ऐतिहासिक वारसा आणि अप्रतिम सौंदर्य! हंपीच्या सहलीचे नियोजन करताय? ‘हा’ सोपा टूर प्लॅन येईल कामी

इतिहास, प्राचीन वास्तू आणि मंदिरांना भेट देण्याची आवड असेल तर कर्नाटकातील हंपी तुमच्यासाठी खास ठरू शकते. तुंगभद्रा नदीकाठी वसलेल्या या ऐतिहासिक शहरात विजयनगर साम्राज्याच्या वैभवाच्या अनेक खुणा आजही पाहायला मिळतात.

• विरुपाक्ष मंदिर आणि भव्य विजय विठ्ठल मंदिराला नक्की द्या भेट
• हंपीचा प्रसिद्ध स्टोन चॅरियट, लोटस महाल आणि प्राचीन बाजारपेठ पाहण्याची संधी
• विमान, रेल्वे किंवा रस्ते मार्गाने हंपीला कसे पोहोचाल? जाणून घ्या प्रवासाची माहिती

जर तुम्हाला इतिहासाची आवड असेल आणि ऐतिहासिक ठिकाणे पाहण्यात रस असेल तर कर्नाटकातील हंपी हे ठिकाण तुमच्यासाठी परफेक्ट ठरु शकते. इथे तुम्हाला प्राचीन अवशेष, मंदिरे, इतिहास आणि सुंदर पर्वत पाहायला मिळतील. कर्नाटकात तुंगभद्रा नदीच्या काठावर वसलेले हम्पी एके काळी विजयनगर साम्राज्याची राजधानी होते. आजही इथे भव्य इमारती, बाजारपेठ, राजमहल आणि जुनी मंदिरे आणि दगडांत कोरलेले अवशेष पाहायला मिळतील. तुम्हीही हंपीला भेट देण्याचा विचार करत असाल तर आजची बातमी तुमच्या कामाची ठरेल.

समुद्राच्या मध्यभागी वसलेले हे रिसॉर्ट पाहून वाटते जणू धर्तीवर आलाय UFO, कुठे आहे ते जाणून घ्या

हंपीमध्ये या ठिकाणांना नक्की भेट द्या

विरुपाक्ष मंदिर

हे मंदिर भगवान शिवाला समर्पित इथल्या सर्व खास मंदिरांपैकी हे एक आहे. आजही इथे नित्यनियमाने पूजा-अर्चा केली जाते. मंदिराचे उंच गोपुरम दुरूनही दिसते, हे मंदिर हंपी बाजाराजवळ वसलेले आहे.

विजय विठ्ठल मंदिर आणि स्टोन चॅरियट

या मंदिराची गणना हंपीतील सर्वात सुंदर आणि ऐतिहासिक मंदिरांमध्ये केली जाते. मंदिरात अतिसुंदर कोरीव काम केलेले स्तंभ पाहायला मिळतात. या स्थळाचे मुख्य आकर्षण म्हणजे ग्रॅनाइट दगडात कोरलेला आणि भगवान विष्णूचे वाहन असलेल्या गरुडाला समर्पित असलेला दगडी रथ आहे. याच्या शेजारी हत्तीच्या मूर्त्या आहेत. तुम्हाला हे मंदिर ५० रुपयांच्या नोोटेवरही पाहायला मिळेल.

लोटस महाल

इथे गेल्यावर तुम्ही लोटस महालदेखील पाहू शकता. हे महल राॅयल सेंटरमध्ये असून याची डिजाईन कमळासारखी करण्यात आली आहे. यामुळेच याला लोटस म्हणजेच कमळ असे नाव देण्यात आले आहे. बाल्कनी, कमानी आणि एकूणच रचना या ठिकाणाला इतर मंदिरांहून वेगळी बनवते.

हंपी बाजारपेठ

हंपीला भेट दिली तर येथील बाजारपेठात जायला विसरु नका. व‍िजयनगर साम्राज्‍याच्या काळापासून ही बाजारपेठ सुरु असून त्याकाळी हे मोठे व्यापारी केंद्र म्हणून ओळखले जात होते.बाजाराच्या रस्त्यावर आजही तुम्हाला प्राचीन दगडी मंडप पाहायला मिळतील. त्याकाळी हंपी बाजारपेठेत हिरे, मोती, घोडे आणि मसाल्यांचा व्यापार होत असे.

Travel News : पार्टनरच्या मृत्यूनंतरही त्याच्याशी करू शकता लग्न, जगातील ही देशांचे नियम ऐकून तुम्हीही व्हाल हैराण

असे गाठा हंपी…

• जर तुम्हाला फ्लाईटने जायचे असेल तर येथील सर्वात जवळचे विमानतळ विजयनगर एअरपोर्ट आहे. इथून ४० किमी अंतरावर हंपी आहे. यासोबतत बंगळुरुतील केम्पेगौडा आंतरराष्ट्रीय विमानतळ हा देखील पर्याय हंपीला जाण्यासाठी उपयुक्त ठरतो.
• जर तुम्ही रेल्वेने हंपी गाठत असाल तर होसपेट जंक्शन हे हंपीच्या जवळील रेल्वे स्थानक आहे. इथून साधारण १३ किमी अंतरावर हंपी वसले आहे. रेल्वे स्टेशनवरुन कॅब किंवा बस करुन तुम्ही हंपीला जाऊ शकता.
  तुम्ही रस्ते मार्गाने आपल्या चारचाकीने जर हंपीपर्यंतचा प्रवास करु इच्छित असाल तर मुंबई – पुणे एक्सप्रेसवेने
• तुम्हाला प्रवासाची सुरुवात करावी लागेल. सातारा – बेळगाव – लक्कमपूर मार्गे हॉस्पेट आणि तिथून हंपी असा तुम्हाला प्रवास राहिल. मुंबईहून हॉस्पेटसाठी थेट खाजगी बसेस देखील उपलब्ध आहेत