31st Party Special : वर्षाचा शेवट करा रंगतदार! बाहेरून कशाला आता तंदूरशिवाय घरीच बनवा ‘स्मोकी तंदुरी चिकन’

Tandoori Chicken Recipe : मऊ, स्मोकी आणि मसालेदार असं तंदुरी चिकन नॉन-व्हेज प्रेमींच पहिलं प्रेम. हा पदार्थ अधिकतर बाहेरून ऑर्डर केला जातो. पण तुम्हाला माहिती आहे का? तुम्ही घरीच एकदम ढाबा स्टाईल चिकन तंदुरी तयार करू शकत

• तंदुरी चिकन फार सोप्या पद्धतीने घरी तयार करता येते, तेही स्मोकी चवीसह.
• आजची रेसिपी फॉलो करून तुम्ही 31 डिसेंबरची पार्टी आणखी रंगतदार बनवू शकता.
• चला याची स्टेप बाय स्टेप रेसिपी नोट करूयात.

तंदुरी चिकन म्हटलं की डोळ्यांसमोर हॉटेलमधला लालसर आणि स्मोकी चव असलेला चिकनचा तुकडा उभा राहतो. अनेकांना वाटतं की तंदुरी चिकन बनवण्यासाठी खास तंदूरच लागतो, पण प्रत्यक्षात तसे नाही. योग्य मसाले, योग्य मॅरिनेशन आणि थोडीशी स्मार्ट पद्धत वापरली तर तंदूरशिवायही घरी अगदी हॉटेलसारखं तंदुरी चिकन तयार करता येतं.

Winter Special Recipe: हिवाळ्यात घरी बनवा पौष्टिक आणि चविष्ट पंजाबी स्टाईल ‘आलू पराठे’

घरच्या घरी तंदुरी चिकन बनवण्याचा सगळ्यात मोठा फायदा म्हणजे स्वच्छता, दर्जेदार साहित्य आणि आपल्या आवडीनुसार मसाले घालण्याची मुभा. बाहेर मिळणाऱ्या तंदुरी चिकनमध्ये जास्त रंग किंवा तेल असण्याची भीती असते, पण घरच्या रेसिपीमध्ये आपण हेल्दी आणि चविष्ट असा पर्याय सहज तयार करू शकतो. ओव्हन, तवा किंवा कुकरचा वापर करून हे चिकन तयार करता येतं. पार्टी, वीकेंड स्पेशल जेवण किंवा पाहुण्यांसाठी हा पदार्थ एकदम परफेक्ट आहे. चला तर मग, तंदूर नसतानाही घरीच चिकन तंदुरी का बनवायचं याची रेसिपी जाणून घेऊया.

साहित्य:

• चिकन (लेग पीस/थाय पीस) – 500 ग्रॅम
• दही – 1 कप (घट्ट)
• आलं-लसूण पेस्ट – 2 टेबलस्पून
• लाल तिखट – 2 टीस्पून
• काश्मिरी लाल तिखट – 1 टीस्पून
• हळद – ½ टीस्पून
• धणे-जिरे पूड – 1 टीस्पून
• गरम मसाला – 1 टीस्पून
• लिंबाचा रस – 2 टेबलस्पून
• मीठ – चवीनुसार
• तेल – 3–4 टेबलस्पून
• चाट मसाला – थोडासा (सर्व्हिंगसाठी)

चिकन मटण खायला अजिबात आवडत नाही? मग घरच्या घरी झटपट बनवा मशरूम फ्राईड राईस, नोट करून घ्या रेसिपी

कृती:

• यासाठी सर्वप्रथम चिकन स्वच्छ धुऊन त्यावर सुरीने खोल चिरा द्या. यामुळे मॅरिनेशन आतपर्यंत मुरते आणि चिकन मऊ होतं.
• एका मोठ्या भांड्यात दही, आलं-लसूण पेस्ट, लाल तिखट, काश्मिरी तिखट, हळद, धणे-जिरे पूड, गरम मसाला, लिंबाचा रस, मीठ आणि तेल घालून छान मिक्स करा. या मिश्रणात चिकन घालून प्रत्येक तुकड्याला मसाला नीट लावा.
• चिकन झाकून किमान 4 ते 6 तास (जास्त चव हवी असेल तर रात्रभर) फ्रिजमध्ये ठेवा.
• जाड तवा गरम करा आणि थोडं तेल घाला. मॅरिनेट केलेले चिकन तव्यावर ठेवा. मध्यम आचेवर झाकण ठेवून चिकन शिजवा.
• दर 5–7 मिनिटांनी चिकन पलटत राहा. चिकन पूर्ण शिजेपर्यंत आणि दोन्ही बाजूंनी छान भाजल्यासारखं होईपर्यंत शिजवा.
• चिकन शिजल्यानंतर तव्याच्या मधोमध एक लहान वाटी ठेवा. त्यात जळता कोळसा ठेवा आणि त्यावर थोडंसं
• तूप टाका. लगेच झाकण ठेवा आणि 2–3 मिनिटं ठेवा. यामुळे तंदुरी चिकनला तंदूरसारखा धुरकट स्वाद मिळतो.
• तंदुरी चिकनवर थोडासा चाट मसाला शिंपडा. कांदा, लिंबाचे काप आणि हिरव्या चटणीसोबत गरमागरम सर्व्ह करा. हे तंदुरी चिकन स्टार्टर म्हणून किंवा रोटी-नानसोबतही छान लागतं.