Matar Bhat Recipe: हिवाळ्यात आवर्जून बनवा अस्सल पारंपरिक पद्धतीने मटार भात, समाधान देणारा चविष्ट पदार्थ

कायमच मटारपासून तेच ठराविक पदार्थ खाऊन कंटाळा आल्यास सोप्या पद्धतीमध्ये तुम्ही मटार भात बनवू शकता. हा पदार्थ चवीला अतिशय सुंदर लागतो. जाणून घ्या रेसिपी.

हिवाळा ऋतूला सुरुवात झाल्यानंतर बाजारात मोठ्या प्रमाणावर हिरवेगार मटार उपलब्ध होतात. गोडसर चवीचे मटार सगळ्यांचं खायला खूप जास्त आवडतात. मटारपासून अनेक वेगवेगळे पदार्थ बनवले जातात. मटार पुलाव, मटार टिक्की, मटार भजी, पनीर मटार यांसारखे अनेक पदार्थ बनवले जातात.पण त्यातील सगळ्यांचा आवडता पदार्थ मटार भात. जेवणाच्या ताटात जर भात नसेल तर जेवल्यासारखे अजिबात वाटत नाही. तूप, मटार आणि इतर खमंग मसाल्यांचा वापर करून बनवलेला मटार भात चवीला अतिशय सुंदर लागतो. हा पदार्थ अनेकांसाठी ‘कम्फर्ट फूड’ आहे. मटार भात तुम्ही लोणचं, कोशिंबीर, पापड किंवा दह्यासोबत सुद्धा खाऊ शकता. घरी आलेल्या पाहुण्यांसाठी काय बनवावे सुचत नसेल तर सोप्या पद्धतीमध्ये तुम्ही मटार भात बनवू शकता. हा पदार्थ लहान मुलांसह मोठ्यांना खूप जास्त आवडेल. जेवण बनवण्याचा कंटाळा आल्यानंतर तुम्ही मटार आणि वेगवेगळ्या भाज्यांचा वापर करून एकच भात बनवू शकता. चला तर जाणून घेऊया मटार भात बनवण्याची सोपी रेसिपी.(फोटो सौजन्य – istock)

खान्देश स्पेशल रेसिपी! १० मिनिटांमध्ये झटपट बनवा झणझणीत कुरडईची भाजी, गरमागरम भाकरीसोबत लागेल चविष्ट

साहित्य:

• तांदूळ
• मटार
• लाल तिखट
• हळद
• मीठ
• खडे मसाले
• तूप
• कांदा टोमॅटो
• आलं लसूण पेस्ट
• कोथिंबीर
• हिरवी मिरची

सकाळच्या नाश्त्यात झटपट बनवा झणझणीत चवीचा टोमॅटो डोसा, लालचुटूक पदार्थाने करा दिवसाची सुरुवात

कृती:

• मटार भात बनवण्यासाठी सर्वप्रथम, तांदूळ काहीवेळ पाण्यात भिजत ठेवा. यामुळे भात फुलून येईल.
• टोपात तूप गरम करून त्यात खडे मसाले, मोहरी, जिरं, कढीपत्ता घालून भाजा.
• त्यानंतर त्यात बारीक चिरलेला कांदा टोमॅटो, चवीनुसार मीठ घालून शिजवून घ्या. कांदा शिजल्यानंतर त्यात कोथिंबीर घालावी.
• कांदा टोमॅटो शिजल्यानंतर त्यात आलं लसूण मिरची पेस्ट घालून खमंग भाजा. यामुळे पदार्थाची चव सुंदर लागेल.
• शिजलेल्या साहित्यात हळद, गरम मसाला, लाल तिखट आणि पुलाव मसाला टाकून भाजा.
• मसाले भाजून झाल्यानंतर त्यात तांदूळ आणि मटार घालून व्यवस्थित मिक्स करा आणि आवश्यकतेनुसार गरम पाणी घालून भात शिजवा.
• तयार आहे सोप्या पद्धतीमध्ये बनवलेला मटार भात. हा पदार्थ चवीला अतिशय सुंदर लागेल.