हॉटेलचं जेवण जाल विसरून, घरी बनवून पहा मसालेदार आणि झणझणीत चवीची चिकन किमा रेसिपी

चिकन कीमा विविध प्रकारे खाल्ला जातो – पोळी, पराठा, लच्छा पराठा, पाव, भात किंवा बिर्याणीबरोबर. उत्तम मसाले, कांदा-टोमॅटो आणि हळुवार आचेवर शिजवलेला कीमा अप्रतिम लागतो. घरच्या घरी हा पदार्थ बनवणे सोपे असून बाजारातील रेस्टॉरंट-स्टाईल चव सहज मिळवता येते. केरळ, हैदराबाद, पंजाब किंवा मुंबई – सगळीकडे चिकन कीमा वेगवेगळ्या स्टाईलमध्ये केला जातो. परंतु येथे दिलेली रेसिपी ही सोपी, मसालेदार आणि प्रत्येकाला आवडणारी आहे. चला तर मग यासाठी लागणारे साहित्य आणि कृती जाणून घेऊया.

साहित्य

• चिकन कीमा – ५०० ग्रॅम
• कांदे – २ मोठे (बारीक चिरलेले)
• टोमॅटो – २ (बारीक चिरलेले)
• आले-लसूण पेस्ट – २ चमचे
• हिरवी मिरची – २ (बारीक चिरलेली)
• लाल तिखट – १½ चमचा
• हळद – ½ चमचा
• धने पावडर – १ चमचा
• जिरे पावडर – ½ चमचा
• गरम मसाला – १ चमचा
• मीठ – चवीनुसार
• तेल – ३ चमचे
• कोथिंबीर – सजावटीसाठी
• लिंबाचा रस – १ चमचा
• पाणी – ½ कप (आवश्यकतेनुसार)

कृती

• यासाठी सर्वप्रथम कढईत तेल गरम करून बारीक चिरलेले कांदे घाला आणि सोनेरी होईपर्यंत परता.
• त्यात आले-लसूण पेस्ट आणि हिरवी मिरची घालून २ मिनिटे परता.
• नंतर टोमॅटो घालून मऊ होईपर्यंत परता, म्हणजे मसाला छान शिजेल.
• आता त्यात हळद, लाल तिखट, धने पावडर, जिरे पावडर घालून तेल सुटेपर्यंत परता.
• मिक्स केलेला चिकन कीमा घालून मोठ्या आचेवर ४-५ मिनिटे परता.
• नंतर त्यात अर्धा कप पाणी घालून झाकण ठेवून १०-१२ मिनिटे मध्यम आचेवर शिजवा.
• शेवटी गरम मसाला, कोथिंबीर आणि लिंबाचा रस घालून हलक्या हाताने मिक्स करा.
• गरमागरम चिकन कीमा पोळी, पराठा, पाव, नान किंवा साध्या भातासोबत अप्रतिम लागतो.
• ही डिश बनवायला सोपी असून प्रत्येक वेळच्या जेवणात स्पेशल टच देते.

संबंधित बातम्या