Ganeshotsav 2026 : सणाचा गोडवा वाढवा, घरी बनवा मार्केट स्टाईल खुशखुशीत ‘बालुशाही’

Balushahi Recipe : अगदी हलवाईच्या दुकानात मिळणारी चव आता मिळेल घरीच. सणानिमित्त विकत कशाला, यावेळी घरीच तयार करा शुद्ध, ताजी आणि खुशखुशीत बालुशाही . याची चव कुटुंबातील सर्वांनाच खुश करेल.

(फोटो सौजन्य: Pinterest)

Follow Us:

Follow Us:

• बालुशाही हे मिष्टान्न आपण आजवर मिठाईच्या दुकानातून खरेदी करुन खाल्लं आहे.
• पण तुम्हाला माहितीये का निवडक साहित्यापासून हा पदार्थ घरीच तयार केला जाऊ शकतो.
• चला जाणून घेऊया याची सोपी रेसिपी.

Ganeshotsav 2026 : गणेशाच्या नैवेद्यासाठी बनवा हेल्दी आणि टेस्टी ‘ड्रायफ्रुट्स मोदक’, काही मिनिटांची रेसिपी

साहित्य

• मैदा – २ कप
• तूप – ५ टेबलस्पून
• दही – ३ टेबलस्पून
• बेकिंग सोडा – १ चिमूट
• पाणी – आवश्यकतेनुसार
• तळण्यासाठी तेल किंवा तूप

• साखर – १.५ कप
• पाणी – ¾ कप
• वेलची पूड – ½ टीस्पून
• लिंबाचा रस – ½ टीस्पून

• एका परातीत मैदा घ्या. त्यात तूप आणि बेकिंग सोडा घालून हाताने चांगले चोळून घ्या. त्यानंतर दही घालून मिश्रण एकत्र करा. थोडे थोडे पाणी घालत पीठ तयार करा. पीठ जास्त मळू नका. ते मऊसर आणि किंचित सैल राहू द्या.
• तयार पीठ काही मिनिटे झाकून ठेवा. त्यानंतर त्याचे समान आकाराचे गोळे करा. प्रत्येक गोळा हाताने हलका दाबून मध्ये छोटासा खळगा तयार करा. बालुशाहीचा आकार फार पातळ करू नका.
• कढईत तेल किंवा तूप गरम करा. तेल खूप गरम झाल्यावर बालुशाही लगेच टाकू नका. मध्यम ते मंद आचेवर
• बालुशाही सावकाश तळा. ती आतपर्यंत शिजण्यासाठी वेळ द्या. रंग हलका सोनेरी झाल्यावर त्या बाहेर काढा.
• दुसऱ्या भांड्यात साखर आणि पाणी घेऊन उकळायला ठेवा. पाकाला थोडी घट्टसर consistency येऊ द्या. त्यात वेलची पूड आणि लिंबाचा रस घाला. पाक पूर्णपणे खूप घट्ट करू नका.
• तळलेल्या बालुशाही थोड्या कोमट असताना त्या साखरेच्या पाकात घाला. काही मिनिटे त्या पाकात राहू द्या, जेणेकरून साखरेचा गोडवा आतपर्यंत मुरेल.
• बालुशाही पाकातून काढून ताटात किंवा जाळीवर ठेवा. थंड झाल्यावर तिच्यावर साखरेचा हलका थर तयार होऊ लागेल. यामुळे बालुशाहीला सुंदर दिसण्यासोबतच खास चवही मिळते.
• बालुशाही पूर्णपणे थंड झाल्यावर सर्व्ह करा. इच्छेनुसार वरून बारीक चिरलेले बदाम किंवा पिस्ते घालून सजवू शकता. हवाबंद डब्यात ठेवून काही दिवस तिचा आस्वाद घेता येतो.

बालुशाही मऊ आणि खुसखुशीत होण्यासाठी टिप्स

• पीठ जास्त मळल्यास बालुशाही कडक होऊ शकते.
• तळताना तेल खूप गरम ठेवू नका.
• मंद आचेवर सावकाश तळल्याने बालुशाही आतून व्यवस्थित शिजते.
• पाक अतिशय घट्ट केल्यास बालुशाहीवर साखरेचा थर जास्त जाड होऊ शकतो.
• बालुशाही पाकात टाकण्यापूर्वी ती थोडी कोमट असणे योग्य ठरते.

Web Title: Ganeshotsav 2026 how to make halwai style balushahi at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com