Winter Special: पारंपारिक पद्धतीने घरी बनवा कुरकुरीत अन् चविष्ट कोथिंबीर वडी

Kothimbir Vadi Recipe: हिवाळ्यात एकदा तरी घरी महाराष्ट्रीयन स्पेशल कोथिंबीर वडीचा बेत नक्की आखा. पारंपरिक पद्धतीने कोथिंबीर वडी घरी कशी तयार करायची याची सोपी रेसिपी जाणून घ्या.

महाराष्ट्रीयन खाद्यसंस्कृतीमधील एक लोकप्रिय आणि चविष्ट पदार्थ म्हणजे कोथिंबीर वडी! कोथिंबीर वडी लहानांचीच नाही तर मोठ्यांचीही फेव्हरेट आहे. सध्या हिवाळा ऋतू सुरु आहे. या ऋतूत भरपूर भाजीपाला स्वस्त दरात बाजारात विक्रीसाठी येत असतो. अशात तुम्ही या ऋतूत रात्रीच्या जेवणात कोथिंबीर वडीचा बेत आखू शकता. कोथिंबीर, मसाले आणि बेसनाचा वापर करून हा पदार्थ तयार केला जातो. मुख्य म्हणजे, याला बनवणे फार सोपे आहे. तुम्ही अगदी काही कमी वेळेत आणि काही निवडक साहित्यांचा वापर करून हा पदार्थ तयार करू शकता.

अनेक लोकांना पारंपारिक पद्धतीने घरी कोथिंबीर वडी कशी तयार करायची ते माहित नसते. बऱ्याचदा घरी तयार केलेल्या कोथिंबीर वडीची चव हवी तशी येत नाही. तुमच्यासोबतही असे काही होत असेल तर आजची ही रेसिपी तुमच्या फायद्याची ठरेल. या रेसिपीच्या मदतीने तुम्ही घरीच सोप्या पद्धतीने परफेक्ट कोथिंबीर वडी तयार करू शकता. कोथिंबीरमध्ये अनेक पौष्टीक घटक आढळतात, जे आपल्या आरोग्यासाठी फायद्याचे ठरू शकतात. चला तर मग जाणून घेऊयात यासाठी लागणारे साहित्य आणि कृती.

हिवाळ्याच्या थंड वातावरणात नाश्त्याला बनवा गरमा गरम कोबीचा पराठा, पौष्टिक अन् स्वादिष्ट रेसिपी!

साहित्य

• एक कोथिंबीरची जुडी
• एक ग्लास चण्याचे पीठ
• दोन चमचे तिखट मसाला
• धने-जिरे पावडर
• एक चमचा मीठ (चवीनुसार)
• हळद, सुके खोबरे, तेल, पाणी
• अर्धा चमचा गरम मसाला
• आले लसूण पेस्ट (पाच ते सहा पाकळ्या लसूण)

चहासोबत खाल्ली जाणारी खारी आता घरीच बनवा, झटपट नोट करा रेसिपी

कृती

• कोथिंबीर वडी बनवण्यासाठी सर्वप्रथम कोथिंबीर स्वछ धुवून घ्या
• आता एक परात घ्या आणि यात चण्याचे पीठ, तेल, गरम मसाला, धने-जिरे पावडर, हळद, तिखट मसाला, मीठ आणि खुशखुशीत होण्यासाठी सुके खोबरे घाला
• यानंतर यात कोथिंबीर चिरून घाला
• सर्व साहित्य व्यवस्थित एकजीव करा
• साहित्य एकजीव करत असताना आवश्यक असल्यास पाण्याचा वापर करा
• शक्यतो अर्धी वाटी पाणी पुरेस असेल
• आता तयार पिठाचा एक लांब गोळा तयार करा
• इडलीच्या भांड्यात किंवा मोदकाच्या भांड्यात हा गोळा 20 मिनिटे छान वाफवून घ्या
• वाफवून घेतल्यानंतर याला थंड करा
• गोळा थंड झाला की चाकूच्या साहाय्याने याच्या वड्या पाडा
• आता गॅसवर एक कढई ठेवा आणि यात तेल टाका
• तेल चांगले तापले की, यात तयार कोथिंबीर वड्या छान कुरकुरीत होईपर्यंत तळून घ्या
• तळताना गॅसची फ्लेमही मध्यम असूद्यात
• तुम्ही पॅनवरही कोथिंबीर वडी शॅलो फ्राय करू शकता