चहासोबत खाल्ली जाणारी खारी आता घरीच बनवा, झटपट नोट करा रेसिपी

Khari Biscuit Recipe : चहाप्रेमी असाल तर ही रेसिपी तुमच्या फायद्याची आहे. आता बाजारातून आणू नका तर घरीच सोप्या पद्धतीने बनवा खुसखुशीत खारी. सोशल मीडियावर शेअर करण्यात आलेली ही रेसिपी जोरदार व्हायरल होत आहे

चहा हे अनेकांच्या आवडीचे पेय आहे. हे एक लोकप्रिय भारतीय पेय आहे. देशात अनेक चहाप्रेमी पाहायला मिळतात. अनेकांच्या तर दिवसाची सुरुवातच चहाने होत असते. चहाने काम करण्याची ऊर्जा मिळते आणि आळस, थकवाही दूर होतो. चहाप्रेमींसाठी एक उत्तम चहा हा कोणत्या स्वर्गसुखाहून कमी नाही. तुम्हीही जर चहाप्रेमी असाल तर आजची ही रेसिपी तुमच्या फायद्याची ठरणार आहे. चहा हा नेहमी बिस्कीट, खारी, टोस अशा काही स्नॅक्ससह पिला जातो, यामुळे चहाची चव द्विगुणित होते.

बऱ्याचदा हे स्नॅक्स लोक बाजारातून खरेदी करतात मात्र बाजारातील वस्तू नेहमीच चांगल्या असतातच असे नाही. मुळातच या वस्तू फ्रेश नसतात, ज्यामुळे यातीलच एक लोकप्रिय पदार्थ घरी कसा तयार करायचा याची एक सोपी रेसिपी आज आम्ही तुमच्यासाठी घेऊन आलो आहोत. हा पदार्थ म्हणजे, सर्वांच्या आवडीची खारी. खुशखुशीत अशी खारी तुम्ही घारीदेखील अगदी सहज आणि सोप्या पद्धतीने तयार करू शकता. याची एक भन्नाट रेसिपी सोशल मीडियावर शेअर करण्यात आली आहे, जी आपण आज या लेखातून जाणून घेणार आहोत. चला तर मग जाणून घेऊयात यासाठी लागणारे साहित्य आणि कृती.

Recipe: एका ब्रेडपासून बनवा हा झटपट नाश्ता, घरातील सर्वच होतील खुश

साहित्य

• मैदा
• ओवा
• मीठ
• तेल
• कॉर्नफ्लॉवर
• तूप

See more

Video Recipe: टम्म फुगलेली मेथीची पुरी घरी कशी तयार करावी? जाणून घ्या सोपी रेसिपी

कृती

• खारी तयार करण्यासाठी सर्वप्रथम एका भांड्यात एक कप मैदा घ्या
• त्यानंतर यात ओवा, थोडे मीठ आणि तेल टाका
• यानंतर यात हलके हलके पाणी टाकून व्यवस्थित पीठ मळून घ्या
• हे पीठ जरा घट्टच मळा
• आता एका प्लेटमध्ये कॉनफ्लोर आणि तूप घालून याचे एक मिश्रण तयार करा आणि बाजूला ठेवून द्या
• यानंतर तयार मैद्याच्या पिठाचे गोळे तयार करून याच्या दोन पोळ्या लाटून घ्या
• त्यानंतर एक पोळी घ्या आणि यावर कॉनफ्लोर, तुपाचे मिश्रण पसरवा
• यांनतर या पोळीवर दुसरी पोळी ठेवा आणि दाबून पुन्हा हलकी लाटून घ्या
• आता या पोळीला एक एक करून घड्या पाडा आणि प्रत्येक घडी करताना त्यावर कॉनफ्लोर, तुपाचे मिश्रण पसरवा
• व्हिडिओत दाखवल्याप्रमाणे घड्या करून मग पून्हा हे हलके लाटून घ्या
• शेवटी चाकूच्या साहाय्याने याला कापून याचे तुकडे करून घ्या
• आता गॅसवर एक कढई ठेवा आणि यात तेल टाका
• तेल गरम झाले की, तयार तुकडे यात मध्यम आचेवर छान तळून घ्या
• अशाप्रकारे तुमची खुसखुशीत खारी घरीच बनून तयार होईल
• ही रेसिपी @sm.katta नावाच्या इंस्टाग्राम अकाऊंटवरून शेअर करण्यात आली आहे