Recipe: पनीरची नवीन रेसिपी ट्राय करा, घरी बनवा टेस्टी पनीर-मखाना टिक्की!

तेच तेच पनीरचे पदार्थ खाऊन कंटाळा आला असेल तर तुम्ही यावेळी काही नवीन ट्राय करू शकता. पनीरची हटके रेसिपी सोशल मीडियावर शेअर करण्यात आली आहे. याचे नाव आहे पनीर मखाना टिक्की!

Follow Us:

Follow Us:

पनीर हा व्हेज काय तर नॉनव्हेज खाणाऱ्यांसाठी पण आवडीचा पदार्थ आहे. सणसमारंभ असो किंवा कोणता विशेष कार्यक्रम जेवणात आवर्जून पनीरचा एक तरी पदार्थ निश्चित बनवला जातो. पनीरपासून अनेक पदार्थ बनवले जात आहे जसे की, पनीर टिक्का, मटर पनीर, शाही पनीर मात्र आज आम्ही तुम्हाला पनीरची एक हटके सांगणार आहोत. ही रेसिपी सोशल मीडियावर शेअर करण्यात आली आहे.

आज आपण पनीर मखाना टिक्की कशी तयार करायची याची एक सोपी आणि हटके अशी रेसिपी जाणून घेणार आहोत. मखाने आरोग्यासाठी फार फायदेशीर असतात. ही रेसिपी बनवायला फार कमी साहित्यापासून आणि कमी वेळेत बनून तयार होते. तेच तेच पनीरचे पदार्थ खाऊन कंटाळा आला असेल तर आजही ही रेसिपी तुम्ही एकदा तरी नक्कीच ट्राय करायला हवी. संध्याकाळच्या स्नॅक्सवेळी किंवा अचानक घरी आलेल्या पाहुण्यांसाठी तुम्ही ही रेसिपी झटपट रेसिपी तयार करू शकता. चला तर मग जाणून घेऊयात यासाठी लागणारे साहित्य आणि कृती.

रेसिपीच्या बातम्या वाचण्यासाठी इथे क्लिक करा

साहित्य

• मखाना
• दोन उकडलेले बटाटे
• कांदा
• शिमला मिरची
• 20 ते 40 ग्राम किसलेलं पनीर
• 1 चमचा मीठ
• 1 चमचा गरम मसाला
• 1 चमचा लाल मिरची पूड
• चिरलेली कोथिंबीर

 

View this post on Instagram

 

A post shared by khana_peena_recipe (@khana_peena_recipe)

रेसिपीच्या बातम्या वाचण्यासाठी इथे क्लिक करा

कृती

• पनीर मखाना टिक्की तयार करण्यासाठी सर्वप्रथम एका बाऊलमध्ये माखन भिजवून 5 मिनिटे बाजूला ठेवून द्या
• यानंतर कुकरमध्ये दोन बटाटे उकडून घ्या
• हे उकडलेले बटाटे सोलून मॅश करून घ्या
• आता यात रलेला कांदा, चिरलेली शिमला मिरची, २० ते ४० ग्राम किसलेलं पनीर, भिजवलेला मखाना, १ चमचा मीठ, १ चमचा धनेपूड, १ चमचा गरम मसाला, १ चमचा लाल मिरची पूड, आणि चिरलेली कोथिंबीर घाला
• यानंतर सर्व साहित्य व्यवस्थित एकजीव करून घ्या
• आता तुमचे टिक्कीचे मिश्रण तयार आहे
• तयार मिश्रणातील काही भाग हातात घ्या आणि याची टिक्की तयार करा
• तुम्ही तुम्हाला हव्या त्या आकारात टिक्की तयार करू शकता
• आता गॅसवर एक पॅन ठेवा आणि यात तेल टाका
• तयार टिक्की पॅनवर टाकून दोन्ही बाजूंनी सोनेरी रंग येईपर्यंत छान शिजवून घ्या
• अशाप्रकारे तुमची पौष्टिक आणि टेस्टी पनीर मखाना टिक्की तयार आहे
• तयार टिक्की सॉस किंवा पुदिन्याच्या चटणीसोबत खाण्यासाठी सर्व्ह करा
• ही रेसिपी @khana_peena_recipe नावाच्या इंस्टाग्राम अकाऊंटवरून शेअर करण्यात आली आहे

Web Title: Social media viral paneer makhana tikki recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com