सकाळचा चविष्ट आणि पौष्टिक नाश्ता; घरी बनवा भाज्यांनी भरपूर खमंग Mixed Veg Paratha

सकाळच्या नाश्त्याला पौष्टिक नाश्ता करावा, हा पूर्ण दिवस आपल्याला ऊर्जा देण्याचे काम करतो. भाज्या खायला अनेकांना आवडत नाही अशात तुम्ही नाश्त्याला मिश्र भाज्यांचा पराठा तयार करू शकता, जो चवीसह आरोग्यसाठीही फायद्याचा ठरेल.

पराठा म्हणजे एक पारंपरिक भारतीय पदार्थ जो सकाळच्या न्याहारीपासून ते रात्रीच्या जेवणातही आवडीने खाल्ला जातो. त्यात जर भरपूर भाज्यांचा वापर केला तर तो अधिक पौष्टिक आणि चविष्ट बनतो. मिक्स व्हेज पराठा म्हणजे विविध भाज्यांचं मिश्रण भरून बनवलेला साठवणूकक्षम, पौष्टिक आणि झटपट होणारा पराठा. मुलांसाठी लंचबॉक्समध्येही ही एक परफेक्ट रेसिपी आहे.

पांढऱ्या पोह्यांना द्या स्पेशल तडक! सोप्या पद्धतीमध्ये घरी बनवा हिरव्या फोडणीचे पोहे, नोट करून घ्या रेसिपी

वाढते आजार पाहता आपण काहीतरी झटपट आणि आरोग्याला पौष्टिक ठरेल अशा पदार्थाच्या शोधात असतो. सकाळचा नाश्ता हा हेल्दीच करावा कारण हा पूर्ण दिवस आपल्याला ऊर्जा देण्याचे काम करत असतो. अनेकांना भाज्या खायला फार आवडत नाही, घरातील लहान मुलं तर भाज्यांकडे बघताच नाक मुरडयाला लागतात अशात तुम्ही भाजीऐवजी याच भाज्यांपासून टेस्टी असा पराठा तयार करू शकता. आम्हाला खात्री आहे की याची चव घरातील सर्वांनाच खुश करेल. चला तर मग नोट करूयात यासाठी लागणारे साहित्य आणि कृती.

साहित्य

• गहू पीठ – २ कप
• मीठ – ½ टीस्पून
• तेल – १ टेबलस्पून
• पाणी – आवश्यकतेनुसार (पीठ मळण्यासाठी)
• उकडलेले बटाटे – १ मध्यम
• गाजर – ½ कप (किसून)
• फुलकोबी – ½ कप (किसलेली)
• सिमला मिरची – ¼ कप (बारीक चिरलेली)
• उकडलेला मटार – ¼ कप
• आले-लसूण-हिरवी मिरची पेस्ट – १ टीस्पून
• हळद – ¼ टीस्पून
• लाल तिखट – ½ टीस्पून
• गरम मसाला – ½ टीस्पून
• आमचूर पावडर / लिंबाचा रस – ½ टीस्पून
• मीठ – चवीनुसार
• बारीक चिरलेली कोथिंबीर – २ टेबलस्पून
• तेल – पराठा भाजण्यासाठी

Veg Taco Recipe: मेक्सिकन पदार्थ आता येईल तुमच्या घरी, किट्टी पार्टीजसाठी परफेक्ट स्नॅक

कृती

• मिक्स व्हेज पराठा तयार करण्यासाठी सर्वप्रथम गव्हाचे पीठ मळून घ्या.
• यानंतर एका मोठ्या भांड्यात गहू पीठ, मीठ, तेल टाकून थोडं थोडं पाणी घालत मऊसर पीठ मळा. १५-२० मिनिटं झाकून ठेवा.
• आता स्टफिंग तयार करा ज्यासाठी सर्व भाज्या उकडून/किसून घ्या. एका पॅनमध्ये थोडं तेल गरम करून आले-
• लसूण-हिरवी मिरची पेस्ट परतवा. त्यात सर्व भाज्या, हळद, तिखट, मीठ, गरम मसाला, आमचूर पावडर टाका. चांगलं परतून थंड होऊ द्या. शेवटी कोथिंबीर टाका.
• स्टफिंग तयार झाली की मळलेल्या पीठाचे समान भाग करून लाटण्यास तयार ठेवा. स्टफिंगचे गोळेही वेगळे करा.
• एका पीठाच्या गोळ्यात थोडं स्टफिंग भरून पुन्हा गोळा करून हलकं हाताने दाबा. मग हळूच लाटून पराठा तयार करा.
• गरम तव्यावर तेल घालून दोन्ही बाजूंनी तयार पराठा छान खमंग भाजून घ्या.
• गरमागरम पराठे लोणचं, दही किंवा सॉससोबत सर्व्ह करा.
• तुम्हाला हवे असल्यास तुम्ही यात पनीर, स्प्राउट्स किंवा पालकसुद्धा घालू शकता, याने पराठ्याला एक वेगळी चव मिळते.