भाजलेले चणे खाल्ल्याने आरोग्याला होती बहुगुणी फायदे, वाचा सविस्तर

चण्यांमध्ये प्रथिने मुबलक प्रमाणात आढळून येतात. इन्स्टंट एनर्जी बूस्टर म्हणून सगळी लोक जास्त प्रमाणात चणे खातात. लहान मुलांच्या डब्यात तुम्ही त्यांना चणे खायला देऊ शकता.

Roasted chana

Follow Us:

Follow Us:

दुपार किंवा संध्याकाळच्या वेळी आपल्याला भूक लागल्यानंतर अनेकदा आपण भाजलेले चणे स्नॅक्स म्हणून खातो. पण हे भाजलेले चणे आरोग्यासाठी अतिशय फायदेशीर आहेत. शरीरातील रक्त वाढीसाठी रोजच्या आहारात कमीत कमी एक मूठ चणे खावे. ज्यामुळे शरीरातील रक्त लवकर वाढून आरोग्य सुधारण्यास मदत होईल. चण्यांमध्ये प्रथिने मुबलक प्रमाणात आढळून येतात. इन्स्टंट एनर्जी बूस्टर म्हणून सगळी लोक जास्त प्रमाणात चणे खातात. लहान मुलांच्या डब्यात तुम्ही त्यांना चणे खायला देऊ शकता.

अनेकदा घरी संध्याकाळच्या नाश्त्यासाठी भाजलेले चणे, त्यावर बारीक चिरलेली कोथींबीर, कांदा, टोमॅटो, मिरची आणि चाट मसाला टाकून चणा चाट बनवले जाते. हे चाट लहानमुलांपासून मोठ्यांपर्यंत सगळ्यांचं आवडते. निरोगी आरोग्यासाठी रोजच्या आहारात तुम्ही चण्यांचे सेवन करू शकता. आज आम्ही तुम्हाला चणे खाल्ल्याने आरोग्याला नेमके काय फायदे होतात. याबद्दल सविस्तर माहिती सांगणार आहोत. चला तर जाणून घेऊया.(फोटो सौजन्य: istock)

भाजलेले चणे खाल्याने आरोग्याला होणारे फायदे:

• भाजलेल्या चण्यांमध्ये विटामीन बी ६ , फोलेट, नियासिन, थायामिन, रिबोफ्लेविन आणि खनिजे असतात. खनिजांनी समृद्ध असलेले चणे पौष्टिक अन्नपदार्थांमध्ये येतात.
• चणे खाल्ल्याने रोगप्रतिकारशक्ती चांगली राहते. निरोगी जीवनशैली जगण्यासाठी रोजच्या आहारात एक मूठ चण्यांचे सेवन करावे.
• वाढत्या वजनाच्या समस्येने हैराण असलेल्या लोकांनी आवर्जून रोजच्या आहारात चणे खावे.यामुळे वजन कमी होऊन शरीरातील अतिरिक्त चरबी कमी होते.
• मॅग्नेशियम, कॅल्शियम, पोटॅशियम, तांबे, फोलेट, फॉस्फरस यांसारखे घटक चण्यांमध्ये आहेत. हृदयाच्या आरोग्यासाठी चणे उपयुक्त आहेत.
• चण्यांमध्ये मुबलक प्रमाणात लोह असल्याने ॲनिमियाचा त्रास असलेल्या महिला चणे खाऊ शकतात.
• नैसर्गिकरित्या शरीरावरील चरबी कमी करण्यासाठी आणि सोडियम मुक्त होण्यासाठी चणे गुणकारी आहेत. निरोगी हृदयासाठी चणे फायदेशीर आहेत.
• मधुमेहाच्या आजाराने त्रस्त असलेले लोक चणे खाऊ शकतात. यामुळे रक्तातील साखर नियंत्रणात राहून कार्बोहायड्रेट कमी होतील.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

Web Title: Healthy benefits of eating roasted chana

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com