Quick Recipe: सकाळच्या नाश्त्यासाठी पोह्या बटाट्यापासून बनवा खंमग थालीपीठ

सकाळचा नाश्ता आपल्या दिवसभरातील आहाराचा एक महत्त्वाचा भाग आहे. सकाळचा नाश्ता दिवसभर काम करण्यासाठी आपल्याला एनर्जी प्रदान करत असतो. अनेकदा कामाच्या गडबडीत नाश्ता करण्यासाठी वेळ मिळत नाही. तुम्हीदेखील सकाळच्या नाश्त्यासाठी एक झटपट आणि चविष्ट अशी रेसिपी शोधात असाल तर मग आजची ही रेसिपी नक्की ट्राय करा.

नाश्ता हा आपल्या दिवसभरातील आहाराचा महत्त्वाचा भाग आहे. सकाळचा नाश्ता कधीही स्किप करू नये. यामुळे दिवसभर काम करण्यासाठी शरीरात ऊर्जाकायम राहते. आहारतज्ज्ञांकडूनही सकाळी पौष्टिक असा नाश्ता करण्याचा सल्ला दिला जातो. नाश्तामध्ये आपल्याकडे सहसा शिरा, पोहे, उपीट किंवा शेवयांचा उपमा असे पदार्थ बनवले जातात.

मात्र तुम्हाला जर नेहमीचे तेच तेच बोरिंग पदार्थ खाऊन कंटाळा आला असेल आणि काही नवीन बनवून पाहायचे असेल तर तुम्ही नाश्त्यासाठी पोह्या बटाट्यापासून तयार चविष्ट असे थालीपीठ तयार करू शकता. हे थालीपीठ बनवायला फार वेळ लागत नाही, ही एक झटपट रेसिपी आहे. सकाळच्या घाईगडबडीच्या वेळी तुम्ही ही झटपट रेसिपी ट्राय करू शकता. जाणून घ्या यासाठी लागणारे साहित्य आणि कृती.

हेदेखील वाचा – भाजीत तेल जास्त झालं? मग चिंता सोडा आणि या घरगुती टिप्सचा वापर करा

साहित्य

• पोहे 2 वाटी (125 ग्राम )
• ओवा 1/2 टी स्पून
• धने जिरेपूड 1 टी स्पून
• चिली फ्लेक्स 1/2 टी स्पून
• हळद 1/4 टी स्पून
• गरम मसाला 1/4 टी स्पून
• मीठ
• कच्चा बटाटा 5 ( 250 ग्राम )
• हिरवी मिरची 3
• लसूण पाकळ्या 7-8
• आलं 1/2 इंच
• कोथिंबीर

हेदेखील वाचा – रव्यापासून बनवा चविष्ट आणि पौष्टिक टिक्की, सकाळच्या नाश्त्यासाठी परफेक्ट रेसिपी

कृती

• यासाठी सर्वप्रथम पोहे मिक्सरमध्ये वाटून घ्या
• आता त्यात ओवा, धने, जिरेपूड, चिली फ्रेलक्स, हळद, गरम मसाला आणि मिठ घालून सर्वकाही नीट एकत्र करा
• कच्च्या बटाट्याची साल काढून त्याचे काप करून मिक्सरमध्ये टाका आणि वाटून घ्या
• आता ही बटाट्याची पेस्ट आणि चिरलेली कोथिंबरी पोह्याच्या पिठात टाका ‘
• मग तयार पिठात गरजेनुसार पाणी घालून याचे कणिक मळून घ्या
• वरून हलके तेल लावा आणि 15 मिनिटे झाकून बाजूला ठेवून द्या
• यानंतर तयार पिठाचे गोळे तयार करून याचे थालीपीठ लाटून घ्या
• आता गॅसवर तवा ठेवा
• तवा गरम झाला की यावर तयार थालीपीठ टाकून छान खरपूस भाजून घ्या
• थालीपीठ भाजताना याच्या दोन्ही बाजूला तेल किंवा तूप लावायला विसरू नका
• अशाप्रकारे तुमची खंमंग आणि चविष्ट असे थालीपिठ तयार होतील
• दही किंवा लोणच्यासोबत तुम्ही या थालीपिठांची मजा लुटू शकता