जिभेचे चोचले पूर्ण करा! घरी बनवा क्रिस्पी शेजवान डोसा, झटपट नोट करा रेसिपी

तोंडाचे चोचले आता होतील पूर्ण! डोसा तर तुम्ही अनेकदा खाल्ला असेल मात्र कधी शेजवान डोसा खाल्ला आहे का? ही हटके रेसिपी विकेंडला एकदा जरूर ट्राय करा. हा शेजवान डोसा चवीला फार अप्रतिम लागतो.

सकाळचा नाश्ता म्हटला की, अनेकांना डोसा, इडली, मेदू वडा असे दाक्षिणात्य पदार्थ आठवू लागतात. अनेकांना नाश्त्याला हे पदार्थ खायला फार आवडतात, हेच कारण आहे की, हे पदार्थ फक्त दक्षिण भारतातच नाही जगभरात आवडीने खाल्ले जातात. आज आम्ही तुम्हाला दाक्षिणात्य पाककृतीतील एका चवदार पदार्थाची रेसिपी शेअर करणार आहोत. या पदार्थाचे नाव आहे डोसा पण हा डोसा आपण नॉर्मल नाही तर एका अनोख्या आणि हलक्या पद्धतीमध्ये बनवणार आहोत. तुम्ही आजवर अनेकदा डोसा हा पदार्थ खाल्ला असेल मात्र तुम्ही कधी शेजवान डोसा खाल्ला आहे का?

तुम्हीही जर चायनीज लव्हर्स असाल तर तुम्हाला आजही ही रेसिपी नक्कीच फार आवडेल. हा डोसा फार कमी वेळेत बनून तयार होतो, ज्यामुळे सकाळच्या घाईगडबडीत तुमचा अधिक वेळ न घालवता तुम्ही अगदी झटपट हा पदार्थ तयार करू शकता. हा पदार्थ चवीला अप्रतिम लागतो. विशेषतः लहान मुलांना यांची चव फार आवडेल. चला तर मग जाणून घेऊयात यासाठी लागणारे साहित्य आणि कृती.

चहाला बिस्किटांची जोड! आता घरीच बनवा खुसखुशीत काजू बिस्किट, नोट करा सोपी रेसिपी

साहित्य

• 2 कप डोशाचे आंबवलेले पीठ
• 1 मध्यम भोपळी मिरची, उभी पातळ चिरून
• १ मध्यम कांदा, उभा पातळ चिरून
• 1/2 गाजर, उभे पातळ मॅचस्टिकसारखे काप
• 1/2 वाटी शिजलेल्या नूडल्स
• 1 चमचा तेल
• 1 चमचा बारीक चिरलेली लसूण
• 1/2 चमचा किसलेले आले
• 1/2 चमचा सोया सॉस
• 1 हिरवी मिरची बारीक चिरून
• शेजवान सॉस
• तेल

घरगुती रेसिपी: देवेंद्र फडणवीस यांना आवडणारी पुरणपोळी तुम्हीही अशा पद्धतीने तयार करू शकता

कृती

• शेजवान डोसा बनवण्यासाठी सर्वप्रथम कढईत तेल गरम करून त्यात आलं-लसूण पेस्ट टाका आणि परता
• यानंतर यात सर्व चिरलेल्या भाज्या टाका आणि काही मिनिटे परतून घ्या
• नंतर यात सोया सॉस, शेजवान सॉस आणि चवीनुसार मीठ टाका
• मग यात नूडल्स टाका आणि पूर्व साहित्य व्यवस्थित एकजीव करा
• काहीवेळ शिजवा आणि मग गॅस बंद करा
• आता दुसरीकडे गॅसवर तवा तापत ठेवा
• तवा तापला की यावर हलके तेल पसरवा
• यानंतर यावर तयार डोसाचे पीठ टाका आणि पसरवून याचा डोसा तयार करा
• आता यावर हलके शेजवान सॉस आणि तयार नूडल्सचे सारण पसरवा
• डोसा मध्यम आचेवर खालून क्रिस्पी होईपर्यंत शिजवा आणि मग दुमडून प्लेटमध्ये काढा
• अशाप्रकारे तुमचा शेजवान डोसा तयार होईल
• हा डोसा तुम्ही असाच खाऊ शकता यासाठी चटणीची किंवा सांबाराची गरज नाही