Recipe: विकेंडला घरीच बनवा रेस्टाॅरंट स्टाइल ‘पनीर दो प्याजा’; चव अशी की घरातील सर्वच होतील खुश

पनीर दो प्याजाला त्याच्या खास मसाल्यांमुळे आणि कांद्याचे प्रमाण दुप्पट असल्यामुळे अप्रतिम चव येते. ही स्वादिष्ट ग्रेव्ही डिश बनवणे जितके सोपे आहे तितकेच ते तुमच्या जेवणाच्या टेबलावर टाळ्या मिळवण्यासाठी अप्रतिम पर्याय आहे. विकेंडचा दिवस जवळ येऊन ठेपला आहे अशात तुम्ही या विकेंडला ही लज्जतदार डिश नक्कीच ट्राय करू शकता. चला तर मग अजिबात वेळ न दवडता या रेसिपीसाठी लागणारे साहित्य आणि कृती नोट करूयात.

साहित्य

• पनीर – 250 ग्रॅम (चौकोनी तुकडे)
• चिरलेले कांदे – 3 मोठे
• टोमॅटो प्युरी – 2 मध्यम आकाराचे टोमॅटो
• दही – 2 चमचे
• काजू पेस्ट – 2 चमचे (काजू भिजवून बारीक करा)
• हिरवी मिरची – 2 (बारीक चिरून)
• आले-लसूण पेस्ट – 1 टीस्पून
• तमालपत्र – 1
• दालचिनी – 1 इंच तुकडा
• लवंगा – 2-3
• हल्दी पावडर – 1/2 टीस्पून
• धनिया पावडर – 1 टीस्पून
• गरम मसाला – 1/2 टीस्पून
• लाल मिरची पावडर – 1 टीस्पून
• कसुरी मेथी – 1/2 टीस्पून
• फ्रेश क्रीम – 2 चमचे
• तेल किंवा तूप – 2 चमचे
• मीठ – चवीनुसार
• कोथिंबीर – गार्निश करण्यासाठी

कृती

• यासाठी सर्वप्रथम एका कढईत थोडे तेल गरम करून त्यात पनीरचे तुकडे हलके सोनेरी होईपर्यंत तळून घ्या आणि नंतर पनीर काढून बाजूला ठेवा
• यानंतर त्याच कढईत आणखी थोडं तेल घालून तमालपत्र, दालचिनी आणि लवंगा घालून तळून घ्या
• आता त्यात चिरलेला कांदा घाला आणि हलका सोनेरी होईपर्यंत परतून घ्या
• कांदा परतून झाला की तो एका प्लेटमध्ये काढून घ्या
• आता पॅनमध्ये आले-लसूण पेस्ट आणि कांद्याची पेस्ट घालून चांगले परतून घ्या
• कांद्याची पेस्ट हलकी तपकिरी रंगाची झाल्यावर त्यात टोमॅटो प्युरी आणि मसाले (हळद, धणेपूड, लाल तिखट) घालून शिजवा
• मसाले चांगले शिजल्यावर त्यात दही आणि काजूची पेस्ट घाला आणि सतत ढवळत असताना ग्रेव्ही घट्ट होऊ द्या
• ग्रेव्हीपासून तेल वेगळे व्हायला लागल्यावर त्यात तळलेले पनीरचे तुकडे आणि परतून घेतलेला कांदा घाला
  वरून गरम मसाला आणि कसुरी मेथी घालून मंद आचेवर 5 मिनिटे शिजवा
• जर तुम्हाला ग्रेव्ही अधिक समृद्ध बनवायची असेल तर तुम्ही त्यात फ्रेश क्रीम घालू शकता
• शेवटी हिरव्या कोथिंबिरीने गार्निश करा आणि तयार पनीर दो प्याजा चपाती अथवा मैद्याच्या पराठ्यासह खाण्यासाठी सर्व्ह करा

संबंधित बातम्या