 1/2 चमचा बेकिंग सोडा
• चिमूटभर मीठ
• 1/3 कप काजू पावडर
• दोन चमचे दूध पावडर
• वेलची पावडर

See more

एक वाटी नाचणीच्या पिठापासून बनवा खमंग-पौष्टीक थालीपीठ, त्वरित नोट करा रेसिपी

कृती

• काजू बिस्कीट बनवण्यासाठी सर्वप्रथम एका भाड्यात तूप आणि पिठी साखर घ्या
• या दोन्हींना भांड्यात व्यवस्थित एकत्र करा
• त्यानंतर भांड्यावर चाळणी ठेवा आणि त्यात मैदा, कस्टर्ड पावडर, बेकिंग सोडा टाकून चाळून घ्या
• यानंतर या मिश्रणात मीठ, काजू पावडर, दूध पावडर, वेलची पावडर टाका
• हलक्या हाताने हे सर्व साहित्य नीट एकजीव करा
• आता मिश्रण एकत्र करण्यासाठी यात थोडे दूध टाका आणि मिश्रण छान मळून घ्या
• तयार मिश्रणाचे लहान लहान गोळे करा आणि तुमच्या आवडीनुसार याला बिस्किटांचा आकार द्या
• तुम्हाला हवे असल्यास तुम्ही यावर व्हिडिओत दाखवल्याप्रमाणे काजूचे तुकडे लावू शकता
• आता तयार काजू बिस्किटे 15 मिनिटे ओव्हनमध्ये 17 डिग्री सेल्सियसवर बेक करा
• अशाप्रकारे तुमचे काजी बिस्किटे अवघ्या काही मिनिटांतच बनून तयार होतील
• काजू बिस्किटांची ही कम्माल रेसिपी @lakshmi_kitchen26 नावाच्या इंस्टाग्राम अकाऊंटवरून शेअर करण्यात आली आहे