Sevai Kheer Recipe: गणपती बाप्पाच्या नैवेद्यासाठी बनवा झटपट ( फोटो सौजन्य-सोशलमीडिया)
Vermicelli Kheer Recipe: गणपती बाप्पाचं आगमन झालं की घरात एक वेगळाच आनंद असतो. बाप्पा घरी येणार म्हटल्यावर त्याच्यासाठी काहीतरी गोडधोड खास करायचंच असतं. बऱ्याच जणांच्या घरी पहिल्या दिवशी उकडीचे मोदक केले जातात, तर काही ठिकाणी खीर बनते.पण उकडीचे मोदक म्हटलं की अख्खा दिवस जातो. पीठ मळणं, सारण बनवणं, मोदक वळणं, खूप वेळ लागतो. कामावरून येऊन हे सगळं करणं शक्य होत नाही. जर तुम्हाला पण बाप्पासाठी झटपट काहीतरी गोड बनवायचं असेल तर शेवयाची खीर बेस्ट ऑप्शन आहे. अवघ्या 5 ते 10 मिनिटात तयार होते आणि बाप्पाला पण नैवेद्य म्हणून चालते.
बारीक भाजलेल्या शेवया
एक वाटीदूध – अर्धा ते एक लिटर
साखर – दीड ते दोन वाटी (तुम्हाला किती गोड हवं त्यानुसार)
साजूक तूप – दोन चमचे
वेलची पूड – अर्धा चमचा
काजू, बदाम, पिस्ता, मनुके, चारोळी – थोडे-थोडे
केशर इसेन्स – 2-3 थेंब (असेल तर)बनवायची पद्धत एकदम सोपी
Gold Jewellery Cleaning At Home: घरच्या घरी सोन्याचे दागिने स्वच्छ करण्याची सोपी पद्धत
सगळ्यात आधी एका जाड बुडाच्या पातेल्यात दूध गरम करायला ठेवा. दूध गरम होत असतानाच त्यात साखर टाका.साखर दुधात छान विरघळते आणि दुधाला गोडवा चांगला येतो. दुधाला एक उकळी येऊ द्या.दूध उकळत आहे तोपर्यंत दुसऱ्या बाजूला एक कढई घ्या. त्यात दोन चमचे तूप टाका. तूप गरम झालं की त्यात एक वाटी बारीक शेवया टाका. शेवया आधीच भाजलेल्या असल्या तरी तुपावर परत एकदा सोनेरी रंग येईपर्यंत परतून घ्या. त्यामुळे खिरीला खमंग वास येतो. Sevai Kheer Recipe:
शेवया बाजूला काढा आणि त्याच तुपात काजू, बदाम, पिस्ता, मनुके, चारोळी हे सगळं थोडं परतून घ्या. मनुके टाकले की ते फुगतात, छान लागतात. आता जे दूध उकळत आहे त्यात या तुपावर परतलेल्या शेवया आणि सगळा मेवा टाका. गॅस बारीक ठेवा आणि 2-3 मिनिटं हे मिश्रण उकळू द्या. शेवया दुधात मऊ होतील आणि दूध थोडं घट्ट होईल. शेवटी त्यात वेलची पूड आणि केशर इसेन्सचे दोन थेंब टाका. बस, तुमची खीर तयार आहे. ही खीर तुम्ही गरम पण खाऊ शकता आणि फ्रीजमध्ये ठेवून थंड करून पण खाऊ शकता. दोन्ही प्रकारे भारी लागते. बाप्पाच्या नैवेद्यासाठी तर एक नंबर आहे. उकडीच्या मोदकाच्या टेन्शनपेक्षा ही खीर नक्की करून बघा, घरात सगळ्यांना आवडेल.
.png "Videos"){kind=small}
