Recipe : कुरकुरीत आणि मजेदार घरी बनवा ‘थ्रेड चिकन’, हॉटेलसारखी टेस्ट आता घरच्या घरी

Thread Chicken Recipe : बाहेरून कुरकुरीत आणि आतून ज्यूसी... तुम्ही कधी थ्रेड चिकन खाल्ले आहे का? ही रेसिपी लहानांनाच नाही तर मोठ्यांनाही फार आवडेल. एकदा घरी जरुर ट्राय करा हटके रेसिपी.

• चिकन लव्हर्ससाठी ही डिश एक परफेक्ट पर्याय आहे.
• तुम्ही कधी थ्रेड चिकन खाल्लं आहे का?
• स्टार्टर्ससाठी ही डिश एकदम परफेक्ट आहे.

चायनीज आणि इंडो-चायनीज पदार्थांना भारतीय घरांमध्ये विशेष स्थान आहे. मंचुरियन, फ्रायड राईस किंवा नूडल्ससोबत कुरकुरीत स्टार्टर दिला की जेवणाची मजा दुप्पट होते. अशाच आकर्षक आणि वेगळ्या स्टार्टरपैकी एक म्हणजे थ्रेड चिकन. या पदार्थात मॅरिनेट केलेले चिकन बारीक नूडल्सच्या धाग्यांनी गुंडाळून डीप फ्राय केले जाते, त्यामुळे बाहेरून खुसखुशीत आणि आतून रसाळ अशी अप्रतिम टेक्स्चर मिळते.

Holi 2026 : रंगांच्या सणात चवीचा जल्लोष! होळीनिमित्त घरी बनवा बिहारी स्टाईल ‘चंपारण मटण’

थ्रेड चिकन दिसायला खूपच आकर्षक असल्यामुळे हा पदार्थ वाढदिवस, पार्टी, किटी पार्टी किंवा खास पाहुण्यांसाठी उत्तम पर्याय ठरतो. मुलांना विशेषतः त्याची कुरकुरीत आवृत्ती आवडते. योग्य मसाले, परफेक्ट मॅरिनेशन आणि तेलाचे योग्य तापमान याकडे लक्ष दिल्यास हा पदार्थ हॉटेलसारखा घरी सहज तयार करता येतो. चला थ्रेड चिकनची रेसिपी जाणून घेऊया.

साहित्य

• 250 ग्रॅम बोनलेस चिकन (लांब स्ट्रिप्समध्ये कापलेले)
• 1 कप बारीक हक्का नूडल्स (उकडून गाळलेले)
• 1 अंडे
• 2 टेबलस्पून कॉर्नफ्लोअर
• 1 टेबलस्पून मैदा
• 1 टीस्पून आले-लसूण पेस्ट
• 1 टीस्पून सोया सॉस
• 1 टीस्पून लाल तिखट किंवा चिली सॉस
• मीठ चवीनुसार
• मिरीपूड अर्धा टीस्पून
• तळण्यासाठी तेल

नेहमीच बोरिंग सामोसा सोडा, आता घरी बनवा मसालेदार ‘चिकन सामोसा’, चव अशी कुटुंबातील सर्वच होतील खुश

कृती

• सर्वप्रथम चिकन स्वच्छ धुऊन त्याचे लांब आणि पातळ तुकडे करा.
• एका भांड्यात चिकन घ्या आणि त्यात आले-लसूण पेस्ट, सोया सॉस, लाल तिखट, मीठ, मिरीपूड, कॉर्नफ्लोअर, मैदा आणि अंडे घालून चांगले मिसळा. हे मिश्रण किमान 30 मिनिटे मुरू द्या.
• हक्का नूडल्स अर्धवट शिजवून पूर्णपणे गार होऊ द्या आणि त्यांना हलकेच वेगळे करून ठेवा.
• मुरलेले चिकनचे प्रत्येक तुकडे घ्या आणि त्याभोवती नूडल्सचे धागे नीट गुंडाळा. नूडल्स व्यवस्थित चिकटले पाहिजेत.
• कढईत तेल गरम करा. तेल मध्यम तापमानावर असावे.
• तयार केलेले नूडल्सने गुंडाळलेले चिकन सावधपणे गरम तेलात सोडा आणि सोनेरी रंग येईपर्यंत डीप फ्राय करा.
• बाहेर काढून टिश्यू पेपरवर ठेवा, जेणेकरून अतिरिक्त तेल निघून जाईल.
• गरमागरम थ्रेड चिकन सॉस किंवा चिली गार्लिक डिपसोबत सर्व्ह करा. हा पदार्थ कुरकुरीत राहावा यासाठी सर्व्ह करण्याच्या अगदी आधी तळणे योग्य ठरते.