पार्टी स्नॅक्ससाठी परफेक्ट पर्याय, घरी बनवा टेस्टी ‘बेबी कॉर्न चिली’; अवघ्या 10 मिनिटांची रेसिपी

Baby Corn Chili Recipe : चायनीज लव्हर्ससाठी खास, काही नवीन ट्राय करायचं असेल तर घरी बनवून पहा चविष्ट अशी बेबी कॉर्न चिली. याची रेसिपी फार सोपी आहे आणि कमी वेळेत ती तयारही होते.

(फोटो सौजन्य: Pinterest)

Follow Us:

Follow Us:

• चायनीज लव्हर्ससाठी खास, जाणून घ्या ‘बेबी कॉर्न चिली’ची रेसिपी
• ही डिश अवघ्या काही मिनिटांतच तयार होते
• काही नवीन बनवायचं असल्यास ही एक परफेक्ट डिश आहे

दिवसाची सुरुवात होईल उत्साहाने! सकाळच्या नाश्त्यासाठी १० मिनिटांमध्ये बनवा पौष्टिक रव्याचा चिल्ला

साहित्य

• बेबी कॉर्न – १५ ते २० (कापून घ्यावेत)
• मैदा – ३ टेबलस्पून
• कॉर्नफ्लोअर – ३ टेबलस्पूनqpp
• आले-लसूण पेस्ट – १ टीस्पून
• मिरी पूड – अर्धा टीस्पून
• मीठ – चवीनुसार
• पाणी – आवश्यकतेनुसार
• तेल – तळण्यासाठी

• कांदा – १ मध्यम (चिरलेला)
• ढोबळी मिरची – १ (लाल, हिरवी, पिवळी – हवे तसे)
• आले-लसूण पेस्ट – १ टीस्पून
• टोमॅटो सॉस – २ टेबलस्पून
• सोया सॉस – १ टेबलस्पून
• रेड चिली सॉस – १ टेबलस्पून
• व्हिनेगर – अर्धा टीस्पून
• काळी मिरी पूड – थोडीशी
• मीठ – चवीनुसार
• स्प्रिंग ऑनियन – सजावटीसाठी

कृती

• यासाठी सर्वप्रथम बेबी कॉर्न स्वच्छ धुवून घ्या. नंतर पाण्यात थोडं मीठ टाकून ५ ते ७ मिनिटे उकळून घ्या, म्हणजे ते अर्धवट शिजतील.
• एका वाडग्यात मैदा, कॉर्नफ्लोअर, आले-लसूण पेस्ट, मीठ आणि मिरी पूड घालून थोडं पाणी टाकून घट्ट मिश्रण तयार करा. त्यात उकडलेले बेबी कॉर्न टाका आणि नीट मिक्स करा.
• एका कढईत तेल गरम करा आणि या बेबी कॉर्नचे तुकडे मध्यम आचेवर सोनेरी आणि कुरकुरीत होईपर्यंत तळून घ्या. नंतर बाजूला ठेवा.
• दुसऱ्या पॅनमध्ये थोडंसं तेल गरम करा. आले-लसूण पेस्ट घालून काही सेकंद परतवा. नंतर चिरलेला कांदा आणि ढोबळी मिरची घालून थोडं परता, पण त्यांचा कुरकुरीतपणा टिकू द्या.
• आता त्यात टोमॅटो सॉस, सोया सॉस, रेड चिली सॉस आणि व्हिनेगर घाला. सर्व सॉस चांगले मिक्स करा.
  तळलेले बेबी कॉर्न यात घाला आणि सर्वकाही छानपणे मिसळा.
• गरज वाटल्यास थोडं पाणी टाका, जेणेकरून मसाला सर्वत्र नीट लागेल.
• वरून काळी मिरी पूड आणि स्प्रिंग ऑनियन टाकून सजवा. गरमागरम सर्व्ह करा.
• ही बेबी कॉर्न फ्राईड राईस आणि नूडल्ससोबत सर्व्ह केल्यास अधिक चविष्ट लागते.

Web Title: Perfect option for party snacks make tasty baby corn chili at recipe will be ready in 10 minutes

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com