Ganeshotsav 2026 : गणेशाच्या नैवेद्यासाठी बनवा हेल्दी आणि टेस्टी ‘ड्रायफ्रुट्स मोदक’, काही मिनिटांची रेसिपी

Dry Fruit Modak Recipe : सुक्यामेवापासून तयार केले जाणारे मोदक फक्त चवीलाच उत्तम लागत नाहीत तर यातील पोषक घटक आरोग्यासाठीही खूप फायद्याचे ठरतात. बाप्पाच्या नैवेद्यात तुम्ही या मोदकांचा समावेश करु शकता.

Ganeshotsav 2026 : गणेशाच्या नैवेद्यासाठी बनवा हेल्दी आणि टेस्टी 'ड्रायफ्रुट्स मोदक', काही मिनिटांची रेसिपी

Follow Us:

Follow Us:

• गणपती बाप्पाचा मोदक हा पदार्थ खास आवडीचा आहे.
• मोदक अनेक प्रकारे बनवले जाऊ शकतात.
• आज आपण ड्रायफ्रुट्स मोदक कसे बनवायचे ते पाहणार आहोत.

Recipe : हेल्दी अन् टेस्टी… नाचणीच्या पिठापासून बनवा जाळीदार आणि स्पाँजी ढोकळा, सकाळच्या नाश्त्यासाठी परफेक्ट पर्याय

या मोदकासाठी फार मोठी तयारी करण्याची गरज नसते. सुकामेवा हलका भाजून त्याची पूड केली आणि त्यात खजूर किंवा थोडासा गूळ मिसळला की मोदकाचा सारण तयार होते. त्यामुळे सणासुदीच्या दिवसांत कमी वेळेत घरच्या घरी स्वादिष्ट पदार्थ तयार करायचा असेल तर ही रेसिपी नक्की करून पाहता येईल. मुलांपासून मोठ्यांपर्यंत सर्वांना आवडेल असा हा मोदक प्रसादासाठी परफेक्ट ठरेल. चला याची रेसिपी नोट करून घेऊयात.

साहित्य

• १ कप काजू
• १ कप बदाम
• १/२ कप पिस्ता
• १/२ कप अक्रोड
• १ कप बिया काढलेले खजूर
• २ चमचे तूप
• १/२ चमचा वेलची पूड
• २ चमचे खसखस
• २ चमचे किसलेले सुके खोबरे
• सजावटीसाठी थोडे बदाम-पिस्त्याचे काप

कृती

• कढई गरम करून त्यात काजू, बदाम, पिस्ता आणि अक्रोड मंद आचेवर हलके भाजून घ्या. सुकामेवा जास्त भाजू नका. तो थंड झाल्यावर मिक्सरमध्ये भरडसर वाटून घ्या.
• खजूर बारीक चिरून घ्या. खजूर खूप कडक असल्यास तो थोडा वेळ कोमट पाण्यात ठेवून नंतर पाणी पूर्णपणे काढून घ्या.
• त्याच कढईत खसखस आणि सुके खोबरे हलके भाजून घ्या. त्यात वेलची पूड मिसळा.
• कढईत तूप गरम करून त्यात चिरलेला खजूर घाला. मंद आचेवर काही मिनिटे परतत राहा. खजूर मऊ झाल्यावर त्यात वाटलेला सुकामेवा, खसखस आणि खोबरे घाला.
• सर्व साहित्य नीट मिसळून घ्या. मिश्रण कढईपासून सुटू लागले की गॅस बंद करा. हाताळता येईल इतके कोमट होऊ द्या.
• हाताला थोडे तूप लावून मिश्रणाचा छोटा गोळा घ्या. मोदकाच्या साच्यात भरून घट्ट दाबा आणि अलगद बाहेर काढा. साचा नसेल तर हातानेही मोदकाचा आकार देता येईल.
• तयार मोदकांवर बदाम-पिस्त्याचे काप लावा. मोदक पूर्णपणे थंड झाल्यावर डब्यात भरून ठेवा आणि गणपती बाप्पांना नैवेद्य म्हणून अर्पण करा.
• मोदकाचे मिश्रण बांधून येत नसेल तर त्यात थोडे अधिक खजूर घालता येतील. तसेच सुकामेवा वाटताना अगदी बारीक पूड करण्याऐवजी थोडा भरडसर ठेवल्यास मोदकाला छान पोत आणि चव मिळते.

Web Title: Ganeshotsav 2026 make healthy and tasty dry fruit modak at recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com