31st Party Special : वर्षाचा शेवट करा रंगतदार! बाहेरून कशाला आता तंदूरशिवाय घरीच बनवा ‘स्मोकी तंदुरी चिकन’

साहित्य:

• चिकन (लेग पीस/थाय पीस) – 500 ग्रॅम
• दही – 1 कप (घट्ट)
• आलं-लसूण पेस्ट – 2 टेबलस्पून
• लाल तिखट – 2 टीस्पून
• काश्मिरी लाल तिखट – 1 टीस्पून
• हळद – ½ टीस्पून
• धणे-जिरे पूड – 1 टीस्पून
• गरम मसाला – 1 टीस्पून
• लिंबाचा रस – 2 टेबलस्पून
• मीठ – चवीनुसार
• तेल – 3–4 टेबलस्पून
• चाट मसाला – थोडासा (सर्व्हिंगसाठी)

कृती:

• यासाठी सर्वप्रथम चिकन स्वच्छ धुऊन त्यावर सुरीने खोल चिरा द्या. यामुळे मॅरिनेशन आतपर्यंत मुरते आणि चिकन मऊ होतं.
• एका मोठ्या भांड्यात दही, आलं-लसूण पेस्ट, लाल तिखट, काश्मिरी तिखट, हळद, धणे-जिरे पूड, गरम मसाला, लिंबाचा रस, मीठ आणि तेल घालून छान मिक्स करा. या मिश्रणात चिकन घालून प्रत्येक तुकड्याला मसाला नीट लावा.
• चिकन झाकून किमान 4 ते 6 तास (जास्त चव हवी असेल तर रात्रभर) फ्रिजमध्ये ठेवा.
• जाड तवा गरम करा आणि थोडं तेल घाला. मॅरिनेट केलेले चिकन तव्यावर ठेवा. मध्यम आचेवर झाकण ठेवून चिकन शिजवा.
• दर 5–7 मिनिटांनी चिकन पलटत राहा. चिकन पूर्ण शिजेपर्यंत आणि दोन्ही बाजूंनी छान भाजल्यासारखं होईपर्यंत शिजवा.
• चिकन शिजल्यानंतर तव्याच्या मधोमध एक लहान वाटी ठेवा. त्यात जळता कोळसा ठेवा आणि त्यावर थोडंसं
• तूप टाका. लगेच झाकण ठेवा आणि 2–3 मिनिटं ठेवा. यामुळे तंदुरी चिकनला तंदूरसारखा धुरकट स्वाद मिळतो.
• तंदुरी चिकनवर थोडासा चाट मसाला शिंपडा. कांदा, लिंबाचे काप आणि हिरव्या चटणीसोबत गरमागरम सर्व्ह करा. हे तंदुरी चिकन स्टार्टर म्हणून किंवा रोटी-नानसोबतही छान लागतं.

संबंधित बातम्या