पौष्टिकतेने भरपूर सकाळच्या नाश्त्याला बनवा दुधीचे कटलेट, काही मिनिटांतच तयार होते रेसिपी

सकाळच्या नाश्त्यासाठी झटपट आणि पौष्टिक नाश्त्याची रेसिपी शोधात आहात? मग आजची ही रेसिपीच्या तुमच्या फायद्याची ठरणार आहे. तोंडात टाकताच क्षणार्धात विरघळणाऱ्या चविष्ट आणि पौष्टिक दुधीच्या कटलेट्सची एक सोपी रेसिपी जाणून घ्या. आम्हाला खात्री आहे की रेसिपी घरातील सर्वांनाच फार आवडेल.

सकाळचा नाश्ता हा नेहमी लाइट आणि पोषक घटकांनी समृद्ध असावा. यामुळे दिवसभर काम करण्यासाठी शरीरात एनर्जी बनून राहते. आता नाश्ता म्हटलं की, महिला वर्ग नेहमीच सर्वांना आवडेल आणि झटपट तयार होईल अशा रेसिपीच्या शोधात असतात. हाच विचार करता आज आम्ही तुमच्यासाठी एक हटके पौष्टिकतेने भरलेली एक टेस्टी नाश्त्याची रेसिपी घेऊन आलो आहोत. ‘

या रेसिपीचे नाव आहे दुधीचे कटलेट. तुम्ही दुधीची भाजी, हलवा असे अनेक प्रकार बनवून खाल्ले असतील मात्र दुधीचे कटलेट हा पदार्थ तुम्ही मुळातच कधी खाल्ला असावा. हे कटलेट बनवणे तर सोपे आहेच शिवाय यांना बनवायला फार वेळी लागत नाही. चवीबरोरबच आरोग्यासाठीही हे कटलेट फार फायद्याचे ठरतात. जाणून घ्या यासाठी लागणारे साहित्य आणि कृती.

हेदेखील वाचा – संध्याकाळच्या नाश्त्याला बनवा क्रिस्पी कॉर्न बॉल्स, लहानांपासून मोठ्यांपर्यंत सर्वांना आवडेल रेसिपी

साहित्य

• दुधी
• बेसन [पीठ
• हळद
• सैंधव मीठ
• ओवा
• भाजलेला जिरा
• कढीपत्ता
• हिरवी मिरची
• कोथिंबीर
• तेल

हेदेखील वाचा – नाश्त्यासाठी बनवा टेस्टी व्हेज चीज सँडविच, लहान मुलांना फार आवडेल रेसिपी

कृती

• दुधीचे पौष्टिक कटलेट तयार करण्यासाठी सर्वप्रथम दुधी नीट धुवून किसून घ्या.
• यानंतर किसलेल्या दुधीतील पाणी काढून घ्या आणि मग दुधीचा गर एका मोठ्या भांड्यात ठेवा
• नंतर किसलेल्या दुधीत बेसन, हळद, ओवा, भाजलेले जिरे आणि सैंधव मीठ घाला आणि एकत्रित छान मिसळा
• यानंतर यात कढीपत्ता, हिरवी कोथिंबीर आणि मिरचीही टाका आणि पुन्हा सर्व साहित्य एकत्रित करा
• यानंतर हे मिश्रण पिठासारखे चांगले मळून घ्यावे
• आता या मिश्रणातील काही भाग घेऊन त्याचे कटलेट तयार करून घ्या
• त्यानंतर आता गॅसवर एक पॅन ठेवा आणि यात तेल टाका
• तेल हलके गरम झाले की यात तयार कटलेट ठेवा आणि दोन्ही बाजूंनी छान खरपूस भाजून घ्या
• कटलेट भाजताना गॅसची फ्लेम मध्यम आचेवर ठेवा
• अशाप्रकारे तुमचे चविष्ट आणि पौष्टिक दुधीचे कटलेट तयार होतील
• हे कटलेट तुम्ही पुदिन्याच्या चटणीसोबत खाण्यासाठी सर्व्ह करू शकता