Health Tips: सांधेदुखी आणि मधुमेहापासून आराम मिळवण्यासाठी जेवल्यानंतर ‘हा’ पदार्थ खा चावून, उद्भवणार नाहीत गंभीर आजार

लवंग खाल्याने शरीराला होणारे फायदे:

पचनक्रिया सुधारते:

जंक फूड किंवा तिखट तेलकट पदार्थांचे अतिसेवन केल्यामुळे शरीराची पचनक्रिया बिघडते. पचनक्रिया बिघडल्यानंतर आरोग्याला हानी पोहचण्याची शक्यता असते. त्यामुळे अपचनाची समस्या दूर करण्यासाठी लवंग खावी. यामध्ये अँटीऑक्सिडंट आणि अँटी-इंफ्लेमेटरी गुणधर्म आढळून येतात. लवंग खाल्यामुळे अपचन, गॅस, बद्धकोष्ठता इत्यादी अनेक समस्यांपासून आराम मिळतो.लवंग खाल्यामुळे पोटात होणारी जळजळ कमी होऊन आतड्यांचे कार्य सुधारते. याशिवाय शरीरात साचून राहिलेले विषारी घटक बाहेर पडून जातात.

दातांसाठी फायदेशीर:

दात दुखी, हिरड्यांमधील वेदना, दातांवर पिवळा थर साचून राहणे, कीड लागणे इत्यादी अनेक समस्यांपासून लवंगचे सेवन करावे. याशिवाय दातांमध्ये कीड लागल्यास लवंग रात्रभर दातांमध्ये ठेवावी. यामुळे कीड नष्ट होऊन दात स्वच्छ होईल. नैसर्गिक अँटीसेप्टिक आणि वेदनाशामक म्हणून लवंग दातांसाठी प्रभावी ठरते. लवंग तेलाचा वापर करून तोंडातील बॅक्टेरिया नष्ट होतात. याशिवाय लवंग तेल माउथवॉश म्हणून सुद्धा वापरले जाते.

रोगप्रतिकारशक्ती सुधारते:

साथीचे आजार किंवा सर्दी, खोकला झाल्यानंतर लवंगचा काढा प्यावा. लवंगचा काढा प्यायल्यामुळे शरीराची रोगप्रतिकारशक्ती सुधारते आणि आरोग्याला अनेक फायदे होतात. यामध्ये असलेले अँटीऑक्सिडंट आणि जीवनसत्त्वे शरीराची रोगप्रतिकारशक्ती सुधारतात आणि साथीच्या आजारांपासून शरीराचे नुकसान होऊ देत नाहीत.

गरोदरपणात बद्धकोष्ठतेची समस्या उद्भवते? मग ‘हे’ घरगुती उपाय करून मिळवा तात्काळ आराम

सांधेदुखीपासून सुटका:

नैसर्गिक वेदनाशमक म्हणून लवंग तेलाचा वापर केला जातो. यामध्ये असलेले गुणधर्म सांध्यांमधील सूज आणि जळजळ कमी करण्यासाठी मदत करतात. याशिवाय थकवा आणि अंगदुखीपासून सुद्धा आराम मिळतो. लवंग तेल शरीराला लावल्यामुळे रक्तभिसरण सुधारण्यास मदत होते. अंघोळीच्या पाण्यात थेंबभर लवंग तेल टाकून मिक्स करून अंघोळ केल्यास शरीराचा थकवा कमी होईल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या