Holi Special Recipe : यंदाच्या होळीला घरी बनवा चटपटीत ‘आलू टिक्की चाट’

Aloo Tikki Chaat Recipe : होळी सणाचा आनंद होईल द्विगुणीत, घरी बनवा चटपटीत आणि कुरकुरीत चवीची आलू टिक्की चाट. हा भारताचा एक असा स्ट्रीट फूड आहे ज्याचे लहानांपासून मोठ्यांपर्यंत सर्वच फॅन आहेत.

• होळीनिमित्त घरी बनवा चटपटीत आलू टिक्की चाट.
• सणाचा आनंद वाढवायचा तर ही रेसिपी एक परफेक्ट पर्याय.
• जाणून घ्या घरच्या घरी आलू टिक्की कशी बनवायची.

होळी म्हणजे रंगांचा, आनंदाचा सण… मोठ्या उत्साहात हा सण साजरा केला जातो. आता सण म्हटलं की, घरात चवदार पदार्थांची मेजवाणी ही आलीच. सणाच्या दिवशी अधिकतरवेळी घरात गोड पदार्थ खास करुन बनवले जातात पण आम्ही तुम्हाला सांगतो की, यंदा फक्त गोडच नाही तर चटपटीत पदार्थांचेही स्वयंपाकघरात स्वागत घरा.

Recipe : बोरिंग जेवणाला क्षणात मजेदार करा, झटपट घरी बनवा गव्हाचे पिठाचे पापड

आज आपण या लेखात चटपटीत चवीची स्ट्रीट स्टाईस आलू टिक्की घरी कशी बनवायची याची सोपी रेसिपी जाणून घेणार आहोत. ही रेसिपी फार झटपट तयार होते आणि चवीलाही चांगली लागते. कुरकरीत बटाट्याची टिक्की आणि त्यावर चटपटीत चटण्या या सर्वांचा मेळ एका चविष्ट पदार्थांला जन्म देतो. होळीनिमित्त घरी काही खास बनवण्याचा विचार करत असाल तर आलू टिक्की तुमच्यासाठी एक उत्तम पर्याय आहे. चला यासाठी लागणारे साहित्य आणि कृती जाणून घेऊया.

साहित्य

• उकडलेले बटाटे
• कॉर्नफ्लोअर किंवा ब्रेडक्रंब्स
• हिरव्या मिरच्या (बारीक चिरलेल्या)
• आले (किसलेले)
• मीठ
• मसाला
• मिरची पावडर
• कोथिंबीर पाने
• तेल (तळण्यासाठी)
• गोड चिंचेची चटणी
• हिरवी कोथिंबीर-पुदिन्याची चटणी
• ताजे दही
• भाजलेले जिरे पावडर
• डाळिंबाच्या बिया (पर्यायी)
• बारीक शेव

Lemon Pickle Recipe: तेलाचा वापर न करता १० मिनिटांमध्ये बनवा रसाळ लिंबाचं लोणचं, कधीच विसणार नाही चव

कृती

• यासाठी सर्वप्रथम बटाट्यांना कुकरमध्ये घालून ४-५ शिट्ट्या घ्या. बटाटे शिजले की त्यांची साल काढा आणि त्यांनी मॅश करा.
• मॅश केलेले बटाटे एका बाऊलमध्ये काढा आणि यात कॉर्नफ्लोअर, ब्रेडक्रंब, हिरव्या मिरच्या, आले, मीठ, लाल तिखट, चाट मसाला, भाजलेल्या जिरऱ्याची आणि धण्याची पावडर घाला.
• सर्व साहित्य एकत्र मिसळा आणि मिश्रणाची तुम्हाला हव्या त्या आकारात टिक्की तयार करा.
• हाताला हलकं तेल लावा म्हणजे मिश्रण हाताला चिकटणार नाही.
• आता गॅसवर कढई ठेवून त्यात तेल टाका आणि मध्यम आचेवर तेलाला गरम करा.
• तेल गरम झाले की तायर टिक्की यात टाका आणि सोनेरी आणि कुरकुरीत झाल्यावरच उलटा.
• जर तुम्हाला जास्त कुरकुरीत टिक्की हव्या असतील तर त्या हलक्या दाबून मध्यम आचेवर शिजवा.
• हाय फ्लेमवर टिक्की कच्ची आतून कच्ची राहू शकते त्यामुळे मध्यम आचेवरच टिक्कीला शिजवा.
• आता एका प्लेटमध्ये तयार कुरकुरीत टिक्कीला ठेवा.
• टिक्कीवर दही, पुदिन्याची चटणी आणि गोड चटणी घाला.
• नंतर यावर चाट मसाला, भाजलेले जिरे पावडर आणि थोडी लाल तिखट, बारीक शेव, डाळिंबाचे दाणे आणि कोथिंबीर घालून सजवा.