विदेशी पदार्थाला द्या देसी तडका! घरी बनवा चिजी, सॉसी आणि भाज्यांनी भरलेला चविष्ट ‘पिझ्झा’; चव अशी की सर्वच होतील खुश

Desi Pizza Recipe :हा देशी पिझ्झा भारतीय मसाल्यांच्या तिखट-चटकदार चवीमुळे “देसी ट्विस्ट” असलेला फ्यूजन डिश आहे. नाश्ता, पार्टी किंवा संध्याकाळच्या स्नॅकसाठी ही एक मस्त रेसिपी आहे जी प्रत्येक वेळी सर्वांना आवडेल.

• देसी स्टाईल व्हेज पिझ्झा रेसिपी
• लहान मुलांपासून मोठ्यांपर्यंत सर्वांनाच आवडेल ही रेसिपी
• कुरकुरीत बेस आणि चवदार टेस्ट मनाला करेल खुश

पिझ्झा म्हटलं की लगेच आपल्या डोळ्यांसमोर येतो तो चीज, सॉस आणि भाज्यांनी भरलेला इटालियन डिश. पण आज आपण बनवणार आहोत “देसी पिझ्झा” म्हणजेच भारतीय चवीचा स्पर्श असलेला खास घरगुती पिझ्झा. या पिझ्झामध्ये मसालेदार चव, कुरकुरीत बेस आणि भरपूर टॉपिंग्ज यामुळे तो मुलांपासून मोठ्यांपर्यंत सगळ्यांनाच आवडतो. यामध्ये आपण भारतीय मसाले, पनीर आणि भाज्या वापरून एक स्वादिष्ट फ्यूजन तयार करणार आहोत. चला जाणून घेऊया यासाठी लागणारे साहित्य आणि कृती.

पार्टी स्नॅक्ससाठी परफेक्ट पर्याय, घरी बनवा टेस्टी ‘बेबी कॉर्न चिली’; अवघ्या 10 मिनिटांची रेसिपी

साहित्य:

पिझ्झा बेससाठी:

• मैदा – १ कप
• सुकं यीस्ट – १ टीस्पून
• साखर – अर्धा टीस्पून
• मीठ – चिमूटभर
• कोमट पाणी – आवश्यकतेनुसार
• तेल – १ टेबलस्पून

टॉपिंगसाठी:

• कांदा – १ बारीक कापलेला
• ढोबळी मिरची – १ बारीक तुकडे केलेली
• टोमॅटो – १ बारीक चिरलेला
• पनीर – अर्धा कप चौकोनी तुकडे
• शिजवलेला स्वीट कॉर्न – २ टेबलस्पून
• लाल तिखट – १ टीस्पून
• गरम मसाला – अर्धा टीस्पून
• ओरेगानो आणि चिली फ्लेक्स – चवीनुसार
• चीज – आवश्यकतेनुसार
• टोमॅटो सॉस किंवा पिझ्झा सॉस – २ टेबलस्पून
• तेल – थोडं

संध्याकाळी भूक लागल्यानंतर काय खावं सुचत नाही? मग सोप्या पद्धतीमध्ये बनवा कुरकुरीत स्वीट कॉर्न कटलेट, नोट करा रेसिपी

कृती:

• यासाठी सर्वप्रथम एका भांड्यात यीस्ट, साखर आणि कोमट पाणी घालून १० मिनिटांसाठी झाकून ठेवा, म्हणजे यीस्ट ऍक्टिव्ह होईल.
• यानंतर मैदा, मीठ आणि तेल एकत्र करून त्यात यीस्टचं मिश्रण घाला. मऊसर पीठ मळा आणि ते झाकून १ तास ठेवा, म्हणजे ते फुलून येईल.
• एका पॅनमध्ये थोडं तेल गरम करून कांदा, ढोबळी मिरची, टोमॅटो, कॉर्न आणि पनीर परतून घ्या. त्यात लाल
• तिखट आणि गरम मसाला घाला आणि भाज्यांना हलका स्वाद येऊ द्या.
• फुललेलं पिठ घेऊन त्याचा गोळा करून गोलसर बेस तयार करा. बेस जाडसर ठेवा जेणेकरून तो शिजल्यानंतर नरम आणि कुरकुरीत लागेल.
• बेसवर टोमॅटो सॉस पसरवा. त्यावर तयार केलेलं भाज्यांचं मिश्रण ठेवा आणि वरून चीज शिंपडा.
• हा पिझ्झा प्रीहीट केलेल्या ओव्हनमध्ये १८०°C वर १५ मिनिटं बेक करा. जर ओव्हन नसेल, तर गॅसवर झाकण ठेवून तव्यावरही शिजवू शकता.
• बेक झाल्यानंतर पिझ्झा गरम असतानाच ओरेगानो आणि चिली फ्लेक्स घालून सर्व्ह करा.