वेट लॉससाठी घरी बनवा Cucumber Salad; सेलिब्रिटींच्याही आवडीची आहे डिश

Cucumber Recipe : वजन कमी करण्यासाठी अनेकजण काकडी-गाजराच्या सॅलडचे सेवन करतात. हा सॅलड चवीला टेस्टी लागतो आणि वजनही झपाट्याने कमी करतो.

आजच्या धावपळीच्या जीवनशैलीत बरेच लोक वजन कमी करण्यासाठी हेल्दी पदार्थ शोधत असतात. जास्त तेलकट, मसालेदार पदार्थ खाल्ल्याने शरीरावर चरबी जमा होते आणि त्यामुळे लठ्ठपणा, थकवा तसेच इतर आजारांचा धोका वाढतो. वजन कमी करण्याच्या प्रवासात आपल्याला हलके, पचायला सोपे आणि पोषणमूल्यांनी भरलेले पदार्थ आहारात घ्यावे लागतात.

हॉटेलचं जेवण जाल विसरून, घरी बनवून पहा मसालेदार आणि झणझणीत चवीची चिकन किमा रेसिपी

अशा वेळी काकडी हा एक उत्तम पर्याय ठरतो. काकडीमध्ये पाणी मोठ्या प्रमाणात असते, त्यामुळे ती शरीराला थंडावा देते आणि भूकही नियंत्रित करते. काकडीमध्ये कॅलरीज कमी पण फायबर जास्त असते, त्यामुळे वजन कमी करण्यासाठी ती एकदम योग्य मानली जाते. काकडीपासून तयार केलेले सलाड हे झटपट बनते, स्वादिष्ट लागते आणि शरीरासाठी फायदेशीर असते. हे सलाड लंच किंवा डिनरसोबत खाऊ शकतो किंवा हलक्या भुकेसाठी स्नॅक म्हणूनही वापरता येते. चला तर मग पाहूया, वजन कमी करण्यासाठी काकडी सलाडची सोपी आणि चवदार रेसिपी.

साहित्य

• १ गाजर
• १ काकडी
• २ टेबलस्पून पीनट बटर
• १ टीस्पून व्हिनेगर
• १ टीस्पून सोया सॉस
• १ टीस्पून मध
• १ टीस्पून चिली फ्लेक्स
• १/२ लिंबाचा रस

See more

सकाळच्या नाश्त्यासाठी झटपट बनवा मुंबईची स्ट्रीट स्टाईल चविष्ट फ्रँकी, पाहताच क्षणी तोंडाला सुटेल पाणी

कृती

• यासाठी सर्वप्रथम काकडी आणि गाजर स्वच्छ धुऊन सोलून घ्या
• आता गाजर आणि काकडी बारीक उभ्या आकारात चिरून घ्या.
• यानंतर एका वाटीत पीनट बटर, व्हिनेगर, सोया सॉस, चिली फ्लेक्स आणि लिंबाचा रस एकत्र मिसळा आणि एक एक डीप तयार करा.
• आता चिरलेल्या गाजर आणि काकडीमध्ये ही पेस्ट घाला आणि एकत्र मिसळा.
• तुमचा सॅलड तयार आहे, सकाळच्या नाश्त्यासाठी हा एक उत्तम पर्याय आहे.
• वेट लॉससाठी ही एक परफेक्ट डिश आहे.
• इंटरनेटवर ही रेसिपी सध्या फारच ट्रेंड करत आहे, त्यामुळे एकदा तरी ही रेसिपी नक्की घरी ट्राय करा.
• ही रेसिपी @plumsandpickle नावाच्या इंस्टाग्राम अकाऊंटवरून शेअर करण्यात आली आहे.