तूर आणि वालापासून बनवा चमचमीत मसाला खिचडी, अवघ्या 10 मिनिटांतच तयार होईल रेसिपी

अनेकांना जेवणात भात असल्याशिवाय जेवण पूर्ण झाले असे वाटत नाही. रात्रीच्या जेवणात गरमा गरम भात चवीला फार अप्रतिम लागतो. तुम्हीही एक झटपट भाताची रेसिपी शोधात असाल तर आजची ही रेसिपी एकदा नक्की ट्राय करा. ही रेसिपी तुमच्या जेवणाची रंगत द्विगुणित करेल.

भात हा एक असा प्रकार आहे जो जेवणात प्रयेकालाच हवाहवासा वाटत असतो. काहींना तरी भात खाल्ल्याशिवाय आपले पोट भरलेच नाही असे वाटते. अनेकजण दिसावसातून एकदा तरी आपल्या आहारात भाताचा समावेश करतात. भातापासून अनेक प्रकार बनवले जाऊ शकतात. यातील सर्वात सोपा आणि झटपट प्रकार म्हणजे खिचडी.

आज आम्ही तुमच्यासाठी एक झणझणीत महाराष्ट्रीयन रेसिपी घेऊन आलो आहोत. ही रेसिपी रात्रच्या जेवणासाठी एकदम परफेक्ट ठरेल. आज आम्ही तुम्हाला तूर आणि वालापासून मसाला खिचडी कशी तयार करायची याची एक सोपी आणि झटपट रेसिपी सांगत आहोत. गरमा गरम मसाला खिचडी तुमच्या रात्रच्या जेवणाची रंगत वाढवेल. जाणून घ्या यासाठी लहणारे साहित्य आणि कृती.

हेदेखील वाचा – नाश्त्यामध्ये नवीन पदार्थ खाण्याची इच्छा झाली आहे? मग १० मिनिटांमध्ये चविष्ट चीझ उत्त्पम

साहित्य

• 1 वाटी तूर आणि वालाचे दाणे
• 1 बटाटा
• 1 टोमॅटो
• 2 कांदे
• 1 चमचा आले लसूण पेस्ट
• 1 चमचा बारीक कापलेली कोथिंबीर
• 2 पळी तेल
• 1/2 चमचा जीरे फोडणीसाठी
• 1 तमालपत्र
• 2 लवंगा,३ काळी मिरी दालचिनीचा छोटासा तुकडा
• मीठ चवीनुसार
• 1 वाटी वाडा कोलम तांदूळ
• 1/2 चमचा हळद
• 1 चमचा संडे मसाला

कृती

• मसाला खिचडी बनवण्यासाठी सर्वप्रथम वालाचे दाणे आणि तुरीचे दाणे स्वच्छ धुवून घ्या
• यानंतर बटाट्याच्या मोठ्या फोडू कापून घ्या
• कांदा, कोथिंबीर आणि टोमॅटो असे सर्व भाज्या बारीक चिरून घ्या
• यांनतर गॅसवर एक कुकर ठेवून त्यात तेल टाका
• तेल गरम झाले की त्यात जीरे, लवंग काळीमिरी, तमालपत्र आणि दालचिनीचा तुकडा टाका आणि परतून घ्या
• त्यानंतर यात कांदा टाका आणि परतून घ्या
• मग त्यात आलं लसणाचे वाटण टाकून छान परतून घ्या
• नंतर टोमॅटो परतून घ्यावा, हळद, मिरची पावडर घालावी, तीही परतून घ्या
• नंतर तांदूळ घालून दोन तीन मिनिटे सर्व साहित्य नीट परतून घ्या.
• दुसरीकडे बाजूला पाणी गरम करत ठेवा
• पाण्याला उकळी आली की पाणी खिचडीत टाका आणि ढवळून घ्या
• आता शेवटी यात मीठ आणि चिरलेली कोथिंबीर टाका आणि झाकण ठेवून 10 मिनिटे खिचडी छान शिजू द्या
• अशाप्रकारे तुमची झणझणीत आणि चटाकेदार खिचडी तयार होईल
• लोणचं किंवा पापडसोबत ही गरमा गरम खिचडी खाण्यासाठी सर्व्ह करा